Amosi 5:1-27
5 “Zwanani a mhaka leyi yo fana ni lisimu la cirilo ndzi mu vhukelako hi yona, n’wina va yindlu ya ka Izrayeli:
2 ‘A nhwana,* ku nga Izrayeli, i wile;A nga ta ha vhuka kambe.
I tsikilwe lomu tikweni gakwe;A ku na wa ku mu vhuxa.’
3 “Hakuva Jehovha, a Hosi ya Hombe, i ngalo:
‘A dhoropa legi gi yako yimpini ni 1000 wa masochwa, gi ta sala ni 100;Ni legi gi fambako ni 100, gi ta sala ni 10 ka yindlu ya ka Izrayeli.’+
4 “Jehovha i ngalo ka yindlu ya ka Izrayeli:
‘Ndzi hloteni, mu simama ku hanya.+
5 Mu nga hloti Bheteli,+Ne mu ngayi Gilgali+ kutani ku hundza muya Bherexebha,+Hakuva Gilgali hakunene i taya wukhumbini,+Na Bheteli i ta loviswa.*
6 Hlotani Jehovha, mu simama ku hanya,+Kasi a nga vhuri ku khwatsi i ndzilo hehla ka yindlu ya ka Josefa,A hisa Bheteli, na ku nga hi na wa ku timela ndzilo lowo.
7 Mu cicile nongameto wuva kubava,*Mu tlhela mu hoxa kululama laha misaveni.+
8 Loyi a mahileko a ntlawa wa tinyeleti wa Kima ni wa Kesil;+Loyi a hundzulako munyama wo tshisa wuva mixo;Loyi a mahako a hlikanhi wu phuma ku khwatsi wusiku;+Loyi a vitanisako a mati ya bimbiKasi a ma halata hehla ka misava,+— A vito gakwe hi Jehovha.
9 I ta tisa kulovisa hehla ka wa ntamu hi cihatla,A neha kulovisa matshan’wini ma bhiyelweko.
10 Va venga lava va kawukako laha nyangweni ya dhoropa,Va tlhela va nyenya lava va wulawulako lisine.+
11 Kota lezvi mu londzako ku a cisiwana ci hakhela simu*Mu tlhela mu ci tekela timbewu kota ndzuvo,*+Mu nga ta simama ku tshama tindlwini ta maribye yo vatliwa leti mu akileko,+Ne kunwa vhinyo ya zvivhina* zva n’wina zva zvinene lezvi mu byalileko.+
12 Hakuva ndza zvi tiva ku zvingani a zvimaho zva n’wina zva wuhluwukiNiku zvi kulisile kuyini a zviwonho zva n’wina:— Mu xanisa a wakululama,Mu vhumela ku xavelelwa,*Mu tlhela mu tsona a cisiwana a tifanelo ta cona laha nyangweni ya dhoropa.+
13 Hikwalaho, lava vo tlhariha va ta miyela ka cikhati leco,Hakuva ci tava cikhati ca khombo.+
14 Hlotani zvazvinene na ku nga hi zvakubiha+Kasi mu simama ku hanya.+
Loku mu maha lezvo, Jehovha, a Nungungulu wa mabutho, i tava na n’wina,Kota lezvi mu wulako ku i na n’wina.+
15 Vengani zvakubiha, mu randza zvazvinene;+Vhuvhumisani nongameto laha nyangweni ya dhoropa.+
Kuzvilava Jehovha, a Nungungulu wa mabutho,I ta yi mahela wuxinji a misalela ya Josefa.’+
16 “Hikwalaho, Jehovha, a Nungungulu wa mabutho, Jehovha, i ngalo:
‘Ka maprasa* wontlhe, ku ta biwa tinyandha,Ni lomu maruweni wontlhe va taku: “Yowe, yowe!”
Va ta vitana a varimi kasi va ta rilaNi lava a ntiro wabye ku nga ku rila, kasi va ta rilawu.’
17 ‘Ka zvivhina zvontlhe ku ta biwa tinyandha;+Hakuva ndzi ta hundza hi cikari ka n’wina’, ku wula Jehovha.
18 ‘Khombo ka lava va xuvako a siku ga Jehovha!+
Gi ta wula yini a siku ga Jehovha ka n’wina ke?+
Gi tava munyama, na ku nga hi kuwonekela.+
19 Gi ta fana ni wanuna a tsutsumako nghala, a ya kumana ni urso,Laha a nghenako lomu ndlwini yakwe a ti khigetela laha khurisini hi canja, i lun’wa hi yoka.
20 Kasi a siku ga Jehovha gi nga tava munyama, na ku nga hi kuwoninga?Gi nga tava ni kuphuma, na ku nga hi kuwonekela ke?
21 Ndza venga, ni ku chepeta mibuzo ya n’wina,+Ne a ndzi xalaliswi hi masema ya mitlhangano ya n’wina yo basa.
22 Hambu loku mu ndzi nyika a miphahlo ya kuhiswa ya mirumba ni minyikelo,Ndzi nga ta xalaliswa hi yona,+Ne ndzi nga ta amukela a miphahlo ya n’wina ya kuhlengela* ya zvihari zvo nona.+
23 Hi nga tsikani ku ndzi tinga hi tisimu ta n’wina;Ne a ndzi zvi lavi kuzwa a mimuzka ya zvichaya-chaya zva n’wina zva tingoti.+
24 Ngha a nongameto wu khulunga a ku khwatsi i mati,+Ni kululama ku ku khwatsi i congo wu tsutsumako wu nga nyimi.
25 Mu wa ndzi nyikile miphahlo ni minyikeloKa malembe lawayani ya 40 ciwuleni ke, n’wina va yindlu ya ka Izrayeli?+
26 Makunu mu ta rwala Sakute, a hosi ya n’wina, na Kayivhani,*A zvifananiso zva n’wina, a nyeleti ya nungungulu wa n’wina, loyi mu nga ti mahela.
27 Ndzi ta mu yisa wukhumbini, tlhatuko wa Dhamasku’,+ ku wula loyi a vito gakwe ku nga Jehovha, a Nungungulu wa mabutho.”+
Mitlhamuselo ya lahasi
^ Kutani: “virgem”.
^ Zvi nga maha na zvi wula ku: “Bheteli i tava nchumu wo kala ku toloveleka”.
^ Kutani: “sinya yo bava”. Ku wuliwa a sinya yo kari yo bava nguvhu, ya vhenene.
^ Kutani: “misava”.
^ Kutani: “tributo”, wona laha kaku: “ndzuvo” ka Tlhamuselo wa magezu ya Bhibhiliya.
^ A zvivhina masimu ya tisinya leti ti pswalako mauvha.
^ Kutani: “ku vhaliwa minomu hi mali”.
^ Kutani: “miphahlo ya n’wina ya kurula”. Wona Tlhamuselo wa magezu ya Bhibhiliya.
^ A vanungungulu lava hi wumbiri gabye va nga ha wula planeta Saturno, leyi yi nga kari yi khozelwa kota nungungulu.
