Habhakuka 3:1-19
3 Mukhongelo wa muphrofeti Habhakuka — mikosi:*
2 O Jehovha, ndzi zwile mahungu xungetano hi wena.
Jehovha, a mitiro ya wena a yo ku ndzi hlamalisa!
Kufambeni ka malembe* vhuxa a mitiro ya wena!
Kufambeni ka malembe* yi tivekise.
Hi alakanye, u hi zwela wusiwana cikhatini ca gujeguje.+
3 Nungungulu i tile hi le Temane,Loyi a Basileko i relele hi le Citsungeni ca Parani.+ (Sela)*
A wukulu gakwe gi fenengetile matilo;+Ni wudzundzo gakwe gi tatile misava.
4 A kungangamela kakwe ku wa fana ni kuwonekela.+
Ku no huma miseve yimbiri ya kuwonekela hi canjeni gakwe,Ku nga lomu a ntamu wakwe wu nga fihlilwe kona.
5 Phambeni kakwe ku wa rangile ntungu,+Niku a feveri yo hisa yi wa landzela mikondzo yakwe.
6 I no yima a ninginisa misava,+
Hi ku cuwuka basi, a matiko ma no rurumela.+
A zvitsunga zva pindzukelwa zvi no khungumulwa,Ni zvitsungana zva kale zvi no khizama.+
Leti tindlela takwe ta kaleloko.
7 Ndzi wonile zvikarato lomu matendeni ya Kuxani.
A tinguwo ta tenda ga tiko ga Midhiyani ti no rurumela.+
8 O Jehovha, kasi wo vhukela micongo ke?A zanga ya wena yo vhurela micongo ke?
Kutani a khulo ga wena gi vhindlukele bimbi?+
Hakuva u khilele mahaxi ya wena;+A tikareta ta wena ti hlulile.+
9 U funungulile a wura ga wena, niku gi longile.
A tinhonga* ti rumilwe hi kuhlambanya.* (Sela)
Wena u pandzile misava hi micongo.
10 Laha a zvitsunga zvi nga ku wona zvi no oveka hi kuzwa kubayisa.+
Ku nile a vhula ya hombe yi swiyela.
A kueta ku no dzindza hi gezu ga kona.+
Ku no tlakusa a mandla ya kona maya hehla.
11 A gambo ni hweti zvi no yima ka wutshamu ga zvona gi tlakukileko.+
A tigalala ta wena ti fambisile ku khwatsi kuwonekela.+
A tlhari ga wena gi wa ngangamela a ku khwatsi lihati.
12 U tsemakanyile misava na u kwatile.
U kandzihetele* matiko hi zanga.
13 U humele ku ya hanyisa a vanhu va wena, u hanyisa a totilweko wa wena.
U fayile a murangeli* wa yindlu ya vakubiha.
Yi khungumulilwe kusukela ciseketelweni kala langweni.* (Sela)
14 U tlhavile a hloko ya masochwa yakwe hi matlhari* ya yena n’winyiA cikhati leci va ngata na va ku khwatsi cingulo kasi ku ta ndzi hangalasa.
Va wa tsaka nguvhu hi ku lava ku khadamula muxaniseki kufihlaleni.
15 U tsemakanyile bimbi hi mahaxi ya wena,Hi lomu ka mavingo* ya hombe.
16 Ndzi zvi zwile, a khwiri ga mina gi rurumela;A minomu ya mina yi no rurumela laha ndzi ngazwa guwa.
A kubola ku no nghena marambwini ya mina,+A minenge ya mina yi rurumela.
Kanilezvi ndzi ta rula ndzi rindzela a siku ga kuxaniseka,+Hakuva gi tela lava va hi dhumelako.
17 Hambu loku a nkuwu wu nga hluki,Ni zvivhina* zvi nga pswali mihandzu;Hambu loku a olivha wu nga humesi mihandzu,Ni masimu ma nga humesi zvakuga;Hambu loku a ntlhambi wu n’walala lomu rangeni,Ni loku a zvibala zvi sala zvi nga hi na tihomu;
18 Mina ndzi ta tsaka nguvhu ka Jehovha;Ndzi ta nengela ka Nungungulu wa kuhanyiswa ka mina.+
19 Jehovha, a Hosi ya Hombe, i ntamu wa mina;+I ta maha minenge ya mina yi fana ni ya hlangu,A tlhela a ndzi fambisa ka matshamu yo tlakuka.+
Mitlhamuselo ya lahasi
^ Kutani: “tisimu ta cirilo”.
^ Zvi nga maha na zvi wula ku: “Cikhatini ca hina”.
^ Zvi nga maha na zvi wula ku: “Cikhatini ca hina”.
^ Zvi nga maha na zvi wula ku: “A tigalala”.
^ Zvi nga maha na zvi wula ku: “A kuhlambanya ka tixaka ka huwelelwa”.
^ Hi kukongoma: “hulile”.
^ Hi kukongoma: “hloko”.
^ Kutani: “denga; terraço”.
^ Hi kukongoma: “tinhonga”.
^ Kutani: “mabyandlati; mavimbi”.
^ A zvivhina masimu ya tisinya leti ti pswalako mauvha.
