Hoseya 10:1-15
10 “Izrayeli i vhina* wu gohekileko,* lowu wu pswalako mihandzu.+
Laha a pswalako mihandzu yo tala, i engetela a maalati yakwe kambe;+Laha a tiko gakwe gi pfunako nguvhu, a mapilari yakwe yo basa* ma engetela ku saseka.+
2 A mbilu yabye ya kanganyisa;Zvezvi va ta koneka.
A wokari i ta khungumula a maalati yabye a tlhela a lovisa a mapilari yabye yo basa.*
3 Makunu va taku: ‘Hina a hi na hosi,+ hakuva a hi chavangi Jehovha.
Kona a hosi yi wa ta hi mahela yini ke?’
4 Va wulawula magezu ya hava, va hlambanya mawunwa+ va tlhela va maha zvivhumelwano;Hikwalaho, a kulamula ku fana ni tisinya ta vhenene leti ti milako ka masimu ma rimilweko.+
5 A vahanyi va le Samariya va ta chava hi kota ya cifananiso ca role ca le Bhet-Avhene.+
A vanhu va ta ci rilela,A ku patsa ni vapristi va vanungungulu va matiko man’wani lava va nga tsakela a cifananiso leco ni kungangamela ka cona,Hakuva ci taya wukhumbini, kule navo.
6 Ci ta yisiwa Asiriya kota cinyikiwo ka hosi ya hombe.+
Efrayime i ta wisiwa tingana,Na Izrayeli i ta dhana hi kota ya wusungukati legi a gi landzeleko.+
7 Samariya ni hosi yakwe hakunene va ta lovisiwa*+A ku fana ni cidhavana ci tshovekileko ci nga le hehla ka mati.
8 A matshamu yo tlakuka ya Bhet-Avhene,+ ni ciwonho ca Izrayeli+ zvi ta fuvisiwa.+
A mimizwa ni mahlehlo ma ta kula maalatini yabye.+
A vanhu va ta byela zvitsunga, vaku: ‘Hi khubhunyeteni!’
Ni zvitsungana, vaku: ‘Wanani hehla ka hina!’+
9 Wena Izrayeli, u wonhile kusukela masikwini ya Gibheya.+
Kwaseyo va no simama ku wonha.
A yimpi a yi lovisangi hi kumbhelela a vana va kungalulami le Gibheya.
10 Vonawu ndzi ta va laya a cikhati leci ndzi to zvi lava.
A matiko ma ta hlengeletwa kasi ma va vhukelaLaha va to rwala a ndzhwalo wa zvigoho zvabye zva zvimbiri.*
11 Efrayime i wa hi cihon’wana ca kati ci gondzisilweko ku hula ci tlhela ci zvi randza;Hikwalaho, ndzi wa nga vekeli a kanga wa kurima nhan’wini yakwe yo saseka.
Zvezvi ndzi ta tsika munhu a khilela Efrayime.+
Judha i ta rima, Jakobe a fayetela marukwani.
12 Ti byaleleni mbewu hi kululama, mu tshovela lirandzo li nga mbheliko.
Ti rimeleni masimu+Na ka ha hi ni cikhati ca ku hlota Jehovha,+Kala ata a ta mu gondzisa hi kululama.+
13 Kanilezvi mu rimile kubiha,Mu tshovela a kungalulami;+Mu gile mihandzu ya kukhohlisa.Hakuva u tsumbile a ndlela ya wenaNi masochwa ya wena ya tsandza-vahlayi.
14 Ku ta vhuka gujeguje yo vhukela vanhu va wena;Wontlhe a madhoropa ya wena ma vhikelweko khwatsi ma ta hohlolwa,+A ku fana ni lezvi Xalmani a nga hohlolisa zvona a yindlu ya ka Arbheli,Sikwini ga yimpi laha a vamamani va nga kheheselwa ni vana vabye.
15 Hi lezvi u to mahelwa wena Bheteli+ hi kota ya kubiha ka wena ka hombe.
Na ga ha hi mixo, a hosi ya ka Izrayeli yi ta lovisiwa.”*+
Mitlhamuselo ya lahasi
^ A vhina i sinya leyi yi pswalako mauvha.
^ Zvi nga maha na zvi wula ku: “tlhumileko”.
^ Hi kukongoma: “va ta miyetiwa”.
^ Ku nga cikhati leci va to kuma tsayiselelo wabye a ku fana ni ku rwala kanga.
^ Hi kukongoma: “yi ta miyetiwa”.
