Ezekiyeli 19:1-14
-
Lisimu la ku rilela tihosana ta ka Izrayeli (1-14)
19 “Yimbelela a lisimu la cirilo xungetano hi tihosana ta ka Izrayeli,
2 uku:‘I wa hi yini a mamani wa wena? I wa hi pswele ga nghala cikari ka tinghala ta vamatsune.
I etlele cikari ka zvinghalana zva ntamu* a wundla vana vakwe.
3 I no wundla mun’we cikari ka vana vakwe, ava cinghalana ca ntamu.+
A n’wana loye i no gondza a ku pfhemula nyama,Aza a khadamula ni vanhu.
4 A matiko ma nozwa a lungu yakwe ma mu phasa nkeleni wa wona,Ma mu bhoxa mukhalo ma mu kokela tikweni ga Gibhite.+
5 A mamani wa kona i no rindzela kala laha hi magumo a nga mbhelelwa hi kutsumba ka lezvaku i ta wuya.
Hikwalaho, i no teka mun’wani n’wana a mu yimisa kota cinghalana ca ntamu.
6 Yenawu i no fambafamba cikari ka tinghala ava cinghalana ca ntamu.
I no gondza a ku pfhemula nyama, aza a khadamula ni vanhu.+
7 I nyanimele tikhokholeni* tabye ti tiyisilweko khwatsi, a hahlula madhoropa yabye,Laha ka kuza a kubhonga kakwe ku tata a tiko ga ciwula.+
8 A matiko ya madhistrito ya wuakelwani ma nota kasi ku ta hoxela likoka la wona hehla kakwe,Ma no mu phasa nkeleni wa wona.
9 Va no mu khoma hi mukhalo va mu peta cikayileni va famba naye ka hosi ya Bhabhuloni.
Kwaseyo, va no mu vhalela kasi a gezu gakwe gi nga ha zwiwi kambe zvitsungeni zva Izrayeli.
10 A mamani wa wena i wa ku khwatsi i vhina*+ nkhateni wa wena,* wu byalilweko mbhirini ya mati.
Wu no pswala mihandzu, wu pandza madhavi yo tala hi kota ya kutala ka mati.
11 Wu no humesa madhavi* yo tiya ma nga ringana ku maha tinhonga ta vafumeli.
Wu no kula wu leha ku hundza tin’wani tisinya,Wu tlhela wu woneka kule hi kota ya kuleha ka wona ni hi kota ya kutala ka madhavi ya wona.
12 Kanilezvi wu no tsuwulwa+ khulweni wu hoxiwa lahasiNiku a moya wa cikobani* wu no womisa mihandzu ya wona.
A madhavi ya wona yo tiya ma no phatlulelwa ma woma,+ ma gumesa ma hisiwa hi ndzilo.+
13 Makunu i byalilwe ciwuleni,Ka tiko go woma ni ga tora.+
14 A ndzilo wu no hangalaka na wu suka madhavini* ya wona wu hisa mahluke ya wona ni mihandzu ya wona;A ku salangi dhavi go tiya ne nhonga ya mufumeli.+
“‘Leli lisimu la cirilo niku li ta tira kota lisimu la cirilo.’”
Mitlhamuselo ya lahasi
^ Kutani: “cikari ka zvinghalana zva malevhu”.
^ Kutani: “torres”.
^ Zvi nga maha na zvi wula ku: “i wa ku khwatsi i vhina civhineni ca wena”.
^ A vhina i sinya leyi yi pswalako mauvha.
^ Kutani: “tinhonga”.
^ Kutani: “moya wa mutsuwuka-gambo”.
^ Kutani: “tinhongeni”.
