Hoseya 11:1-12
11 “A cikhati leci Izrayeli a nga hi jaha, ndzi no mu randza,+Niku ndzi no vitana n’wana wa mina hi le Gibhite.+
2 Laha va* nga kari va engetela ku vitaniwa,Va wo engetela ku tsawukana ni lava va nga va vitana.+
Va wa simama ku zvi mahela miphahlo a zvifananiso zva Bhaali+Ni ku zvi mahela miphahlo a zvifananiso zvi kehlilweko.+
3 Kanilezvi kuve mina ndzi nga mu gondzisa ku famba Efrayime,+ ndzi va wukarela mawokweni ya mina;+Hambulezvo, a va zvi tivangi ku ndzi va hanyisile.
4 Ndzi no simama ku va koka hi tingoti ta vanhu,* ni hi tingoti ta lirandzo;+Ndzi wa fana ni loyi a va rulileko kanga tinhan’wini tabye,Ndzi nyika a mun’we ni mun’wani wabye a zvakuga hi lirandzo.
5 Va nga ta ha tlhela tikweni ga Gibhite, kanilezvi Asiriya i tava hosi yabye,+Hakuva va alile ku wuya ka mina.+
6 A cipadha ci ta rendzelekela na ci vhukela madhoropa yakwe,+Ci tshoveletela zvikwinyaro zvakwe, ci va hihirita hi kota ya mano yabye.+
7 A vanhu va mina va bhejile ku nga tsumbeki ka mina.+
Hambu loku va vitaniwa ku ya hehla,* i hava a sukako.
8 Ndzi wa ta ku chokolela yini, wena Efrayime?+
Ndzi wa ta ku nyikelela yini, wena Izrayeli?
Ndzi wa ta ku mahela lezvi zvi nga mahelwa Adma hikuyini?
Ndzi wa ta ku tsikela yini u fana na Zebhoyime?+
Ndzi no cica maalakanyo,Zvalezvo ndzi sangula ku mu zwela nguvhu wusiwana.+
9 Ndzi nga ta humesa zanga ya mina yi vhurako.
Ndzi nga ta ha mu lovisa kambe Efrayime,+Hakuva ndzi Nungungulu, a ndzi munhu;Hi mina Loyi a Basileko cikari ka n’wina;Ndzi nga tata ndzi ta mu vhukela hi zanga.
10 Va ta landzela Jehovha, niku i ta bhonga a ku fana ni nghala;+A cikhati leci a to bhonga, a vana vakwe va tata hi kururumela hi le mupela-gambo.+
11 Va ta huma hi Gibhite na va rurumela a ku fana ni cinyanyani,Va ta fana ni cipomba laha va to huma hi le tikweni ga Asiriya;+Niku ndzi ta va maha va tshama tindlwini tabye”, ku wula Jehovha.+
12 “Efrayime i ndzi randzele hi mawunwa,Ni yindlu ya ka Izrayeli yi ndzi randzele hi kukanganyisa.+
Kanilezvi Judha i simama ku famba na Nungungulu,Niku wa tsumbeka ka Loyi a Basileko ku Hundza Vontlhe.”+
Mitlhamuselo ya lahasi
^ Ku nga vaphrofeti ni van’wani va nga rumelwe ku ya gondzisa Izrayeli.
^ Kutani: “tingoti ta kusasa”. Kuzvilava ku wuliwa a tingoti ti tirisiwako hi mupswali kasi ku gondzisa a n’wana wakwe a ku famba.
^ Ku nga ka wukhozeli gi tlakukileko.
