Papilo go sangula ga Pedro 5:1-14
5 Hikwalaho, kota dhota-kulobye, a kustumunyu wa kuxaniseka ka Kristu ni muhlengeli wa kungangamela loku ku to wonekeliswa,+ ndza khongotela* a madhota ma nga cikari ka n’wina, ndziku:
2 Risani a ntlhambi wa Nungungulu+ lowu wu nga mandleni ya n’wina, mu tira kota vawoneleli,* na ku nga hi hi ku kurumetwa, kanilezvi hi kuzvirandza mahlweni ka Nungungulu;+ na ku nga hi ku khwatsi mo tirela bhindzu,+ kanilezvi hi kuxuva ka hombe;
3 mu nga ti mahi tihosi hehla ka lava va nga tshomba ya Nungungulu,+ kanilezvi mahani cikombiso ka ntlhambi.+
4 Niku a cikhati leci a murisi wa hombe+ a to wonekeliswa, mu ta amukela a cidlodlo* ci nga loviko ca kungangamela.+
5 Hi kufanana, n’wina majaha, ti koramiseni ka vavanuna va kulileko.*+ Kanilezvi n’wina n’wentlhe ambalani* a kutikoramisa mun’we ka mun’wani, hakuva Nungungulu wa venga a vamatshandza kanilezvi i va nyika tipswalo lava va ti koramisako.+
6 Hikwalaho, ti koramiseni hasi ka canja ga ntamu ga Nungungulu kasi a fela ku mu tlakusa hi cikhati ci faneleko,+
7 na mu kari mu hoxela a kukarateka ka n’wina kontlhe hehla kakwe,+ hakuva wa khatala hi n’wina.+
8 Hlayisani a kupima ka n’wina, mu ti wonela!+ A nala wa n’wina, Dhiyabho, wa fambafamba a ku khwatsi i nghala yi bhongako, na a hlota wa ku mu khadamula.+
9 Kanilezvi, yimani muku pshwe mulwa naye,+ mu tiya kukholweni, na mu tiva lezvaku a kuxaniseka ko fana ni loko ka humelela a vamakabye va n’wina vontlhe misaveni.+
10 Hambulezvo, andzhako ka loku mu xanisekile kutsongwani, a Nungungulu wa tipswalo tontlhe, loyi a mu vitaneleko kungangamela kakwe ka pindzukelwa+ zvin’we na Kristu, i ta mbhetisa a gondziselelo ya n’wina. I ta mu tiyisa,+ a mu nyika ntamu,+ ni ku mu zimeka mu tiya.
11 A ntamu a wuve ka yena kala kupindzuka. Amen.
12 Hi canja ga Silvhanusi,*+ loyi ndzi mu wonako kota makabye wo tsumbeka, ndzi mu tsalele magezu lawa ya ma tsongwani kasi ku mu kuca ni ku mu tiyisekisa lezvaku leti hakunene hi tona a tipswalo ta Nungungulu. Tiyani ka tona.
13 A wasati* loyi a nga le Bhabhuloni, a hlawulilweko ku fana na n’wina, wa mu rungula, na Marku,+ a n’wana wa mina.
14 Losanani hi kupswopswana ka lirandzo.
Ngha n’wina n’wentlhe mu nga ka Kristu muva ni kurula.
Mitlhamuselo ya lahasi
^ Kutani: “kuca”.
^ Kutani: “mu wu wonelela khwatsi”.
^ Kutani: “korowa”.
^ Kutani: “ti boheni hi”.
^ Kutani: “ka madhota”.
^ Loyi a gin’wani vito a nga Silasi.
^ A “wasati” laha ka vhesi legi, zvi nga maha na ku wuliwa a bandla.