Ezekiyeli 2:1-10
2 Andzhako ka lezvo, i te ngalo ka mina: “N’wana wa munhu,* suka u yima hi mikondzo ya wena kasi ndzi wulawula na wena.”+
2 A cikhati leci a nga wulawula na mina, a moya wu no nghena ka mina wu ndzi yimisa hi mikondzo ya mina+ kasi ndzi zvi kota kuzwa Loyi a nga kari a wulawula na mina.
3 I no engeta aku ka mina: “N’wana wa munhu, ndza ku rumela ka vanhu va Izrayeli,+ ka matiko yo hluwuka lawa ma ndzi hluwukeleko.+ Vona ni vakokwani vabye va ndzi wonhela kala ni nyamutlha lezvi.+
4 Ndza ku rumela ka vana va nga hiko na cichavo hi munhu ni va timbilu to nonoha.+ U ta va byela, uku: ‘Lezvi hi lezvi Jehovha, a Hosi ya Hombe, a wulako.’
5 Kani va ingisela kutani va ala ku ingisela — hakuva i yindlu yo hluwuka+ — hakunene va ta zvi tiva lezvaku kuve ni muphrofeti cikari kabye.+
6 “Kanilezvi, wena n’wana wa munhu, u nga va chavi+ ne u nga chavisiwi hi magezu yabye hambu lezvi u randzelweko hi zvigetlwani ni mimizwa+ ni lezvi u hanyako cikari ka tihume. U nga chavisiwi hi magezu yabye+ ne u nga rurumeliswi hi tinghohe tabye,+ hakuva vona i yindlu yo hluwuka.
7 Wena va byele a timhaka ta mina, kani va ingisela kutani a va ingiseli, hakuva vanhu vo hluwuka.+
8 “Kanilezvi wena n’wana wa munhu, ingisela lezvi ndzi ku byelako. U nga hluwuki a ku fana ni yindlu leyi yo hluwuka. Vhulula nomu wa wena uga lezvi ndzi ku nyikako.”+
9 A cikhati leci ndzi nga cuwuka, ndzi no wona a canja na gi nawulutilwe gita ka mina,+ ka gona ndzi no wona a bhuku go songiwa gi tsalilweko.+
10 Laha a nga gi tshambuluta mahlweni ka mina, gi wa tsalilwe seno ni seno.+ Gi wa tsalilwe tisimu ta cirilo, ni mikosi, ni makhombo.+
Mitlhamuselo ya lahasi
^ “N’wana wa munhu”; legi i khati go sangula ka 93 wa makhati ya magezu lawa ka Ezekiyeli.
