Hoseya 12:1-14
12 “Efrayime iga moya.
I hlongolisela a moya wa cikobani* siku gontlhe.
I engetela ku hemba ni tihanyi.
Va maha civhumelwano ni Asiriya+ va tlhela va yisa mafura le Gibhite.+
2 Jehovha i na ni mhaka ya ku kecara Judha;+I ta londza lezvaku Jakobe a ti hlamulela hi kuya hi tindlela takwe,A mu tlhelisela hi kuya ni mitiro yakwe.+
3 I khomile makabye wakwe hi cirendze na a ha hi lomu khwirini,+Niku i lwile na Nungungulu hi ntamu wakwe wontlhe.+
4 I no simama kulwa ni ngilozi a yi hlula.
I no rila ni ku khongotela lezvaku a mahelwa wuxinji.”+
I* no mu kuma le Bheteli niku hi kwaseyo Yena a nga wulawula kona na hina;+
5 Jehovha, a Nungungulu wa mabutho,+Jehovha i vito legi a alakanyiwako hi gona.*+
6 “Hikwalaho, tlhelela ka Nungungulu wa wena,+U kombisa lirandzo li nga mbheliko ni kululama,+Ni ku rindzela ka Nungungulu wa wena contlhe cikhati.
7 Kanilezvi lomu mandleni ya muxavisi, ku na ni zvikalo zva kukanganyisa;I randza ku kalavela.+
8 Efrayime i simama ku ti byela lezvi: ‘Hakunene ndzi ganyile;+Ndzi kumile titshomba.+
Ka ntiro wa mina wontlhe, va nga ta kuma cihoxo ne ciwonho.’
9 Kanilezvi hi mina Jehovha, a Nungungulu wa wena, kusukela tikweni ga Gibhite.+
Ndzi ta tlhela ndzi ku maha u hanya lomu matendeniA ku khwatsi hi masikwini ya cikhati ci yimisilweko.
10 Ndzi wulawulile ni vaphrofeti,+Ndzi andzisa a miwoniso yabye,Niku ndzi hlawutele mifananiso hi ku tirisa vaphrofeti.
11 Le Gileyadhe, ku na ni kukhohlisa*+ ni mawunwa.
Le Gilgali, va phahlela hi madhuna ya tihomu,+Ni maalati yabye me khwatsi tinhulu ta maribye masin’wini ma rimilweko.+
12 Jakobe i tsutsumile aya tikweni* ga Aramu;*+Izrayeli+ i tirele sati seyo,+A risa tiyivhu hi ku fela sati.+
13 Jehovha i wuyisile Izrayeli hi le Gibhite hi ku tirisa muphrofeti,+A tlhela a mu hlayisa hi ku tirisa muphrofeti.+
14 Efrayime i vhindlusile zanga yo tshisa;+A nandzu wakwe wa nkhata wu simama kakwe;A Hosi yakwe yi ta mu tlhelisela hi kota ya ciruko leci a ci tisileko.”+
Mitlhamuselo ya lahasi
^ Kutani: “mutsuwuka-gambo”.
^ Ku nga Nungungulu.
^ Kutani: “i vito gakwe ga cialakanyiso”.
^ Kutani: “zvilo zva wuloyi”.
^ Kutani: “Siriya”.
^ Hi kukongoma: “sin’wini”.
