Papilo go sangula ka Va Le Korinte 8:1-13
8 Makunu xungetano hi zvakuga lezvi zvi phahlelweko ka zvifananiso:+ Ha zvi tiva lezvaku hontlheni hi na ni wutivi.+ A wutivi ga vanga matshandza, kanilezvi a lirandzo la aka.+
2 Loku munhu a alakanya lezvaku wa tiva nchumu wo kari, a nga se wu tivisa lezvi a faneleko ku wu tivisa zvona.
3 Kanilezvi loku a munhu a randza Nungungulu, yaloye wa tiviwa hi yena.
4 Makunu xungetano hi kuga zvakuga lezvi zvi phahlelweko ka zvifananiso, ha zvi tiva lezvaku a cifananiso a hi nchumu+ laha tikweni ni lezvaku kova ni Nungungulu mun’we basi.+
5 Hakuva hambu lezvi ku nga ni lava va wuliwako ku vanungungulu, kani hi le tilweni kutani hi laha misaveni,+ kota lezvi ku nga ni “vanungungulu” vo tala ni “tihosi” to tala,
6 ka hina kova ni Nungungulu mun’we,+ ku nga Papayi,+ loyi a zvilo zvontlhe zvi tako hi ka yena na hina hi vangelweko yena,+ ni Hosi yin’we, ku nga Jesu Kristu, loyi a zvilo zvontlhe zvi nga kona ha yena,+ na hina hi nga kona hi kota ya yena.
7 Hambulezvo, a hi vontlhe va zvi tivako lezvo.+ Kanilezvi a vokari, hi kota ya lezvi a kale va nga tolovele zvifananiso, vaga a zvakuga kota nchumu wu phahlelweko ka zvifananiso,+ a livhalo labye, li nga ni gome, li nyenyeziswa.+
8 Kanilezvi a zvakuga zvi nga ta hi tshineta ka Nungungulu;+ loku hi ngagi a hi lahlekelwi hi nchumu, ne hambu loku higa a hi ganyi nchumu.+
9 Kanilezvi ti woneleni lezvaku a fanelo ya n’wina ya ku hlawula yi nga tshuki yiva cikhunguvanyiso ka lava va gome.+
10 Hakuva loku a wokari a wona wena u nga ni wutivi na uga zvakuga lomu tempeleni ya zvifananiso, a livhalo la munhu loye wa gome li nga taza li mu nyika hlanha wa ku yenawu aga zvakuga zvi phahlelweko ka zvifananiso ke?
11 Hikwalaho, hi kota ya wutivi ga wena, wa hohlota loyi wa gome, a makabye wa wena loyi Kristu a mu feleko.+
12 Loku u wonhela vamakabye va wena hi ndlela leyi ni ku bayisa a livhalo labye li nga ni gome,+ u wonhela Kristu.
13 Hi cigelo leco, loku a zvakuga zvi khunguvanyisa a makabye wa mina, ndzi nga ta haga nyama kambe, kasi ndzi nga khunguvanyisi a makabye wa mina.+
