Dhewuteronome 32:1-52
32 “Pangani tindleve, n’wina matilo, ndzi fela ku wulawula,Ni misava yi wa ingisele a timhaka ta nomu wa mina.
2 A gondziselelo ya mina yi tana a ku khwatsi i vhula;A timhaka ta mina ti ta relela a ku khwatsi i ndzhokati,Ti ku khwatsi i meso hehla ka lihungaNi vhula ya hombe yi gandletelako byanyi.
3 Hakuva ndzi ta huwelela a vito ga Jehovha.+
Wulawulani hi wukulu ga Nungungulu wa hina!+
4 I Ribye, zvontlhe lezvi a mahako zvi mbhelele,+Hakuva tontlhe a tindlela takwe ti lulamile.+
I Nungungulu wa kutsumbeka+ a nga hiko na kukanganyisa;+I lulamile niku a nga na cisolo.+
5 Hi vona va nga maha zvahava.+
A hi vana vakwe, a cihoxo ca vona venyi.+
Cizukulwana co biha ni co gombonyeka!+
6 Hi zvalezvi mu lavako ku mahela Jehovha,+N’wina vanhu va zvipumbu mu nga hiko na wutlhari ke?+
Kasi a hi yena a Papayi wa wena loyi a nga ku pswala,+Loyi a ku mahileko a tlhela a ku tiyisa ke?
7 Alakanya a masiku ya kaleloko,U ehleketa hi malembe ya zvizukulwana zvi hundzileko.
Wutisa a papayi wa wena, i ta ku byela,+Ni madhota ya wena, ma ta ku hlawutela.
8 A cikhati leci Loyi a Tlakukileko ku Hundza Vontlhe a nga nyika matiko a tshomba ya wona,+Laha a nga avanyisela a vana va Adhamu,*+I no yimisa mimbhingano ya matiko+Hi ku landza a ntsengo wa vana va Izrayeli.+
9 Hakuva a vanhu va Jehovha hi cona a ciavelo cakwe;+Na Jakobe i tshomba yakwe.+
10 I mu kumile tikweni ga ciwula,+Ciwuleni ci nga hiko na nchumu, ci teleko hi guwa ga zvihari zvi cwangulako.+
I mu bhiyele hi ku fela ku mu hlayisa, a mu khatalela,+A tlhela a mu vhikela kota ndzololwani ya tihlo gakwe.+
11 A ku khwatsi i gama gi gondzisako a mavhinyani ya gona a ku puruma,Gi haha hehla ka vana va gona,Gi tshambuluta a tipapa ta gona gi va khamukela,Gi va rwala ka timbavi ta gona,+
12 Hi Jehovha yece a nga mu* rangela;+I hava nungungulu wa matiko a nga hi zvin’we naye.+
13 I mu kandzihisile a matshamu yo tlakuka ya laha misaveni,+Kasi aga a mihandzu ya khwati.+
I mu wundlile hi wulombe ga lomu ribyeniNi mafura ya lomu ribyeni go nonoha,
14 A matega ya tihomu ni masi ya mitlhambi,Zvin’we ni tiyivhu leti to nona,*Ni tiyivhu ta vamatsune ta Bhaxani ni timhongo,Zvin’we ni trigo ya yinene nguvhu;+U nwile ni vhinyo ya nkhata wa mauvha.
15 A cikhati leci Jexuruni* a nga kuluka, i no hluwuka a khava n’winyi wakwe.
U no nona, u kuluka, u tala hi mafura.+
Hikwalaho, i no tsika a Nungungulu loyi a mu mahileko,+A chepeta a Ribye ga kuhanyiswa kakwe.
16 Va no vhindlukisa a zanga yakwe hi vanungungulu va vamatiko;+Va wa mu khunguvanyisa hi zvilo zvo nyenyeza.+
17 Va wa maha miphahlo ka madhimoni, na ku nga hi ka Nungungulu,+Ka vanungungulu va nga va tiviko,Va vaswa, va nga ha hi ku humelela,Ka vanungungulu lava a vakokwani va n’wina va nga va tivangiko.
