Kronekele wo sangula 7:1-40
7 A vana va Isakari kuve Tola, na Puwa, na Jaxubha, na Ximroni,+ mune.
2 A vana va Tola kuve Uzi, na Refaya, na Jeriyeli, na Jahmayi, na Ibsamu, na Xemuweli, va nga hi tihosana ta tiyindlu ta vapapayi vabye. A vana va Tola va wa hi masochwa ya tinhenha. Masikwini ya Dhavhidha va wa hi 22 600.
3 A vana va Uzi kuve Izrahiya niku a vana va Izrahiya kuve Mikayeli, na Obhadhiya, na Joyeli, na Ixiya — vontlhe va ntlhanu va wa hi tihosana.*
4 Ahandle ka lezvo, hi kuya hi tihosana ta tiyindlu ta vapapayi vabye va wa hi ni 36 000 wa masochwa ka butho gabye, ma nga longile a kuya yimpini, hakuva va wa hi ni vasati vo tala ni vana vo tala.
5 A vamakabye vabye va mingango yontlhe ya ka Isakari va wa hi masochwa ya tinhenha. Vontlhe lava va tsalelweko hi tixaka tabye va wa hi 87 000.+
6 A vana va Bhenjamini+ kuve Bhela,+ na Bhekera,+ na Jedhiyayeli,+ vanharu.
7 A vana va Bhela kuve Ezbhoni, na Uzi, na Uziyeli, na Jerimote, na lri, ntlhanu. Va wa hi tihloko ta tiyindlu ta vapapayi vabye tlhelo masochwa ya tinhenha niku lava va nga tsalelwe hi tixaka tabye va wa hi 22 034.+
8 A vana va Bhekera kuve Zemira, na Jowaxi, na Eliyezeri, na Eliyowenayi, na Omri, na Jeremote, na Abhija, na Anatote, na Alemete — vontlhe lava vave vana va Bhekera.
9 Ka xaxameto wa tixaka tabye wa lava va tsalelweko, lowu wu nga xaxameta a tihloko ta tiyindlu ta vapapayi vabye ni vana vabye, ku wa hi ni 20 200 wa masochwa ya tinhenha.
10 A vana va Jedhiyayeli+ kuve Bhilhani niku a vana va Bhilhani kuve Jewuxa, na Bhenjamini, na Ehudhi, na Kenana, na Zetana, na Tarxixi, na Ahixahara.
11 Vontlhe lava vave vana va Jedhiyayeli, hi ku xaxameta hi tihloko ta tiyindlu ta vakokwani vabye. Va wa hi 17 200 wa masochwa ya tinhenha ma nga longile kuya yimpini.
12 Xupima na Hupima vave vana va Iri;+ a va ka Huxima va wa hi vana va Axeri.
13 A vana va Naftali+ kuve Jahziyeli, na Guni, na Jezera na Xaluma. Lava va wa hi va pswalo* wa Bhilha.+
14 A vana va Manase:+ Asriyeli, loyi a nga pswalelwa hi sati wakwe wa mutsongwani* wa muSiriya. (A wasati loyi i pswalile Makira,+ a papayi wa Gileyadhe.
15 Makira i no mu tekela sati Hupima na Xupima. A vito ga makabye wakwe wa cisati hi Maaka.) A n’wana wa wumbiri wa Manase kuve Zelofehadhe,+ kanilezvi Zelofehadhe i wova ni vanhanyana.+
16 Maaka, a sati wa Makira, i no pswala a n’wana wa mufana a mu chula ku hi Perexi. A vito ga makabye wakwe ku wa hi Xerexi. A vana va Xerexi kuve Ulama na Rekemu.
17 A n’wana* wa Ulama kuve Bhedhani. Lava vave vana va Gileyadhe, a n’wana wa Makira, a n’wana wa Manase.
18 A makabye wakwe wa cisati kuve Hamoleketa. Hamoleketa i no pswala Ixhodha, na Abhiyezeri, na Mahla.
19 A vana va Xemidha kuve Ahiyana, na Xekemi, na Likhi, na Aniyama.
20 A vana va Efrayime+ kuve Xutela;+ Bheredhi, a n’wana wakwe; Tahate, a n’wana wakwe; Eleyadha, a n’wana wakwe; Tahate, a n’wana wakwe;
21 Zabhadha, a n’wana wakwe; Xutela, a n’wana wakwe; Ezeri na Eleyadhe. A vavanuna va le Gati,+ a zvipswalwa zva tiko lego, va no va daya hakuva va no relela a ku ya teka a mitlhambi yabye.
