Dhewuteronome 33:1-29
33 Leci cikatekiso leci Mosi, a munhu wa Nungungulu wa lisine, a nga ci wula ka vaIzrayeli na a nga sefa.+
2 I te ngalo:
“Jehovha i nota hi le Sinayi+A ngangamela hehla kabye hi le Seyire.
I no woninga hi kungangamela hi le tikweni ga zvitsunga ga Parani,+Na a hi zvin’we ni tingilozi takwe to basa ta tsandza-vahlayi,*+Ni reveni gakwe ga cinene, ku wa hi ni masochwa yakwe.+
3 I no randza a vanhu vakwe;+Vontlhe a vobasa vabye va canjeni ga wena.+
Va wa tshamile mikondzweni ya wena;+Va sangula ku ingisela a timhaka ta wena.+
4 (Mosi i no hi nyika cileletelo, wu nga nayo,+Kota tshomba ya bandla ga Jakobe.)+
5 I no maha hosi le Jexuruni,*+Laha a tihosana ta vanhu ti nga tsombana,+Zvin’we ni tontlhe a tixaka ta ka Izrayeli.+
6 Ngha Rubheni a hanya a ngafi,+Ni vavanuna vakwe va ngavi va tsongwani.”+
7 Na a katekisa Judha, i te ngalo:+
“O Jehovha, zwana a gezu ga Judha,+U mu wuyisa ka vanhu vakwe.
I no lwela lezvi zvi mu lumbako hi mawoko yakwe,Niku ngha wena u mu vhuna a kulwa ni valala vakwe.”+
8 Xungetano hi Levhi, i te ngalo:+
“A Tumima wa wena* ni Urima wa wena+ zvi lumba a munhu loyi a tsumbekileko ka wena,+Loyi u mu ringileko le Masa.+
U no sangula ku kanetisana naye le matini ya Meribha,+
9 Loyi a nga byela a papayi wakwe ni mamani wakwe, aku: ‘A ndzi na mhaka na vona.’
Hambu a vamakabye vakwe a nga va tivangi,+Ne a nga khatalangi hi vana vakwe.
Hakuva va ingisile a mhaka ya wena,Va hlayisa a civhumelwano ca wena.+
10 Ngha va gondzisa Jakobe a zviboho zva wena zva kulamula+Ni Nayo wa wena ka Izrayeli.+
Ngha va nyikela a libani kota masema yo nuhela nhovhini ya wena+Ni munyikelo wa murumba alatini ga wena.+
11 O Jehovha, katekisa a ntamu wakwe,U xalala hi ntiro wa mandla yakwe.
Tshova a minenge* ya lava va sukako va mu vhukela,Kasi lava va mu vengako va nga ha yimi kambe.”
12 Xungetano hi Bhenjamini, i te ngalo:+
“Ngha loyi a randziwako hi Jehovha a tshama kuruleni mikondzweni yakwe;Na a mu fenengeta siku gontlhe,I ta tshama makatleni yakwe.”
13 Xungetano hi Josefa, i te ngalo:+
“Ngha a tiko gakwe gi katekiswa hi Jehovha+Hi zvilo zvo saseka nguvhu zva le tilweni,Hi ndzhokati ni mati ya zvibuka zva lahasi,+
14 Hi zvilo zvo saseka nguvhu zvi kuliswako hi gamboNi mihandzu yo saseka nguvhu ya hweti ni hweti,+
15 Hi zvilo zva zvinene nguvhu ka zvontlhe zva le zvitsungeni zva kaleloko*+Ni zvilo zvo saseka nguvhu zva zvitsungana zva kala kupindzuka,
16 Hi zvilo zvo saseka nguvhu zva laha misaveni ni lezvi zvi yi tatako,+Ni tipswalo ta loyi a nga tshamile ka khuho ga mimizwa.+
Ngha zvi tshama hlokweni ya Josefa,Hehla ka hloko ya loyi a hlawulilweko cikari ka vamakabye vakwe.+
17 A wukosi gakwe gi fana ni legi ga matewula ya dhuna ga homu,Ni timhondzo takwe timhondzo ta dhuna ga homu ya khwati.
I ta susumeta* hi tona a matikoA ma susumeta wontlhe kala magemeta-musi ya misava.
