Kronekele wo sangula 4:1-43
4 A vana va Judha kuve Perezi,+ na Hezroni,+ na Karmi, na Hura,+ na Xobhali.+
2 Reyaya, a n’wana wa Xobhali, i nova papayi wa Jahate, Jahate ava papayi wa Ahumayi na Lahadha. Leyi yive mingango ya va ka Zorate.+
3 A vana va papayi wa Etame vave lava:+ Jezreeli, na Ixma, na Idbhaxa (niku a vito ga makabye wabye wa cisati gi wa hi Hazelelponi).
4 Penuweli ive papayi wa Gedhora; Ezeri ive papayi wa Huxa. Lava vave vana va Hura,+ a matewula ya Efrata, a papayi wa Bhetlehema.+
5 Axhura,+ a papayi wa Tekowa,+ i wa hi ni vasati vambiri: Hela na Naara.
6 Naara i no mu pswalela Ahuzama, na Heferi, na Temeni, na Haahaxtari. Lava vave vana va Naara.
7 A vana va Hela kuve Zereta, na Izhare, na Etnane.
8 Koza i nova papayi wa Anubha na Zobhebha, ni wa mingango ya Ahareli, a n’wana wa Haruma.
9 Jabheza i wa dzundziwa nguvhu a ku hundza a vamakabye vakwe; ni mamani wakwe i no mu chula ku hi Jabheza,* aku: “Ndzi mu pswalile hi kubayisa.”
10 Jabheza i no khongela ka Nungungulu wa Izrayeli, aku: “Mayiwako loku a wo ndzi katekisa, u engetela a tiko ga mina, ni canja ga wena giva zvin’we na mina u tlhela u ndzi vhikela ka makhombo kasi ma nga ndzi vangeli hlomulo!” Hikwalaho, Nungungulu i no mu nyika lezvi a nga kombele.
11 Kelubhe, a makabye wa Xuha, i nova papayi wa Mehira, loyi a nga hi papayi wa Extoni.
12 Extoni i nova papayi wa Bhet-Rafa, na Paseya, na Tehina, a papayi wa Ir-Nahaxe. Lava vave vavanuna va le Reka.
13 A vana va Kenazi kuve Otniyeli+ na Seraya. A n’wana* wa Otniyeli kuve Hatati.
14 Meyonotayi i nova papayi wa Ofra. Seraya i nova papayi wa Jowabe, a papayi wa vahanyi va Ge-Haraxima,* a nga vitanisiwa lezvo hi kota ya lezvi va nga hi vameseri.
15 A vana va Kalebhi,+ a n’wana wa Jefune, kuve Iru, na Ela, na Naama; ni n’wana* wa Ela kuve Kenazi.
16 A vana va Jehalelela kuve Zife, na Zifa, na Tiriya, na Asareli.
17 A vana va Ezra kuve Jetera, na Meredhe, na Efera, na Jaloni. I* no xura nyimba a pswala Miriyamu, na Xamayi na Ixbha, a papayi wa Extemowa.
18 (Ni sati wakwe wa muJudha i no pswala Jeredhe, a papayi wa Gedhora; na Hebhere, a papayi wa Soko; na Jekutiyeli, a papayi wa Zanowa.) Lava vave vana va Bhitiya, a nhanyana wa Faro, loyi a nga chadhile na Meredhe.
19 A vana va sati wa Hodhiya, a makabye wa cisati wa Nahama, vave vapswali va Keila, a muGarmite, na Extemowa, a muMaakate.
20 A vana va Ximoni kuve Amnoni, na Rina, na Bhen-Hanani, na Tilona. A vana va Ixi kuve Zohate na Bhen-Zohate.
21 A vana va Xela,+ a n’wana wa Judha, kuve Ere, a papayi wa Leka, na Laadha, a papayi wa Marexa, ni mingango ya lava va mahako a tinguwo ta tinene va yindlu ya Axbheya,
22 na Jokimu, ni vavanuna va le Kozebha, na Jowaxi, na Sarafa — lava va ngava vanuna va vavasati va vaMowabhi — na Jaxubhi-Lehema. Leti timhaka ta kale.
