Samuweli wa wumbiri 22:1-51
22 Dhavhidha i no yimbelela a magezu ya lisimu leli+ ka Jehovha, a siku legi Jehovha a nga mu ponisa canjeni ga valala vakwe vontlhe+ ni canjeni ga Sawule.+
2 I te ngalo:
“Jehovha i ribye ga mina, ni khokhola ga mina,+ ni mutlhatlhisi wa mina.+
3 A Nungungulu wa mina i ribye ga mina,+ loyi ndzi chavelako ka yena;Citlhangu ca mina,+ ni limhondzo* la mina la kuhanyiswa,* a wuchavelo ga mina go tiya,*+Ni wutshamu ga mina go tsutsumela kona;+ hi yena muhanyisi wa mina.+ Hi wena u ndzi ponisako ka tihanyi.
4 Ndza khongela ka Jehovha, loyi a ringanelwako hi kudhumiswa,Niku ndzi ta ponisiwa ka valala va mina.
5 A mavingo* ya kufa ma ndzi randzele matlhelweni wontlhe;+Ni tindambi ta vanhu va nga vhuniko nchumu ti ndzi chavisile.+
6 A tingoti ta Cilahla* ti ndzi tsondzelele;+Ndzi kumene ni mitlhamu ya kufa.+
7 Kukaratekeni ka mina, ndzi no khongela ka Jehovha;+Ndzi no simama ku vitana a Nungungulu wa mina.
I nozwa a gezu ga mina hi le tempeleni yakwe;Ni kurila ka mina ka ku lava ku vhuniwa ku no chikela tindleveni takwe.+
8 A misava yi no sangula ku tsekatseka yi rurumela;+Ni zviseketelo zva matilo zvi no ninganika+Zvi tsekatseka hakuva i wa vhindlukile hi zanga.+
9 Ku no tuvika a musi hi lomu tinhovhini takwe,Ku huma a ndzilo wu lovisako hi lomu non’wini wakwe;+Ku no huma ni makhala ma vhurako hi ka yena.
10 I no koramisa a matilo a chika;+Ni munyama wo tshisa wu wa hi lahasi ka mikondzo yakwe.+
11 I no khilela kerubhima,+ ata hi kupuruma.I no woneka tipapeni ta moya.*+
12 I no ti randzela hi munyama kota chacha wakwe,+Lomu ka mati yo phuma ni marefu yo phuma.
13 Hi lomu kuwonekeleni ku nga mahlweni kakwe ku wa vhura makhala ya ndzilo.
14 Makunu Jehovha i no sangula ku dzindza hi le tilweni;+Loyi a Tlakukileko ku Hundza Vontlhe i no zwata a gezu gakwe.+
15 I no phanda a mipaxa yakwe+ a va hangalasa;A vanga kuhatima, a va vhilinganyisa.+
16 A kueta ka bimbi ku no woneka laha kubaseni,+Ni zviseketelo zva tiko zvi no funungulwa hi kukawuka ka Jehovha,Hi kota ya moya wa ntamu wu humako hi lomu tinhovhini takwe.+
