Habhakuka 2:1-20
2 Ndzi ta simama ndzi yimile wutshan’wini ga mina go rindzela,+Ndzi ta yima hehla ka khokhola.*
Ndzi ta rindzela ndzi wona lezvi a to wula hi mina,Ni lezvi ndzi to hlamula loku ndzi kawukiwa.
2 Jehovha i no ndzi hlamula, aku:
“Tsala muwoniso lowu; wu tsale wu woneka khwatsi ka timbila,+Kasi loyi a to lera hi gezu ga hombe zvi mu olovela.*+
3 Hakuva a muwoniso lowu wa cikhati ci yimisilweko,Wu hatlisa wuya kumbheleni* ka wona, wu nga ta hemba.
Hambu loku wo hlwela,* simama ku wu rindzela!*+
Hakuva wu ta tatiseka futsi.
Wu nga ta celwa!
4 Hi nga wona munhu wa matshandza;*A nga lulamangi ndzeni kakwe.
Kanilezvi a wakululama i ta hanya hi kutsumbeka* kakwe.+
5 Kunene, kota lezvi a vhinyo yi kanganyisako,A munhu wa matshandza a nga ta tatisa kungo gakwe.
I na ni mavhalo ya hombe* a ku fana ni Cilahla;*I fana ni kufa, a nga xuri.
I simama ku hlengeleta matiko wontlhe,A ti wungeletelela mifumo yontlhe.+
6 Xana a matiko wontlhe ni vanhu vontlhe va nga ta mu hlawutela vingu, ni mufananiso, ni titekatekani, zva ku mu vhukela ke?+
Va taku:
‘Khombo ka loyi a hlengeletelako zvilo zvo kala zvi nga hi zvakwe,— Kala rini? —Loyi a engetelako a mangava yakwe!
7 Lava u va dhevhako va nga ta vhuka hi citshuketi ke?
Va ta vhuka va ku juja zva xapi,Niku u tava muphango wabye.+
8 Kota lezvi u phangileko matiko yo tala,Yontlhe a mifumo leyi yin’wani yi ta ku phangawu.+Hakuva u halatile nkhata wa vanhu,Niku u mahile tihanyi misaveni,Ka madhoropa ni ka lava va hanyako ka wona.+
9 Khombo ka loyi a mahako bhindzu go biha a mahela muti wakwe,Kasi a veka cisaka cakwe le hehla,A fela ku pona ku kumiwa hi khombo!
10 A zvikungo zva wena zvi neha tingana mutini wa wena.
Lezvi u nga lovisa matiko yo tala, u wonhele wena n’winyi.*+
11 Hakuva a ribye gi ta rila laha ka muro,Ni naneko wu ta gi hlamula na wu hi le langweni.*
12 Khombo ka loyi a akako a dhoropa hi ku halata nkhata,Ni loyi a yimisako a dhoropa hi kungalulami!
13 Kasi a hi Jehovha wa mabutho a bohileko ku a mifumo yi tira yi nga chayi kasi ku gisa ndzilo ke,Ni lezvaku a matiko ma ti karata mahala ke?+
14 Hakuva a misava yi ta tala hi wutivi ga kungangamela ka Jehovha,A ku fana ni lezvi a mati ma fenengetako a bimbi.+
15 Khombo ka loyi a va nyikako zvakunwa a vanghana vakwe,A zvi juta ni zanga ni khulo, kasi ku va popa,A fela ku wona wumbyiri gabye!
16 U ta xura hi tingana na ku nga hi wudzundzo.
Nwana wenawu u kombisa wukhuna* ga wena.
A kopo yi nga canjeni ga cinene ga Jehovha yi ta chikela ka wena,+Ni tingana ti ta fenengeta a wudzundzo ga wena;
17 Hakuva a tihanyi ti nga mahelwa Lebhanoni ti ta ku fenengeta,Ni kulovisa loku ku chavisileko zvihari ku tata hehla ka wena,Hi kota ya lezvi u halatileko nkhata wa vanhu,Ni lezvi u mahileko tihanyi misaveni,Ka madhoropa ni ka lava va hanyako ka wona.+
18 Ci vhuna yini a cifananiso ci kehlilweko,Leci caku ci no kehliwa ntsena hi mumahi wa cona?
Ci vhuna yini a cifananiso ca simbi* ni mugondzisi wa mawunwa,Hambu lezvi a mumahi wa zvona a zvi tsumbako,A zvi maha vanungungulu va nga vhuniko nchumu vo kala ku wulawula?+
19 Khombo ka loyi a byelako sinya yi tsemilweko, aku: “Vhuka!”
Kutani ribye gi nga wulawuliko, aku: “Vhuka, u hi gondzisa!”
Ci nameketelwe ouro ni prata,+Kanilezvi a ci na moya* ndzeni ka cona.+
20 Kanilezvi Jehovha i lomu tempeleni yakwe yo basa.+
A misava yontlhe a yi miyele yi ku hwi mahlweni kakwe!’”+
Mitlhamuselo ya lahasi
^ Kutani: “muro wa hombe”.
^ Kutani: “a lera khwatsi”.
^ Kutani: “kutatisekeni”.
^ Kutani: “wu ku khwatsi wo hlwela”.
^ Kutani: “ku wu rindzela hi mahlo yo pswhuka”.
^ Kutani: “Hi nga wona! A muhefemulo wakwe wu vhimbile”.
^ Zvi nga maha na zvi wula ku: “hi kukholwa”.
^ Kutani: “I anamisa a muhefemulo wakwe”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “a muhefemulo wa wena”.
^ Kutani: “denga; terraço”.
^ Kutani: “ku nga mahiwangi wukwera”. Zvi nga maha na zvi wula ku: “Wenawu nwana u dhedherekela”.
^ Kutani: “cifananiso ci nyekisilweko”.
^ Kutani: “kuhefemula”.
