Samuweli wa wumbiri 23:1-39
23 Leti timhaka to gumesa ta Dhavhidha:+
“A mhaka ya Dhavhidha, a n’wana wa Jese,+A mhaka ya wanuna a tlakusilweko,+A nga a totilweko+ wa Nungungulu wa Jakobe,A muyimbeleli wo tsakisa wa tisimu+ ta ka Izrayeli.
2 A moya wa Jehovha wu no wulawula hi laha ka mina;+A mhaka yakwe yi wa hi lirimini la mina.+
3 A Nungungulu wa Izrayeli i wulawulile;A Ribye ga ka Izrayeli+ gi no ndzi byela, giku:
‘Loku loyi a fumelako vanhu a lulamile,+A fuma na a chava Nungungulu,+
4 A kufuma kakwe ku fana ni kuwonekela ka ni mixo, loku a gambo gi tsuwuka,+Ka mixo yo kala marefu.
Ku fana ni kuwonekela loku ku humako loku a vhula yica,Loku ku milisako byanyi laha misaveni.’+
5 Xana a yindlu ya mina a yi tshamisangi lezvo mahlweni ka Nungungulu ke?
Hakuva i mahile civhumelwano ca pindzukelwa na mina,+Leci ci longiselweko khwatsi ci tlhela ci tiyisiwa.
Hakuva cona kuhanyiswa ka mina kontlhe ni kutsaka ka mina kontlhe.A hi caleco ci to mu maha a yi vhuvhumisa ke?+
6 Kanilezvi vontlhe lava va nga vhuniko nchumu va hoxiwa kule+ a ku fana ni makhuho ya mimizwa,Lawa ma kalako ma nga tsuwuliwi hi mandla.
7 Loyi a ma henyakoI fanele ku hloma khwatsi hi simbi ni nhonga ya tlhari,Niku ma fanele ku hisiwa hi ndzilo maswa ma ku bhi kwalaho ma nga kona.”
8 Lawa mavito ya masochwa ya Dhavhidha lawa ya tinhenha:+ Joxeb-Bhaxebhete, a muTakemoni, a hloko ya tinhenha tinharu.+ Ka khati go kari, i no daya a 800 wa vavanuna hi tlhari gakwe.
9 Andzhako kakwe ku wa gamela Eleyazari,+ a n’wana wa Dhodho,+ a n’wana wa Ahohe. I wa hi mun’we wa masochwa manharu lawa ya tinhenha ma nga hi na Dhavhidha a cikhati leci va nga vhuka a vaFilistiya. A vaFilistiya va wa tlhangene laho kasi kulwa, niku laha a vavanuna va ka Izrayeli va nga tlhelela ndzhako,
10 yena i no yima a hlasela a vaFilistiya kala a woko gakwe gi karala, ni canja gakwe gi tsindzivala hi ku khoma cipadha.+ Makunu ka siku lego, Jehovha i no va nyika kuhlula ka hombe;+ a vanhu va no wuya hi le ndzhako ka Eleyazari, va phanga a zvilo zva lava va nga delwe.
11 Andzhako kakwe ku wa gamela Xama, a n’wana wa Age, a muHarare. A vaFilistiya va no hlengeletana le Lehi, laha ku nga hi ni simu gi nga tele hi tinyawa;* ni vanhu va no tsutsuma hi kota ya vaFilistiya.
12 Kanilezvi yena i no yima cikari ka simu a gi vhikela, a simama ku hihirita a vaFilistiya. Hikwalaho, Jehovha i no va nyika a kuhlula ka hombe.+
13 A tinhenha tinharu ka leti ta 30 ti no relela ka Dhavhidha mhakweni ya Adhulamu+ hi cikhati ca kutshovela, a butho ga vaFilistiya na gi govile Nkoveni wa Refayime.+
14 Cikhatini leco, Dhavhidha i wa hi khokholeni,+ niku ku wa hi ni ntlawa wa masochwa ya vagadhi ya vaFilistiya le Bhetlehema.
15 Dhavhidha i no wula kuxuva kakwe, aku: “Mayiwako loku ndzi wo kuma mati ya hlowo ya le nyangweni ya Bhetlehema ndzinwa!”
