Amosi 2:1-16
2 “Jehovha i ngalo:‘“Hi kota ya zvimaho zvinharu zva wuhluwuki zva Mowabhi,+ ni hi kota ya mune wa zvona, ndzi nga ta tlhelela ndzhako,Hakuva i hisile marambu ya hosi ya Edhomi kasi ku maha mhemba.*
2 Hikwalaho, ndzi ta rumela ndzilo hehla ka MowabhiWu ya hisa a tikhokhola* ti tiyisilweko khwatsi ta Keriyote;+Mowabhi i ta fela lomu cikari ka gujeguje,Na ku biwa tinyandha ta yimpi ku tlhela ku zwala kuvhuma ka linanga.*+
3 Ndzi ta susa mulamuli cikari kakweNdzi daya a tihosana takwe tontlhe zvin’we naye”,+ ku wula Jehovha.’
4 Jehovha i ngalo:‘Hi kota ya zvimaho zvinharu zva wuhluwuki zva Judha,+ ni hi kota ya mune wa zvona, ndzi nga ta tlhelela ndzhako,Hakuva va alile a nayo* wa Jehovha,Niku a va hlayisangi a zvileletelo zvakwe;+Kanilezvi va hambukisilwe hi mawunwa yalawa a vakokwani vabye va ma landzeleko.+
5 Hikwalaho, ndzi ta rumela ndzilo hehla ka JudhaWu ya hisa a tikhokhola* ti tiyisilweko khwatsi ta Jerusalema.’+
6 Jehovha i ngalo:‘Hi kota ya zvimaho zvinharu zva wuhluwuki zva Izrayeli,+ ni hi kota ya mune wa zvona, ndzi nga ta tlhelela ndzhako,Hakuva va xavisa a munhu wo lulama hi prata,Ni cisiwana hi pari ya masandalia.+
7 Va puluwundzisa a tihloko ta zvisiwana ntshurini wa misava,+Va vhala ndlela ya loyi wo rula.+
A papayi ni mufana wakwe va hlengela masango ni nhanyana yaloyi wa mun’we,Va nyenyezisa a vito ga mina go basa.
8 Va etlela lomu kusuhani ni maalati wontlhe+ hehla ka tinguwo leti va khomileko kota citiyisekiso ca lezvi va nga lombisa,+Niku a vhinyo leyi va nwako lomu ndlwini* ya vanungungulu vabye yita hi ka lava va va hakhelisileko multa.’
9 ‘Kanilezvi kuve mina ndzi lovisileko a muAmori mahlweni kabye,+Loyi a nga lehile a ku fana ni misedhare a tlhela ava ni ntamu a ku fana ni mitule;Ndzi fuvisile a mihandzu yakwe le hehla ni timitsu takwe lomu hasi.+
10 Ndzi mu humesile tikweni ga Gibhite,+Ndzi mu maha mu famba 40 wa malembe ciwuleni,+Kasi mu ya fumela tiko ga muAmori.
11 Ndzi yimisile vokari va vana va n’wina kota vaphrofeti,+Ni vokari va vafana va n’wina kota vaNazira,+
A hi zvona ke, n’wina vanhu va ka Izrayeli?’ ku wula Jehovha.
12 ‘Kanilezvi n’wina mu simamile ku va nyika a vhinyo a vaNazira,+Mu tlhela mu laya vaphrofeti, muku: “Mu nga phrofeti!”+
13 Hikwalaho, ndzi ta mu gandla wutshan’wini ga n’wina,A ku khwatsi hi lezvi a kareta yi pakeleko timbewu yi gandlisako zvona lezvi zvi nga lahasi ka yona.
14 Loyi wo tsutsuma nguvhu i ta vhumala ko tsutsuma aya kona;+Loyi wa ntamu a nga ta simama ni ntamu wakwe,Niku a ku na nhenha yi to ponisa wutomi* ga yona.
15 Loyi a tirisako wura a nga ta tiya ku yima;Loyi a tsutsumako nguvhu hi mikondzo a nga ta pona,Ni mukhileli wa haxi a nga ta ponisa a wutomi* gakwe.
16 Hambu loyi wo tiya nguvhu hlanha cikari ka tinhenhaI ta tsutsuma na a hi cimbyiri ka siku lego’,+ ku wula Jehovha.”
Mitlhamuselo ya lahasi
^ Kutani: “cal”.
^ Kutani: “torres”.
^ Kutani: “khombela”.
^ Kutani: “gondziselelo”.
^ Kutani: “torres”.
^ Kutani: “tempeleni”.
^ Kutani: “muhefemulo”.
^ Kutani: “muhefemulo”.