18 U no rivala a Ribye+ legi gi nga papayi wa wena,Ne a wu alakanyangi a Nungungulu loyi a nga ku pswala.+
19 A cikhati leci Jehovha a nga zvi wona, i no va ala+Hakuva a vafana vakwe ni vanhanyana vakwe va no mu khunguvanyisa.
20 Hikwalaho i te ngalo: ‘Ndzi ta va fihlela a nghohe ya mina,+Ndzi wona ku va ta kuyini.
Hakuva cizukulwana co biha,+A vana va nga tsumbekiko.+
21 Va ndzi vhuxele zanga* hi leci ci nga hiko nungungulu;+Va ndzi khunguvanyisile hi zvifananiso zvabye zvi nga vhuniko nchumu.+
Hikwalaho, ndzi ta va vhuxela ciluse hi lava va nga hiko vanhu;+Ndzi ta va khunguvanyisa hi tiko gi nga hiko na kupimisisa.+
22 Hakuva a zanga ya mina yi tlhotlhile ndzilo+Lowu wu to vhura kala kueteni ka Cilahla,*+Wu ta hisa a misava ni pfuno wa yonaWu lumekela ni zviseketelo zva zvitsunga.
23 Ndzi ta engetela a makhombo yabye;Ndzi ta va fula hi tigalala ta mina tontlhe kala ti mbhela.
24 Va ta choma hi ndlala+Va giwa hi feveri yo hisa va loviswa va ku bhi.+
Ndzi ta va rumelela a matino ya zvivandza ma ya va pfhemulela+Ni wuxungu ga zvikokakoka zva lomu ntshurini.
25 Le handle, a cipadha ci ta va vangela cirilo;+Lomu ndzeni, ku tava ni kururumela hi ku chava+Ka jaha ni ka nhwana* hi wumbiri gabye,Ka n’wanana ni ka loyi wo basa hloko.+
26 Na ndzi te ngalo: “Ndzi ta va hangalasa,Ndzi va maha va nga ha alakanyiwi cikari ka vanhu”,
27 Loku ku wa nga hi ku chava lezvi a valala va nga wa ta wula,+Hakuva a valala na va zvi zwisisile hi ndlela ya hava.+
Na va te: “Hi hlulile hi ntamu wa hina;+A hi Jehovha a nga maha zvilo lezvi zvontlhe.”
28 Hakuva vona i tiko gi nga hiko na kupimisisa,*A ku na kuzwisisa cikari kabye.+
29 Loku ku wo khwatsi va tlharihile!+ Va wa ta ehleketa hi zvilo lezvi.+
Va wa ta alakanyela hi mawuyawuya ya kona.+
30 A munhu mun’we a nga zvi kotisa kuyini ku hlongola a 1000 wa vanhu ke,Ni vambiri va nga zvi kotisa kuyini a ku tsutsumisa a 10 000 wa vanhu?+
Va wa nga ta zvi kota loku a Ribye gabye gi wa nga va xavisangi+Ni loku Jehovha i wa nga va nyikelangi ka valala vabye.
31 Hakuva a ribye gabye a gi fani ni Ribye ga hina,+Hambu a valala va hina va zvi tiva lezvo.+
32 Hakuva a civhina* cabye ci huma hi ka civhina ca SodhomaNi ka masimu ya Gomora.+
A mauvha yabye mauvha ya vhenene,Ni zvitata zvabye zva bava.+
33 A vhinyo yabye wuxungu ga tinyoka,A vhenene yi dayako ya tivhuwumati.
34 A zvi hlayisiwangi ka mina,Zvi lemiwa tshaleni ga mina ke?+
35 A kuphota ka mina, ni kutlhelisela,+Hi cikhati ci yimisilweko laha a nkondzo wabye wu to retemuka,+Hakuva a siku gabye ga khombo gi tshinele,Ni lezvi zvi va rindzelako zvi tata hi cihatla.’
36 Hakuva Jehovha i ta lamula vanhu vakwe,+Niku i ta ma zwela wusiwana* a malandza yakwe+A cikhati leci a to wona lezvaku a ntamu wabye wu hungukile,Ni lezvaku ku no sala ntsena lava va vhumalako muvhuni ni lava va rerekileko.
37 Makunu i taku: ‘Va kwihi a vanungungulu vabye,+A ribye legi va hlotileko wuchavelo ka gona,
38 Lava va ngaga a mafura ya miphahlo yabye,Vanwa vhinyo ya minyikelo yabye ya zvakunwa?+
Va wa suke va yima va mu vhuna.
Va wa mahe wuchavelo ga n’wina.
