Hoseya 1:1-11
1 Leyi i mhaka ya Jehovha yi ngata ka Hoseya,* a n’wana wa Bheri, masikwini ya Uziya,+ na Jothamu,+ na Ahazi,+ na Hezekiya,+ a tihosi ta ka Judha,+ ni masikwini ya Jerobhowamu,+ a n’wana wa Jowaxi,+ a hosi ya ka Izrayeli.
2 Laha Jehovha a nga sangula ku wula mhaka yakwe hi ku tirisa Hoseya, Jehovha i no byela Hoseya, aku: “Famba u ya chadha ni wasati wa wubhayi, uva ni vana va wubhayi, hakuva hi kota ya wubhayi, a tiko gi tsikile ku landzela Jehovha hi kumbhelela.”+
3 Hikwalaho, i noya a ya chadha na Gomera, a nhanyana wa Dhiblayime. Gomera i no xura nyimba a mu pswalela mufana.
4 Jehovha i no byela Hoseya, aku: “Mu chule ku hi Jezreeli,* hakuva zvezvanyana a yindlu ya ka Jehu+ yi ta ti hlamulela ka mina hi kota ya mitiro ya kuhalatwa ka nkhata ya Jezreeli. Ndzi ta fuvisa a wuhosi ga yindlu ya ka Izrayeli.+
5 Ka siku lego, ndzi ta tshova a wura ga Izrayeli Nkoveni wa Jezreeli.”
6 Gomera i no xura nyimba kambe a pswala nhanyana. Nungungulu i no byela Hoseya, aku: “Mu chule ku hi Lo-Ruhama,* hakuva ndzi nga ta hava ni wuxinji+ ka yindlu ya ka Izrayeli; hakunene ndzi ta va hlongola.+
7 Kanilezvi ndzi tava ni wuxinji ka yindlu ya ka Judha,+ niku ndzi ta va ponisa hi ku tirisa Jehovha, a Nungungulu wabye.+ Ndzi nga ta va ponisa hi wura, kutani hi cipadha, kutani hi yimpi, kutani hi mahaxi, kutani hi vakhileli va mahaxi.”+
8 Andzhako ka ku lumula Lo-Ruhama, i no xura nyimba a pswala mufana.
9 Makunu i te ngalo: “Mu chule ku hi Lo-Ami,* hakuva n’wina a mu vanhu va mina, minawu ndzi nga tava wa n’wina.
10 “A ntsengo wa vana va ka Izrayeli wu ta fana ni tindzhoho ta misava ya bimbi, zvi nga kotekiko ku yi pimiwa kutani ku hlayiwa.+ Lomu va nga byelilwe ku: ‘A mu vanhu va mina’,+ va ta byeliwa ku: ‘Vana va Nungungulu a hanyako.’+
11 A vanhu va ka Judha ni va ka Izrayeli va ta hlengeletiwa vava ni kuzwanana+ niku va ta hlawula loyi a nga hloko yabye ha voce va huma ka tiko lego, hakuva a siku ga Jezreeli gi tava ga hombe.+
Mitlhamuselo ya lahasi
^ I vito gi komisilweko gaku Hoxaya, gi wulako ku: “I ponisilwe hi Jah; Jah i ponisile”.
^ Zvi wulako ku: “Nungungulu i ta byala mbewu”.
^ Zvi wulako ku: “A nga kala ku mahelwa wuxinji”.
^ Zvi wulako ku: “A hi vanhu va mina”.
