Hoseya 14:1-9
14 “Tlhelela ka Jehovha, a Nungungulu wa wena, wena Izrayeli,+Hakuva u ti phinganyetile hi kota ya kugoha ka wena.
2 Tlhelelani ka Jehovha hi magezu lawa,Mu byeleni, muku: ‘Tsetselela a cigoho ca hina,+ u amukela zvazvinene,Hi ta ku dhumisa hi minomu ya hina+ a ku khwatsi hi lezvi ku mahiwako a miphahlo hi zvidhunana zva tihomu.
3 Asiriya a nga ta hi ponisa.+
Hi nga ta khilela mahaxi,+Ne hi nga ta ha wula ka ntiro wa mandla ya hina, hiku: “O Nungungulu wa hina!”Hakuva hi wena u mu mahelako wuxinji a n’wanana a nga hiko na papayi.’*+
4 Ndzi ta va hanyisa ka kungatsumbeki.+
Ndzi ta va randza hi kuzvirandza ka mina,+Hakuva a zanga ya mina yi sukile kakwe.+
5 Ndzi ta fana ni ndzhokati ka Izrayeli;I ta pfepfa a ku fana ni khon’waNiku i ta zima timitsu takwe a ku fana ni tisinya ta Lebhanoni.
6 A zvidhavana zvakwe zvi ta nava;A kungangamela kakwe ku ta fana ni loku ka olivha,Ni kunuhela kakwe ku ta fana ni ka Lebhanoni.
7 Va ta tlhela va tshama ndzhutini wakwe.
Va ta rima timbewu va hluka a ku fana ni vhina.*+
A nduma* yakwe yi ta fana ni vhinyo ya Lebhanoni.
8 Efrayime i taku: ‘Zvi ndzi vhuna yini a zvifananiso ke?’+
Ndzi ta mu hlamula ndzi tlhela ndzi mu hla-yisa.+
Ndzi ta fana ni junipero wa hombe.
A handzu wa n’wina wu tata hi ka mina.”
9 Himani a tivako? I wa zwisise a zvilo lezvi.
Himani a tlharihileko? I wa zvi tive.
Hakuva a tindlela ta Jehovha ti lulamile,+Ni vakululama va ta famba ka tona,Kanilezvi a vahambunyeti va nayo va ta khunguvanyeka ka tona.
Mitlhamuselo ya lahasi
^ Kutani: “a felweko hi vapswali”.
^ A vhina i sinya leyi yi pswalako mauvha.
^ Hi kukongoma: “cialakanyiso”.