39 Makunu wonani lezvaku mina — hi mina yena,+A ku na van’wani vanungungulu ahandle ka mina.+
Ndza daya, ndzi tlhela ndzi hanyisa.+
Ndza pandza phanja,+ niku ndzi ta holisa,+I hava a zvi kotako ku tlhatlhisa munhu canjeni ga mina.+
40 Hakuva ndza tlakusa a canja ga mina gi cuwuka tilweni,Ndzi hlambanya, ndziku: “A ku khwatsi hi lezvi ndzi hanyako kala kupindzuka”,+
41 Loku ndzoza ndzi lota a cipadha ca mina co phatimaNdzi longisela canja ga mina kasi ku lamula,+Ndzi ta ti photela ka valala va mina+Ndzi tlhelisela ka lava va ndzi vengako.
42 Ndzi ta popisa a mipaxa ya mina hi nkhata,Ni cipadha ca mina ci taga nyama,A nkhata wa lava va delweko ni wa tikhumbi,Ni tihloko ta varangeli va nala.’
43 Tsakani, n’wina matiko, zvin’we ni vanhu vakwe,+Hakuva i ta photela a nkhata wa malandza yakwe,+I ta tlhelisela ka valala vakwe+A gi mahela muphahlo wa ku kombela ku tsetselelwa zviwonho* a tiko ga vanhu vakwe.”
44 Hikwalaho, Mosi i nota a ta phinda a magezu wontlhe ya lisimu leli na a zwiwa hi vanhu,+ na a hi zvin’we na Hoxeya,*+ a n’wana wa Nuni.
45 Andzhako ka loku Mosi a mbhetile ku wulawula a timhaka leti tontlhe ka vontlhe va ka Izrayeli,
46 i te ngalo kabye: “Hlayisani a timhaka tontlhe ta citlharihiso ca mina leci ndzi mu nyikako nyamutlha timbilwini ta n’wina,+ mu fela ku leletela vana va n’wina lezvaku va chela kota va hlayisa a timhaka tontlhe ta Nayo lowu.+
47 Hakuva leti a hi timhaka to kala lisima ka n’wina, kanilezvi wutomi ga n’wina;+ hi timhaka leti, mu ta hanya masiku yo tala tikweni legi mu tlhatukako Jordhani mu ya gi fumela.”
48 Jehovha i no wulawula na Mosi ka siku galego, aku:
49 “Kandziha citsungeni leci ci nga cipandzeni ca Abharime,+ a Citsunga ca Nebho,+ ci nga tikweni ga Mowabhi, ci cuwukeneko ni Jeriko, u wona a tiko ga Khanani, legi ndzi nyikako va ka Izrayeli kota tshomba.+
50 U tafa citsungeni leci u lavako ku kandziha, u hlengeletwa ka vanhu va wena,* a ku fana na Aroni, a makabye wa wena, a fileko Citsungeni ca Hora+ a hlengeletwa ka vanhu vakwe,
51 hakuva hi wumbiri ga n’wina, a mu tsumbekangi ka mina cikari ka vaIzrayeli matini ya Meribha+ wa Kadhexe, ciwuleni ca Zini, hakuva a mu ndzi basisangi mahlweni ka vanhu va ka Izrayeli.+
52 U ta wona tiko hi le kule, kanilezvi u nga ta nghena tikweni legi ndzi nyikako a vanhu va ka Izrayeli.”+
Mitlhamuselo ya lahasi
^ Zvi nga maha na zvi wula ku: “a lixaka la vanhu”.
^ Ku nga Jakobe.
^ Hi kukongoma: “mafura ya tiyivhu”.
^ Zvi wulako ku: “Loyi a lulamileko”. Leci cikhundla ca ku dzundza Izrayeli.
^ Kutani: “ciluse”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “virgem”.
^ Zvi nga maha na zvi wula ku: “gi nga zwiko wusungukati”.
^ A civhina i simu ga tisinya leti ti pswalako mauvha.
^ Kutani: “i ta ti laya hi kota ya”.
^ Kutani: “A basisa”.
^ Hi laha a vito gaku Joxuwa gi tumbukukelako kona. A ku Hoxeya i vito gi komisilweko gaku Hoxaya gi wulako ku: “I ponisilwe hi Jah; Jah i ponisile”.
^ Magezu yo sasekiselwa ma wulako kufa.
