Papilo go sangula ka Va Le Korinte 5:1-13
5 Ku zwala lezvaku ku na ni wubhayi*+ cikari ka n’wina, a wubhayi* ga ku a gi se kumiwa hambu ka vamatiko, ga lezvaku a wanuna wo kari i hanya* ni sati wa papayi wakwe.+
2 Ma tizwa matshandza hi lezvo ke? Mu wa nga faneli ku rila+ kasi a wanuna loyi a mahileko lezvo a fela ku susiwa cikari ka n’wina ke?+
3 Hambu lezvi ndzi kalako ndzi nga hi kona cikari ka n’wina hi miri, ndzi na n’wina hi moya, niku ndzi sina ndzi lamulile a wanuna loye a mahileko lezvo, a ku khwatsi hi loku ndzi hi na n’wina.
4 Laha mu tlhanganako vitweni ga Hosi ya hina Jesu, na mu tiva lezvaku ndzi na n’wina hi moya ni ntamu wa Hosi ya hina Jesu,
5 nyikelani a munhu loye ka Sathani+ kasi a nyama yi lovisiwa, lezvaku a moya wu fela ku ponisiwa sikwini ga Hosi.+
6 A kutikulisa ka n’wina a hi ku nene. A mu zvi tivi lezvaku a comelo gi tsongwani ga vilisa* a mapa wontlhe ma vhuvilweko ke?+
7 Susani a comelo ga kale kasi muva mbila yiswa yo kala comelo, kota lezvi futsi mu nga yona. Hakuva, hakunene, Kristu, a yivhana ya hina ya Phasika,+ i sina a delwe kota muphahlo.+
8 Hikwalaho, a hi simameni ku maha mubuzo,+ kanilezvi na ku nga hi hi comelo ga kale kutani hi comelo ga kubiha ni wuhava, kanilezvi hi tipawa to kala comelo ta kutsumbeka ni lisine.
9 Ka papilo ga mina ndzi mu tsalele lezvaku mu tsema wunghana* ni zvibhayi,*
10 na ndzi nga wuli lezvaku mu tsawukana magumo ni zvibhayi* zva tiko legi,+ kutani vanhu va makangwa, kutani vaphangi, kutani vakhozeli va zvifananiso. Hakuva loku zvi wa hi lezvo, mu wa ta suka tikweni.+
11 Kanilezvi, makunu ndza mu tsalela lezvaku mu tsema a wunghana+ ni wihi munhu loyi a vitaniwako ku makabye na a hi cibhayi,* kutani wa makangwa,+ kutani mukhozeli wa zvifananiso, kutani murukateli, kutani cidhakwa,+ kutani khamba,+ ne mu ngagi naye.
12 Hakuva i mhaka muni ndzi nga nayo ni va le handle ko kala ndzi va lamula? Kasi a hi n’wina mu lamulako lava va nga cikari ka n’wina,
13 Nungungulu a lamula lava va nga le handle ke?+ “Hlongolani a munhu wa kubiha cikari ka n’wina.”+
Mitlhamuselo ya lahasi
^ Hi ciGreki: porneía. Wona Tlhamuselo wa magezu ya Bhibhiliya.
^ Hi ciGreki: porneía. Wona Tlhamuselo wa magezu ya Bhibhiliya.
^ Hi kukongoma: “tekene”.
^ Kutani: “kukumukisa”.
^ Kutani: “mu tsika ku hlengela”.
^ Wona laha ka ku: “Wubhayi” ka Tlhamuselo wa magezu ya Bhibhiliya.
^ Wona laha ka ku: “Wubhayi” ka Tlhamuselo wa magezu ya Bhibhiliya.
^ Wona laha ka ku: “Wubhayi” ka Tlhamuselo wa magezu ya Bhibhiliya.