22 Efrayime, a papayi wabye, i no va rila a masiku yo tala, niku a vamakabye vakwe va wa tshamela kuta va ta mu chavelela.
23 Andzhako ka lezvo, i no hlengela masango ni sati wakwe, a xura nyimba a pswala mufana. Kanilezvi i no mu chula ku hi Bheriya,* hakuva kuve hi khombo a nga simama ndlwini yakwe.
24 A nhanyana wakwe kuve Xeera, loyi a nga aka a madhoropa ya Bhet-Horoni wa le Ndzhelelweni+ ni wa le Tsungeni+ ni Uzeni-Xeera.
25 Ku wa hi na Refa, a n’wana wakwe; Rexefa; Tela, a n’wana wakwe; Tahana, a n’wana wakwe;
26 Ladhani, a n’wana wakwe; Amihudhi, a n’wana wakwe; Elixama, a n’wana wakwe;
27 Nuni, a n’wana wakwe; na Joxuwa,*+ a n’wana wakwe.
28 A tshomba yabye ni maaldheya yabye kuve Bheteli+ ni zvidhoropana zva kona, Naarani hi tlhelo ga mutsuwuka-gambo, Gezera ni zvidhoropana zva kona hi tlhelo ga mupela-gambo, Xekemi ni zvidhoropana zva kona, zvi famba kala Ayaya* ni zvidhoropana zva kona.
29 Tlhelweni ga vana va Manase ku wa hi na Bhet-Xeyani+ ni zvidhoropana zva kona, ni Taanaka+ ni zvidhoropana zva kona, ni Megidho+ ni zvidhoropana zva kona, ni Dhora+ ni zvidhoropana zva kona. A vana va Josefa, a n’wana wa Izrayeli, va wa hanya ka madhoropa lawo.
30 A vana va Axeri kuve Imna, na Ixvha, na Ixvhi na Bheriya.+ A makabye wabye wa cisati kuve Sera.+
31 A vana va Bheriya kuve Hebhere na Malkiyeli, loyi a nga hi papayi wa Bhirzayite.
32 Hebhere i nova papayi wa Jaflete, na Xomera, na Hotamu, ni wa Xuwa, a makabye wabye wa cisati.
33 A vana va Jaflete kuve Pasaka, na Bhimhala, na Axvhate. Lava kuve vana va Jaflete.
34 A vana va Xemeri* kuve Ahi, na Roga, na Jehubha, na Aramu.
35 A vana va Helema,* a makabye wakwe, kuve Zofa, na Imna, na Xelexi, na Amali.
36 A vana va Zofa kuve Suwa, na Harnefera, na Xuwale, na Bheri, na Imra,
37 na Bhezera, na Hodha, na Xama, na Xilxa, na Itrani, na Bheera.
38 A vana va Jetera kuve Jefune, na Pispa, na Ara.
39 A vana va Ula kuve Ara, na Haniyeli, na Riziya.
40 Vontlhe lava vave vana va Axeri, a tihloko ta tiyindlu ta vapapayi vabye, a masochwa ya tinhenha, ya milangelwa tlhelo tihosi ta tihosana. A ntsengo wa lava va tsalelweko hi kuya hi tixaka tabye+ wu wa hi 26 000 wa vavanuna+ va nga longile kuya yimpini.
Mitlhamuselo ya lahasi
^ Hi kukongoma: “tihloko”.
^ Hi kukongoma: “vana”.
^ Hi kukongoma: “vana”.
^ Zvi wulako ku: “Hi khombo”.
^ Kutani: “Jehoxuwa”, zvi wulako ku: “Jehovha Kuhanyisa”.
^ Zvi nga maha na zvi wula ku: “Gaza”, hambulezvo a hi Gaza wa le Filistiya.
^ Loyi a gin’wani vito a nga Xomera. Wona vs. 32.
^ Ko khwatsi hi yena mun’we na “Hotamu” loyi a kumbukiwako ka vs. 32.