23 Vona va wa hi vawumbi va nga hanya Netayime ni Gedhera. Va wa hanya kwaseyo na va tirela hosi.
24 A vana va Simeyoni+ kuve Nemuweli, na Jamina, na Jaribha, na Zera, na Xawule.+
25 Xaluma ive n’wana wakwe; Mibsamu, a n’wana wakwe; na Mixma, a n’wana wakwe.
26 A vana va Mixma kuve Hamuweli, a n’wana wakwe; na Zakura, a n’wana wakwe; na Ximeyi, a n’wana wakwe.
27 Ximeyi ive ni 16 wa vafana ni 6 wa vanhanyana. Kanilezvi a vamakabye vakwe a va vangi ni vana vo tala, niku ne wun’we wa mingango yabye a wu vangi ni vana vo tala va vafana a ku khwatsi hi lava a vavanuna va ka Judha va nga hi navo.+
28 Va wa hanya Bherexebha,+ ni Moladha,+ ni Hazar-Xuwale,+
29 ni Bhilha, ni Ezema,+ ni Toladha,
30 ni Bhetuweli,+ ni Horma,+ ni Ziklagi,+
31 ni Bhet-Markabhote, ni Hazar-Susima,+ ni Bhet-Bhiri, ni Xaarayime. Lawa mave madhoropa yabye kala kufumeni ka Dhavhidha.
32 A maaldheya yabye mave Etame, ni Ayina, ni Rimoni, ni Tokeni, ni Axane,+ ntlhanu wa madhoropa
33 zvin’we ni maaldheya yabye ma nga hi matlhelweni wontlhe ya madhoropa lawa kala Bhaali. Lowu wuve xaxameto wa mavito yabye hi tixaka tabye ni lomu va nga tshama kona.
34 Mexobhabha, na Jamleka, na Joxa, a n’wana wa Amaziya,
35 na Joyeli; na Jehu, a n’wana wa Joxibhiya, a n’wana wa Seraya, a n’wana wa Asiyeli;
36 na Eliyowenayi, na Jaakoba, na Jexohaya, na Asaya, na Adhiyeli, na Jesimiyeli, na Bhenaya;
37 na Ziza, a n’wana wa Xifi, a n’wana wa Aloni, a n’wana wa Jedhaya, a n’wana wa Ximri, a n’wana wa Xemaya
38 — lava, va kumbukilweko hi mavito, vave tihosana mingangweni; ni mingango ya vakokwani vabye yi no andza.
39 Va noya nyangweni ya Gedhora, mutsuwuka-gambo wa nkova, va ya lavetela wuriselo ga mitlhambi yabye.
40 Hi kugumesa, va no kuma a wuriselo go nona ni ga ginene; ni tiko gi wa hi ga hombe na gi rulile, na gi nga hi na gujeguje. Lava va nga rangile va hanya seyo va wa hi vaHamu.+
41 Lava a mavito yabye ma xaxametilweko va nota masikwini ya hosi Hezekiya+ wa Judha va ta hahlulela a matenda ya vaHamu ni ya vaMewunime lava va nga hanya lomo. Va no va nyikela kulovisweni kala ni nyamutlha lezvi, va sala va aka wutshan’wini gabye, hakuva ku wa hi ni wuriselo ga mitlhambi yabye.
42 A vokari va ka Simeyoni, va 500 wa vavanuna, va noya Citsungeni ca Seyire+ na va rangelwa hi Pelatiya, na Neyariya, na Refaya, na Uziyeli, a vana va Ixi.
43 Va no lovisa a vaAmaleki+ lava va nga sele, lava va nga hulukile, va gumesa va hanya lomo kala ni nyamutlha lezvi.
Mitlhamuselo ya lahasi
^ A vito legi gaku Jabheza zvi nga maha na gi yelana ni gezu ga ciHebheru gi wulako ku “kubayisa”.
^ Hi kukongoma: “vana”.
^ Zvi wulako ku: “Nkova wa vameseri’.
^ Hi kukongoma: “vana”.
^ Kuzvilava ku wuliwa Bhitiya loyi a kumbukiwako ka vs. 18.
