Amosi 4:1-13
4 “Hi nga zwani a mhaka leyi, n’wina tihomu ta mikati ta le Bhaxani,Mu nga le citsungeni ca Samariya;+N’wina vavasati lava mu kalavelako a muvhumali+ mu tlhela mu gandla cisiwana,Mu byelako a vanuna* va n’wina, muku: ‘Hi tiseleni zvokari hi tanwa!’
2 Jehovha, a Hosi ya Hombe, i hlambanyile hi kubasa kakwe, aku:‘“Wonani! A masiku mata hehla ka n’wina laha mu to tlakuliwa hi zviove zva ku hayeka nyama,Ni misalela ya n’wina hi zvimemba.*
3 Mu ta phondla hi mavanga ya mimuro, a mun’we ni mun’wani hi legi gi nga phambeni kakwe;Niku mu ta hlongolwa muya Harmoni”, ku wula Jehovha.’
4 ‘Tanani Bheteli mu ta hambunyeta nayo,*+Ni Gilgali mu ta engetela ku hambunyeta nayo!+
Tisani miphahlo ya n’wina+ ni mixo,Ni zvawukhume zva n’wina+ hi siku ga wunharu.
5 Hisani a muphahlo wa n’wina wa kubonga hi pawa yi nga ni comelo;+Huwelelani a minyikelo ya n’wina ya kuzvirandza hi gezu go tlakuka!
Hakuva hi zvalezvo mu zvi randzako ku maha, n’wina vanhu va ka Izrayeli’, ku wula Jehovha, a Hosi ya Hombe.
6 ‘Kanilezvi mina, ndzi mahile ku a matino ya n’wina ma basa, ma ngavi ni zvakuga* madhoropeni ya n’wina wontlhe,Ndzi maha lezvaku ku nga havi ni zvakuga* tindlwini ta n’wina tontlhe;+Kanilezvi a mu wuyangi ka mina’,+ ku wula Jehovha.
7 ‘Ndzi tlhelile ndzi mu tsona vhula na ku kiyela tihweti tinharu kasi ku tshovela.+Ndzi wa nisa vhula ka dhoropa gin’we, kanilezvi ndzi nga nisi ka gin’wani.
A simu gin’we gi wa nelwa,Kanilezvi a simu legi gi nga kala gi nga nelwi gi wa woma.
8 A vanhu va madhoropa mambiri kutani manharu va wa dhedheleka vaya ka dhoropa gin’we kasi va yanwa mati,+Kanilezvi va wa nga kolwi;Hambulezvo, a mu wuyangi ka mina’,+ ku wula Jehovha.
9 ‘Ndzi bile a masimu ya n’wina hi moya wo hisa ni kukuruka.+
Mu wa andzisa tijardhim ta n’wina ni zvivhina* zva n’winaKanilezvi a humbi* yi waga a mikuwu ya n’wina ni miolivha ya n’wina;+Hambulezvo, a mu wuyangi ka mina’,+ ku wula Jehovha.
10 ‘Ndzi mu rumelele ntungu wo fana ni lowu wa le Gibhite.+
Ndzi no daya a majaha ya n’wina+ hi cipadha ndzi tlhela ndzi teka a mahaxi ya n’wina.+
A kunuha ka wugovelo ga n’wina ndzi ku mahile ku chikela tinhovhini ta n’wina;+Hambulezvo, a mu wuyangi ka mina’, ku wula Jehovha.
11 ‘Ndzi mahile lezvaku kuva ni kulovisa cikari ka n’winaA ku fana ni kulovisa ka Nungungulu hehla ka Sodhoma ni Gomora.+
Niku mu wa fana ni lihunyi li susilweko laha ndzilweni;Hambulezvo, a mu wuyangi ka mina’,+ ku wula Jehovha.
12 Makunu hi zvalezvo ndzi to ku maha, wena Izrayeli.
Kota lezvi ndzi to ku maha lezvi,Ti longisele ku tlhangana ni Nungungulu wa wena, wena Izrayeli.
13 Hakuva hi Yena a nga maha zvitsunga+ ni ku vanga moya;+I byela munhu lezvi Yena a zvi alakanyako;I hundzula a wuronga giva munyama+Niku i kandzihela matshamu ma tlakukileko ya laha misaveni;+A vito gakwe hi Jehovha, a Nungungulu wa mabutho.”
Mitlhamuselo ya lahasi
^ Kutani: “venyi”.
^ Kutani: “zvilowe; anzóis”.
^ Kutani: “mu ta hluwuka”.
^ Hi kukongoma: “pawa”.
^ Hi kukongoma: “pawa”.
^ A zvivhina masimu ya tisinya leti ti pswalako mauvha.
^ A humbi zviharana zvo fana ni bhandzala.