Makume ya makume ya mazana ya va ka Efrayime,+Ni makume ya mazana ya va ka Manase.”
18 Xungetano hi Zebhuloni, i te ngalo:+
“Tsaka wena Zebhuloni, kuhumeni ka wena,Na wena Isakari, matendeni ya wena.+
19 Va ta vitanisa matiko le citsungeni.
Hi seyo va ta nyikela a miphahlo ya kululama.
Hakuva va ta pswonga a wunyingi ga tshomba ya mabimbiNi zvilo zva lisima* zvi fihleleko misaveni.”
20 Xungetano hi Gadhi, i te ngalo:+
“I katekile loyi a vhululako mimbhingano ya Gadhi.+
I barama ku khwatsi i nghala,Na a longile ku pfhemula woko, ina, a hloko ya leci yi nga khoma.
21 I ta ti hlawulela a cipandze co ranga ca tiko,+Hakuva hi laho a munyiki wa nayo a vekelweko kona a ciavelo cakwe.+
A tihosana ta vanhu ti ta hlengeletana.
I ta maha kululama ka Jehovha,Ni zviboho zva kulamula ha Izrayeli.”
22 Xungetano hi Dhani, i te ngalo:+
“Dhani i role ga nghala.+
I ta tlula hi le Bhaxani.”+
23 Xungetano hi Naftali, i te ngalo:+
“Naftali i xure hi tipswaloI tele hi makatekwa ya Jehovha.
Fumela a tlhelo ga mupela-gambo ni le dzongeni.”*
24 Xungetano hi Axeri, i te ngalo:+
“Axeri i katekile hi kuva ni vana.
Ngha a randzeka ka vamakabye vakwe,Niku ngha a peta* a mikondzo yakwe lomu ka mafura.
25 A zvikwinyaro zva tivati ta wena zvi tava zva simbi ni kobre.+Ni ntamu wa wena wu ta ringana ni masiku ya wena.
26 I hava a fanako ni Nungungulu wa lisine+ wa Jexuruni,+Loyi a khilelako a tilo a ta ku vhuna,Ni loyi a fambako hehla ka marefu wukosini gakwe.+
27 Nungungulu wuchavelo kusukela zvikhatini zva kaleloko,+A mawoko yakwe ya pindzukelwa ma lahasi ka wena.+
I ta hlongola valala mahlweni ka wena,+Niku i taku: ‘Va hihirite!’+
28 Izrayeli i ta hanya kuruleni,Ni hlowo ya Jakobe yi ta tshamekaTikweni ga timbewu ni vhinyo yiswa,+Legi a matilo ya gona ma to dona ndzhokati.+
29 Wa tsaka wena Izrayeli!+
Himani a fanako na wena,+A tiko legi a kuhanyiswa ka gona ku tako hi ka Jehovha,+A citlhangu ca wena ca kuvhikela+Ni cipadha ca wena co tshisa ke?
A valala va wena va ta phindzala midhoza* mahlweni ka wena hi ku ku chava,+Na wena u ta kandzihela a mihlanha yabye.”*
Mitlhamuselo ya lahasi
^ Kutani: “makune ya makune ya mazana ya vobasa”.
^ Zvi wulako ku: “Loyi a lulamileko”. Leci cikhundla ca ku dzundza Izrayeli.
^ A gezu “wena” laha ka vhesi legi gi wula Nungungulu.
^ Kutani: “zviwunu”.
^ Zvi nga maha na zvi wula ku: “zvitsungeni zva mutsuwuka-gambo”.
^ Kutani: “vhindla”.
^ Kutani: “titshomba”.
^ Kutani: “sul”.
^ Kutani: “hlazwa”.
^ Kutani: “ncila; suluthu”.
^ Zvi nga maha na zvi wula ku: “u ta kandzihela a matshamu yabye ma tlakukileko”.