Amosi 9:1-15
9 Ndzi no wona Jehovha+ na a hi le hehla ka alati, aku: “Bana tihloko ta mapilari, a zvipimbitsi zvi ta tsekatseka. Ma tseme hi le tihlokweni, mina ndzi ta daya lava va to sala hi cipadha. I hava a to zvi kota ku tsutsuma niku i hava a to pona.+
2 Loku va kela va nghena Cilahleni,*A canja ga mina gi ta va humesa hi lomo;Ni loku va tlakukela matilweni,Ndzi ta va releta lahasi hi kwaseyo.
3 Loku va fihlala madembeleni ya Karmeli,Ni kwaseyo ndzi ta va hlota kala ndzi va kuma ndzi va teka.+
Loku va fihlala lomu hasi ka bimbi kasi ndzi nga va woni,Ni kwaseyo ndzi ta laya nyoka lezvaku yi va luma.
4 Loku va yisiwa wukhumbini hi valala vabye,Kwaseyo ndzi ta laya cipadha ci va daya;+Ndzi ta va cuwuka hi ku lava ku va nehela zvakubiha na ku nga hi zvazvinene.+
5 Hakuva a Hosi ya Hombe, Jehovha wa mabutho, hi Yena a khumbako misavaKasi yi nyeka,+ ni vaaki vontlhe va yona vava cirilweni;+Yontlhe yi ta kukumuka a ku fana ni Nilo,Yi tlhela yi bohla a ku fana ni Nilo wa Gibhite.+
6 ‘Loyi a mahako a zvikadha zvakwe le matilweniA tlhela a yimisa a muako wakwe hehla ka misava;Loyi a vitanisako a mati ya bimbiKasi a ma halata hehla ka misava,+— A vito gakwe hi Jehovha.’+
7 ‘Kasi ka mina a mu fani ni vana va vaKuxe ke, n’wina vanhu va ka Izrayeli?’, ku wula Jehovha.
‘Xana a ndzi humesangi Izrayeli hi tikweni ga Gibhite,+Ni vaFilistiya hi Kreta,+ ni Siriya hi Kira ke?’+
8 ‘A matihlo ya Jehovha, a Hosi ya Hombe, ma hehla ka mufumo wa kuwonha,Niku i ta wu lovisa laha misaveni.+
Kanilezvi a yindlu ya ka Jakobe ndzi nga ta yi lovisa yi mbhela’,+ ku wula Jehovha.
9 ‘Wonani! Ndza laya,Ndzi ta hehera a yindlu ya ka Izrayeli cikari ka matiko wontlhe,+A ku fana ni munhu a heherako hi lihlelo,Na ku ngawi ne ndzhohwana yin’we lahasi.
10 A vawonhi vontlhe va nga cikari ka vanhu va mina va ta dawa hi cipadha,Lava va nge: “A khombo gi nga ta tshinela kusuhani ka hina ne gi nga ta hi kuma.”’
11 ‘Ka siku lego, ndzi ta vhuxa a chacha* wa Dhavhidha+ lowu wu wileko;Ndzi ta vhala tifa,Ndzi vhuxa marumbi ya wona;Ndzi ta wu aketa wu tlhela wu fana ni masikwini ya kaleloko,+
12 Kasi ku teka lezvi zvi seleko ka Edhomi,+Ni matiko wontlhe lawa a vito ga mina gi vitanilweko ka wona’, ku wula Jehovha, loyi a mahako zvilo lezvi.
13 ‘A masiku mata’, ku wula Jehovha,‘Lawa a murimi a to hundza mutshoveli,Ni mukameli wa mauvha a to hundza mubyali;+A zvitsunga zvi ta dona a dosi ga vhinyo,+Ni zvitsungana zvontlhe zvi khulunga a dosi ga vhinyo.+
14 Ndzi ta wuyisa a vanhu va mina va ka Izrayeli hi wukhumbini.+Va ta aketa a madhoropa lawa ma nga hi marumbi, va tshama ka wona;+Va ta rima zvivhina,* va ti nwela a vhinyo ya kona,+Va tlhela va byala tisinya, vaga mihandzu ya kona.’+
15 ‘Ndzi ta va byala tikweni gabye,Va nga ta ha tsuwuliwa kambeKa tiko gabye legi ndzi va nyikileko’,+ ku wula Jehovha, a Nungungulu wa wena.”
Mitlhamuselo ya lahasi
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “a tenda ga”.
^ A zvivhina masimu ya tisinya leti ti pswalako mauvha.
