Amosi 8:1-14
8 Lezvi hi lezvi Jehovha, a Hosi ya Hombe, a nga ndzi komba: Ndzi no wona a cindzala* ci nga hi ni mihandzu ya cimumu.
2 Andzhako ka lezvo, i te ngalo ka mina: “Amosi, cini u ci wonako?” Mina ndziku: “Cindzala* ci nga ni mihandzu ya cimumu.” Jehovha aku: “A kugumesa ku chikele ka vanhu va mina va ka Izrayeli. Ndzi nga ta ha va tsetselela.+
3 ‘Ka siku lego, a tisimu ta tempeli ti ta cica tiva tisimu ta cirilo’,+ ku wula Jehovha, a Hosi ya Hombe. ‘Ku ta mbambamela zvirumbi zvo tala matlhelweni wontlhe+ — ku wa miyeliwe ku ku zwe!’
4 Zwanani lezvi, n’wina lava mu kandzihelako a cisiwana;N’wina lava mu lovisako lava vo rula va lomu tikweni,+
5 N’wina mu nge: ‘Kasi a mubuzo wa hweti yiswa wu ta mbhela rini,+ hi fela ku xavisa timbewu ta hina,Ni sabhadho,+ hi fela ku xavisa timbewu?
Kasi hi hungula a lipimo la efa,*Hi engetela a kubindza ka xekeli,*Hi finara zvikalo zva hina kasi ku kalavela;+
6 Kasi hi fela ku xava muvhumali hi prataNi cisiwana hi pari ya masandalia,+Hi tlhela hi xavisa a makaha ya timbewu.’
7 Jehovha i hlambanyile hi Matshandza ya Jakobe,+ aku:‘Ndzi nga ta tshuka ndzi rivala a mitiro yabye yontlhe.+
8 Hi kota ya lezvo, a misava yi ta rurumela;Ni vanhu vontlhe va hanyako ka yona va ta rila.+
Xana yi nga ta kukumuka yontlhe a ku khwatsi i Nilo,Yi tlhela yi vhindluka ni ku bohla a ku fana ni Nilo wa Gibhite ke?’+
9 ‘Ka siku lego’, ku wula Jehovha, a Hosi ya Hombe,‘Ndzi ta pelisa a gambo na ku hi dhina,Ndzi vanga munyama laha misaveni na gi hi mumu.+
10 Ndzi ta cica a mibuzo ya n’wina yiva cirilo,+Ni tisimu ta n’wina tontlhe tiva tisimu ta cirilo.
Ndzi ta ti bohisa tisakwa a tinyonga tontlhe, ndzi maha lezvaku a tihloko tontlhe ti haluliwa;A cirilo ca kona ci ta ku khwatsi ca ku rila a n’wana* a pswalilweko yece,Niku a magumo ya zvontlhe ma ta fana ni siku go bava.’
11 ‘A masiku mata’, ku wula Jehovha, a Hosi ya Hombe,‘Laha ndzi to rumela a ndlala lomu tikweni,Na yi nga hi ndlala ya zvakuga* kutani tora ga mati,Kanilezvi ya kuzwa timhaka ta Jehovha.+
12 Va ta pepetseka hi ka bimbi gin’we vaya ka gin’wani,Ni hi n’walungu* vaya mutsuwuka-gambo.
Va ta pepetseka na va hlota a mhaka ya Jehovha kanilezvi va nga ta yi kuma.
13 Ka siku lego, a vanhwana* vo saseka va ta titivala,Ni majaha wonawu, hi kota ya tora;
14 Lava va hlambanyako hi nandzu wa Samariya+ ni lava va nge:“A ku khwatsi hi lezvi a nungungulu wa wena a hanyako, wena Dhani!”+
Va tlhela vaku: “A ku khwatsi hi lezvi a ndlela ya Bherexebha+ yi hanyako!”
Va tawa va nga ha vhuki kambe.’”+
Mitlhamuselo ya lahasi
^ Kutani: “cirundzu”.
^ Kutani: “Cirundzu”.
^ Kutani: “mufana”.
^ Hi kukongoma: “pawa”.
^ Kutani: “norte”.
^ Kutani: “virgens”.