17 I no nawuluta a canja gakwe na a hi le hehla;I no ndzi khoma a ndzi humesa matini yo eta.+
18 I no ndzi tlhatlhisa ka nala wa mina wa ntamu,+Ka lava va nga ndzi venga, lava va nga ndzi hundza hi ntamu.
19 Va no ndzi vhukela sikwini ga khombo ga mina,+Kanilezvi Jehovha i no ndzi vhunetela.
20 I no ndzi yisa ka wutshamu go rula;*+I no ndzi tlhatlhisa, hakuva i wa xalala hi mina.+
21 Jehovha wa ndzi chachazela maringano ni kululama ka mina;+Wa ndzi tlhelisela maringano ni kubasa* ka mandla ya mina.+
22 Hakuva ndza hlayisa a tindlela ta Jehovha,A ndzi mahangi a ciwonho ca ku fularela Nungungulu wa mina.
23 Kontlhe a kulamula kakwe+ ku mahlweni ka mina;Ndzi nga ta hambuka ka milayo yakwe.+
24 Ndzi nga tava ni nandzu+ mahlweni kakwe;Ndzi ta fambela kule ni cigoho.+
25 Jehovha i wa ndzi tlhelisele maringano ni kululama ka mina,+A ndzi tlhelisela maringano ni kubasa ka mina mahlweni kakwe.+
26 Ka loyi a tsumbekako, wena wa tsumbeka kakwe;+Ka loyi a nga hava nandzu, a nga nhenha, u mu mahela kululama;+
27 Ka loyi a basileko, u kombisa a kubasa ka wena,+Kanilezvi ka loyi a gombonyekileko, u komba ku u tlharihile.*+
28 Hakuva u ponisa lava va ti koramisako,+Kanilezvi a matihlo ya wena ma vhukela lava va ti kulisako, u va koramisa.+
29 Hakuva wena u kandiya ya mina, O Jehovha;+Hi Jehovha a woningelako munyama wa mina.+
30 Hi ku vhuniwa hi wena, ndzi nga dhumela ntlawa wa vaphangi;Hi ntamu wa Nungungulu, ndzi nga kandziha muro.+
31 A ndlela ya Nungungulu wa lisine yi mbhelele;+A mhaka ya Jehovha yi basile.*+
Nungungulu citlhangu ca vontlhe lava va chavelako kakwe.+
32 Hakuva himani a nga Nungungulu, ahandle ka Jehovha?+
Kona himani a nga ribye ahandle ka Nungungulu wa hina ke?+
33 A Nungungulu wa lisine i khokhola ga mina go tiya,+Niku i ta mbhelelisa a ndlela ya mina.+
34 I maha minenge ya mina yi fana ni leyi ya hlangu;I ndzi yimisa matshan’wini ma tlakukileko.+
35 I gondzisa a mandla ya mina a kulwa yimpi;A mandla ya mina ma nga kondla a wura ga kobre.
36 Wena wa ndzi nyika a citlhangu ca wena ca kuhanyisa;Ni kutikoramisa ka wena ka ndzi kulisa.+
37 U anamisile a ndlela ya mazambo ya mina;A mikondzo* ya mina yi nga ta retemuka.+
38 Ndzi ta hlongolisela a valala va mina ndzi va lovisa;Ndzi nga ta wuya kala va chindziwa va ku bhi.
39 Ndzi ta va lovisa ndzi va gandla, kasi va nga ha vhuki kambe;+Va tawa lahasi ka mikondzo ya mina.
40 U ta ndzi hlomisa ntamu wa kuya yimpini;+U ta maha a valala va mina vawa mahlweni ka mina.+
41 U ta maha a valala va mina va hlehla mahlweni ka mina;*+Ndzi ta fuvisa* lava va ndzi vengako.+
42 Va rila va kombela ku vhuniwa, kanilezvi i hava a va ponisako;Va rilela na Jehovha, kanilezvi a nga va hlamuli.+
43 Ndzi ta va sila va ku khwatsi i ntshuri wa misava,Ndzi va gandla, ndzi va kandzihetela a ku khwatsi madhaka lomu maruweni.
44 U ta ndzi tlhatlhisa ka zvisolo zva vanhu va mina.+
U ta ndzi hlayisa kasi ndziva hloko ya matiko.+Ndzi ta tirelwa hi vanhu ndzi nga va tiviko.+
45 A vamatiko va tata mahlweni ka mina na va khanyene hi kuchava;+Va ta ndzi ingisa hi kota ya lezvi va to zvizwa ha mina.
46 A vamatiko va ta tsemeka hlanha;Va ta huma lomu makhokholeni yabye na va rurumela.
47 Jehovha wa hanya! Gi wa dzundziwe a Ribye ga mina!+
I wa tlakusiwe a Nungungulu wa ribye ga kuhanyiswa ka mina.+
48 A Nungungulu wa lisine wa ndzi photela;+Wa khozisa a matiko lahasi ka mina;+
49 Wa ndzi tlhatlhisa ka valala va mina.
Wena wa ndzi tlakusa+ ndziva hehla ka lava va ndzi vhukelako,U ndzi ponisa ka munhu wa tihanyi.+
50 Hikwalaho, ndzi ta ku bonga, wena Jehovha, cikari ka matiko,+Ndzi ta yimbelela a tisimu ta ku dhumisa* a vito ga wena;+
51 I yi mahela mitiro ya hombe ya kuhanyisa* a hosi yakwe;+I kombisa lirandzo lakwe li nga mbheliko ka a totilweko wakwe,Ka Dhavhidha ni ka pswalo* wakwe kala kupindzuka.”+
Mitlhamuselo ya lahasi
^ Kutani: “muhanyisi wa mina wa ntamu”.
^ Kutani: “khokhola ga mina gi tlakukileko”.
^ Kutani: “mabyandlati; mavimbi”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “mheho”.
^ Kutani: “wutshamu ga hombe”.
^ Kutani: “kululama”.
^ Zvi nga maha na zvi wula ku: “u ti maha cipumbu”.
^ Kutani: “yi hlolilwe ndzilweni”.
^ Kutani: “mahlakala”.
^ Kutani: “U ta ndzi nyika mihlanha ya valala va mina”.
^ Hi kukongoma: “miyeta”.
^ Kutani: “Ndzi ta gi chayela muzka”.
^ Kutani: “kuhlula”.
^ Hi kukongoma: “mbewu”.