16 Hi kota ya lezvo, a masochwa manharu ya tinhenha ma noya ma ya nghena hi kani wugovelweni ga vaFilistiya, makha mati hloweni ya le nyangweni ya Bhetlehema ma wuya nawo ka Dhavhidha; kanilezvi Dhavhidha i no ala kunwa mati lawo, a ma halata mahlweni ka Jehovha.+
17 I te ngalo: “O Jehovha, a zvive kule na mina a kuva ndzi maha lezvi! Ndzi nganwa a nkhata+ wa vavanuna lava va vekileko a wutomi* gabye mhangweni ke?” Hikwalaho, i no ala kunwa. Lezvi zvilo zvi mahilweko hi masochwa yakwe ya manharu ya tinhenha.
18 Abhixayi,+ a makabye wa Jowabe, a n’wana wa Zeruya,+ i wa hi hloko ya tin’wani tinhenha ta tinharu. I no daya a 300 wa vavanuna hi tlhari gakwe niku ive ni nduma yo fana ni ya leti ta tinharu.+
19 Hambu lezvi a nga hlawulekile a ku hundza lava van’wani va vanharu ni lezvi a nga hi hosana yabye, a nga chikelangi ka cikhundla ca lava va vanharu vo sangula.
20 Bhenaya,+ a n’wana wa Jehoyadha, i wa hi wanuna wo tiya hlanha, loyi a nga maha zvilo zvo tala zvo hlamalisa le Kabzeeli.+ I no daya vana vambiri va Ariyeli, wa le Mowabhi, niku i no relela hloweni hi siku ga gapongo, a ya daya nghala.+
21 Ahandle ka lezvo, i no daya muGibhite wa kulela go hlamalisa. Hambu lezvi a muGibhite a nga hi ni tlhari canjeni gakwe, i noya kakwe ni nhonga a ya wutla a tlhari canjeni ga muGibhite a gumesa a mu daya hi tlhari ga yena n’winyi.
22 Lezvi zvi mahilwe hi Bhenaya, a n’wana wa Jehoyadha, niku i wa hi ni nduma yo fana ni leyi ya masochwa lawa ya manharu ya tinhenha.
23 Hambu lezvi a nga hlawulekile nguvhu a ku hundza lava va 30, a nga chikelangi ka cikhundla ca lava va vanharu. Hambulezvo, Dhavhidha i no mu yimisa a kuva murangeli wa vagadhi vakwe.
24 Asaheli,+ a makabye wa Jowabe, i wa hi mun’we wa lava va 30: Elhanana, a n’wana wa Dhodho, wa le Bhetlehema;+
25 na Xama, a muHarodhe; na Elika, a muHarodhe;
26 na Helezi,+ a muPalte;+ na Ira, a n’wana wa Ikexa, a muTekowa;
27 na Abhiyezeri,+ a muAnatote;+ na Mebhunayi, a muHuxate;
28 na Zalmoni, a muAhohe; na Maharayi,+ a muNetofate;
29 na Helebha, a n’wana wa Bhaana, a muNetofate; na Itayi, a n’wana wa Ribhayi, wa le Gibheya wa va ka Bhenjamini;
30 na Bhenaya,+ a muPiratoni; na Hidhayi, wa le mikoveni ya Gaaxa;+
31 na Abhi-Albhoni, a muArabha; na Azmavhete, a muBhahurima;
32 na Eliyabha, a muXaalbhoni; ni vana va Jaxeni; na Jonatani;
33 na Xama, a muHarare; na Ahiyamu, a n’wana wa Xarare, a muHarare;
34 na Elifelete, a n’wana wa Ahasibhayi, a n’wana wa muMaakate; na Eliyama, a n’wana wa Ahitofeli,+ a muGiloni;
35 na Hezro, a muKarmeli; na Paarayi, a muArbhite;
36 na Igali, a n’wana wa Natani, wa le Zobha; na Bhani, a muGadhi;
37 na Zeleke, a muAmoni; na Naharayi, a muBheerote, a muweleli wa matlhari ya Jowabe, a n’wana wa Zeruya;
38 na Ira, a muItri; na Garebhe, a muItri;+
39 na Uriya,+ a muHiti. Vontlhe va wa hi 37 wa vona.
