Eksodhusi 15:1-27
15 Ka cikhati caleco, Mosi ni vaIzrayeli va no yimbelela lisimu leli ka Jehovha:+
“Ndzi ta yimbelela ka Jehovha, hakuva i tlakusilwe nguvhu.+
I hoxele haxi ni mukhileli wa gona lomu bimbini.+
2 Jah* i ntamu wa mina, hakuva ive kuhanyiswa ka mina.+
Loyi i Nungungulu wa mina, ndzi ta mu dhumisa;+ i Nungungulu wa papayi wa mina,+ ndzi ta mu tlakusa.+
3 Jehovha i nhenha ya ntamu.+ A vito gakwe hi Jehovha.+
4 I hoxele tikareta ta Faro ni butho gakwe lomu bimbini,+Ni masochwa yakwe lawa ya wuchukwana ma mbombomele lomu Bimbini go Pswhuka.+
5 A mati ma zangarileko ma va fenengetile, va rikha vaya kueteni a ku fana ni ribye.+
6 O Jehovha, a canja ga wena ga cinene gi na ni ntamu wa hombe;+O Jehovha, a canja ga wena ga cinene gi nga phurusela nala.
7 Hi ntamu wa wena wa hombe u nga wisa lava va sukako va yima va ku vhukela;+U rumela a zanga ya wena yi vhurako yi ya va khadamula a ku fana ni byanyi.
8 Hi kuhefemula ka tinhovhu ta wena, a mati ma no hlengeletana;Ma no yima a ku fana ni khurisi. Laha cikari ka bimbi, a mati ma no yima ma ku pswhe;A mati ma zangarileko ma no woma mbilwini ya bimbi.
9 A nala i te: ‘Ndzi ta va hlongolisela niku ndzi ta va kuma!
Ndzi ta avanyisa a muphango kala ndzi* xura!
Ndzi ta hlomula a cipadha ca mina. A canja ga mina gi ta va khozisa!’+
10 U buvhetile a moya wa wena, a bimbi gi va khubhunyeta;+Va rikhile a ku fana ni muthovhu lomu ka mati ya ntamu.
11 O Jehovha, hi wihi cikari ka vanungungulu a fanako na wena?+
Himani a nga wa ntamu ni wo basa a ku fana na wena?+
Loyi a faneleko ku chaviwa ni ku dhumiswa hi tisimu; Loyi a mahako zvihlamaliso ke?+
12 U nawulutile a canja ga wena ga cinene, a misava yi va mita.+
13 Lirandzweni la wena li nga mbheliko, u rangele vanhu lava u va tlhatlhisileko;+Hi ntamu wa wena u ta va rangela vaya wutshan’wini ga wena go basa go tshama ka gona.
14 A matiko ma ta zvizwa+ ma rurumela.A vahanyi va le Filistiya va tazwa kubayisa ka hombe.
15 Ka cikhati caleco, a tihosana ta lixaka la ka Edhomi ti ta chava nguvhu,Ni vafumeli va ntamu va Mowabhi va ta rurumela.+
Vontlhe a vahanyi va le Khanani va ta mbhela ntamu.+
16 A kuchava ni kururumela ku tava hehla kabye.+
Hi kota ya wukulu ga woko ga wena, va ta tshama laha ka kun’we a ku khwatsi i ribyeKala a vanhu va wena va hundza hi laho, O Jehovha,Kala a vanhu lava u va pswalileko+ va hundza hi laho.+
17 U ta va humesa u ya va byala citsungeni ca tshomba ya wena,+Gi nga wutshamu gi yimisilweko legi u nga ti longiselela kasi u hanya ka gona, O Jehovha,O Jehovha, a wutshamu go basa, legi gi yimisilweko hi mandla ya wena.
18 Jehovha i ta fuma kota hosi kala kupindzuka ni kupindzuka.+
19 Laha a mahaxi ya Faro, ni tikareta takwe ta yimpi, ni vakhileli vakwe va mahaxi va nga nghena lomu bimbini,+Jehovha i no tlhelisa mati ya bimbi hehla kabye,+Kanilezvi a vanhu va ka Izrayeli va no tsemakanya hi laha cikari ka bimbi, ka misava yo woma.”+
20 Miriyamu, a muphrofeti wa cisati tlhelo makabye wa Aroni, i no teka mutandanda canjeni gakwe, ni vavasati vontlhe va no mu landzela na va hi ni mitandanda na va kari va kina.
21 Miriyamu i no amukela lisimu ka vavanuna a yimbelela, aku:
“Yimbelelani ka Jehovha, hakuva i tlakusilwe nguvhu.+
I hoxele haxi ni mukhileli wa gona lomu bimbini.”+
22 Andzhako ka lezvo, Mosi i no rangela vaIzrayeli va suka Bimbini go Pswhuka vaya ciwuleni ca Xure. Va no famba masiku manharu lomu ciwuleni kanilezvi a va kumangi mati.
23 Va no chikela le Mara+ kanilezvi a va zvi kotangi kunwa mati ya kona hakuva ma wa bava. Hi caleco ci nga maha lezvaku a wutshamu lego a gi chula ku Mara.*
24 Hikwalaho, a vanhu va no sangula ku ngurangurela Mosi,+ vaku: “Hi tanwa yini?”
25 I no rila ka Jehovha,+ Jehovha a mu komba sinya. Laha a nga yi hoxela lomu matini, a mati ma no cica mava yo nandziha.
Kwalaho i no va nyika nayo ni tshinya ga kulamula a tlhela a va ringa,+
26 aku: “Loku mu ingisela khwatsi a gezu ga Jehovha, a Nungungulu wa n’wina, ni ku maha zvakululama mahlweni kakwe mu tlhela mu chela kota ka zvileletelo zvakwe ni ku hlayisa a milayo yakwe yontlhe,+ ndzi nga ta mu tisela ne wubabyi gin’we cikari ka mababyi lawa ndzi ma tiseleko vaGibhite,+ hakuva mina Jehovha, hi mina ndzi mu hanyisako.”+
27 Andzhako ka lezvo, va noya Elima lomu ku nga hi ni 12 wa zvibuka zva mati ni 70 wa micindzu. Hikwalaho, va no gova laho, kusuhani ni mati.
Mitlhamuselo ya lahasi
^ A ku “Jah” i vito gi komisilweko gaku Jehovha.
^ Kutani: “a muhefemulo wa mina wu”.
^ Zvi wulako ku: “Kubava”.
