Cizimba ca Solomoni 1:1-17
-
Lisimu la tisimu (1)
-
Nhanyana (2-7)
-
Vanhanyana va Jerusalema (8)
-
A hosi (9-11)
-
“Hi ta ku mahela zvilo zva ouro zva ku ku sasekisa hi zvona” (11)
-
-
Nhanyana (12-14)
-
“A murandziwa wa mina i fana ni cikhwama ca mira yo nuhela” (13)
-
-
Murisi (15)
-
“A wu no ku saseka murandziwa wa mina”
-
-
Nhanyana (16, 17)
-
“Murandziwa, a wu no ku saseka” (16)
-
1 Lisimu la tisimu,* a lisimu la Solomoni:+
2 “Ndzi pswopswe hi kupswopswa ka nomu wa wena,Hakuva a lirandzo la wena li nandziha a ku hundza vhinyo.+
3 A masema ya mafura ya wena ma nuhela.+
A vito ga wena gi fana ni mafura yo nuhela ma chululweko.+
A vanhanyana va ku randza hi kona.
4 Ndzi koke, hi tsutsuma.
A hosi yi ndzi nehile lomu tindlwini ta yona!
A hi tsake hi nengela zvin’we.
A hi dhumise* a lirandzo la wena, leli li nandzihako a ku hundza vhinyo.
Hakunene a vanhanyana va ku randza hi kona.
5 Ndzi wa ntima, kanilezvi ndzi sasekile, O n’wina vanhanyana va Jerusalema,A ku khwatsi matenda ya le Kedhare+ ni tinguwo ta tenda+ ga Solomoni.
6 Mu nga ndzi cuwuki hi lezvi ndzi nga wa ntima,Hakuva ndzi noswa hi gambo.
A vana va mamani wa mina va ndzi zangarele;Va no ndzi ruma ku ya hlayisa a zvivhina,*Kanilezvi leci ca mina n’winyi a ndzi ci hlayisangi.
7 Hi nga ndzi byela, murandziwa, wena ndzi fako hi wena,*U risa kwihi a ntlhambi wa wena?+A ntlhambi wa wena wu zumba kwihi ni hlikanhi?
Hikuyini ndzi nga wa ta fana ni wasati a ti vhalileko nghohe hi vhewu,*Cikari ka mitlhambi ya vanghana va wena ke?”
8 “Loku u nga zvi tivi, wena loyi u sasekileko a ku hundza a vavasati vontlhe,Landza a makhandzu ya ntlhambiU risa a zvimbutana zva wena kusuhani ni matenda ya varisi.”
9 “O murandziwa, ndzi ku fananisa ni pswele ga* haxi cikari ka tikareta ta Faro.+
10 “A marama ya wena ma sasekiselwe ma saseka nguvhu,*Ni nhamu ya wena yi sasekiselwe hi makordhawu.
11 Hi ta ku mahela zvilo zva ouro zva ku ku sasekisa hi zvona*Zvi nameketelweko prata.”
12 “Laha a hosi yi tshamileko mezeni ya yona,A perfume* ya mina+ yi humesa a kunuhela ka yona.
13 Ka mina, a murandziwa wa mina i fana ni cikhwama ca mira yo nuhela+Leci ci mbhetako a wusiku cikari ka mavele ya mina.
14 A murandziwa wa mina i fana ni nyandza ya hena,*+Cikari ka zvivhina zva En-Gedhi.”+
15 “A wu no ku saseka murandziwa wa mina.
Phela a wu no ku saseka! A matihlo ya wena ma fana ni lawa ya zvipomba.”+
16 “Murandziwa, a wu no ku saseka; a wo ku ndzi tsakisa.+
A mubhedhi wa hina wu cikari ka matluka.
17 A minaneko ya yindlu ya hina* misedhare,Ni tivalelo ta langwa* la hina mijunipero.
Mitlhamuselo ya lahasi
^ Kutani: “Lisimu lo hundza a tisimu tontlhe”.
^ Kutani: “A hi hlawutele”.
^ A zvivhina masimu ya tisinya leti ti pswalako mauvha.
^ Kutani: “wena loyi a muhefemulo wa mina wu ku randzako nguvhu”.
^ Kutani: “vhewu ya cirilo”. A vhewu i nguwo yo vangamela yi tiriselwako ku ti fenengeta hloko kutani nghohe.
^ Kutani: “pswele ga mina ga”.
^ Zvi nga maha na zvi wula ku: “ma sasekile cikari ka miluko ya misisi ya wena”.
^ Kutani: “a masindza ya ouro”.
^ Hi kukongoma: “nardho”.
^ Kutani: “sinya yo nuhela”.
^ Kutani: “yindlu ya hina ya hombe”.
^ Kutani: “denga; terraço”.