Amosi 1:1-15
1 Lawa magezu ya Amosi,* a mun’we wa vafuyi va tiyivhu va le Tekowa,+ lawa a ma amukeleko hi muwoniso xungetano hi Izrayeli masikwini ya Uziya,+ a hosi ya Judha, ni masikwini ya Jerobhowamu,+ a n’wana wa Jowaxi,+ a hosi ya Izrayeli, ka malembe mambiri na ku nga seva ni kutsekatseka ka misava.+
2 I te:
“Jehovha i ta bhonga hi le Ziyoni,Niku i ta zwata gezu gakwe hi le Jerusalema.
A wuriselo ga varisi gi tava cirilweni,Ni madembele ya Karmeli ma ta woma.”+
3 “Jehovha i ngalo:‘“Hi kota ya zvimaho zvinharu zva kuhluwuka zva Dhamasku, ni hi kota ya mune wa zvona, ndzi nga ta tlhelela ndzhako,Hakuva va hulile Gileyadhe hi citlhata ca simbi ca ku hula timbewu.+
4 Hikwalaho, ndzi ta rumela ndzilo hehla ka yindlu ya Hazayeli+Wu ya hisa a tikhokhola* ti tiyisilweko khwatsi ta Bhen-Hadhadhe.+
5 Ndzi ta tshoveletela zvikwinyaro zva Dhamasku;+Ndzi ta lovisa a vahanyi va le Bhikat-AvheniNi loyi a fumako* le Bhet-Edheni.A vanhu va le Siriya va ta yisiwa wukhumbini le Kira”,+ ku wula Jehovha.’
6 Jehovha i ngalo:‘“Hi kota ya zvimaho zvinharu zva kuhluwuka zva Gaza,+ ni hi kota ya mune wa zvona, ndzi nga ta tlhelela ndzhako,Hakuva va tekile a ntlawa wontlhe wa lava va khomilweko+ va wu nyikela ka Edhomi.
7 Hikwalaho, ndzi ta rumela ndzilo hehla ka muro wa Gaza+Wu ya hisa a tikhokhola* takwe ti tiyisilweko khwatsi.
8 Ndzi ta lovisa a vahanyi va le Axdhodhe,+Ni loyi a fumako* le Axkeloni;+Ndzi ta tlakusa a canja ga mina ndzi vhukela Ekroni,+Niku a vaFilistiya lava va to sala va ta lova”,+ ku wula Jehovha, a Hosi ya Hombe.’
9 Jehovha i ngalo:‘Hi kota ya zvimaho zvinharu zva kuhluwuka zva Tire,+ ni hi kota ya mune wa zvona, ndzi nga ta tlhelela ndzhako,Hakuva va nyikele a ntlawa wontlhe wa lava va khomilweko ka Edhomi,Ni lezvi va nga kala ku alakanya a civhumelwano ca vamakabye.+
10 Hikwalaho, ndzi ta rumela ndzilo hehla ka muro wa TireWu ya hisa a tikhokhola* takwe ti tiyisilweko khwatsi.’+
11 Jehovha i ngalo:‘Hi kota ya zvimaho zvinharu zva kuhluwuka zva Edhomi,+ ni hi kota ya mune wa zvona, ndzi nga ta tlhelela ndzhako,Hakuva i hlongolisele a makabye wakwe ni cipadha,+Ni lezvi a nga ala ku mu mahela wuxinji;Zangeni yakwe, i simama ku va khadamula na a nga cuwuki ndzhako,Niku i simama ku va zangarela kala kupindzuka.+
12 Hikwalaho, ndzi ta rumela ndzilo hehla ka Temane+Wu ya hisa a tikhokhola* ti tiyisilweko khwatsi ta Bhozra.’+
13 Jehovha i ngalo:‘“Hi kota ya zvimaho zvinharu zva kuhluwuka zva vaAmoni,+ ni hi kota ya mune wa zvona, ndzi nga ta tlhelela ndzhako,Hakuva va handzulele a makhwiri ya vavasati va tinyimba va le Gileyadhe kasi va kulisa a tiko gabye.+
14 Hikwalaho, ndzi ta dzivela ndzilo hehla ka muro wa Rabha+Wu hisa a tikhokhola* takwe ti tiyisilweko khwatsi,Na ku biwa tinyandha ta yimpi hi siku ga kulwa,Ni moya wa hombe hi siku ga cingulo.
15 A hosi yabye yi taya wukhumbini zvin’we ni tihosana ta yona”,+ ku wula Jehovha.’
Mitlhamuselo ya lahasi
^ Zvi wulako ku: “Kuva ndzhwalo” kutani “Ku rwala ndzhwalo”.
^ Kutani: “torres”.
^ Hi kukongoma: “a khomako nhonga ya wuhosi”.
^ Kutani: “torres”.
^ Hi kukongoma: “a khomako nhonga ya wuhosi”.
^ Kutani: “torres”.
^ Kutani: “torres”.
^ Kutani: “torres”.
