Hoseya 2:1-23
2 “Byelani vamakabye va n’wina va cinuna, muku: ‘Vanhu va mina!’*+
Ni vamakabye va n’wina va cisati, muku: ‘Wena wasati u mahelweko wuxinji!’*+
2 Kecarani a mamani wa n’wina; mu kecareniHakuva a hi sati wa mina,+ minawu a ndzi nuna wakwe.
I wa suse wubhayi gakwe giya kule nayeNi wubhayi gakwe cikari ka mavele yakwe.
3 Loku a nga mahi lezvo, ndzi ta mu tlhatlhela tinguwo ava cimbyiri, a ku khwatsi hi ka siku legi a nga pswaliwa hi gona,Ndzi mu maha ciwula,Ndzi mu maha tiko ga cihala,*Ndzi tlhela ndzi mu daya hi tora.
4 Ndzi nga tava ni wuxinji ka vana vakwe,Hakuva i vana va wubhayi.
5 Hakuva a mamani wabye i mahile wubhayi.+
Loyi a nga va pswala i mahile zvilo zva tingana,+ hakuva i te:‘Ndzi ta landzela zvigango zva mina+Lezvi zvi ndzi nyikako a pawa ya mina ni mati ya mina,A tinguwo ta woya ni ta wukene,* a mafura ya mina ni zvakunwa zva mina.’
6 Hikwalaho, ndzi ta vhala a ndlela yakwe hi libhiyo la mimizwa,Niku ndzi ta tlakusa a muro wa maribye wu mu vhalela,Kasi a nga kumi tindlela takwe.
7 I ta hlongolisela a zvigango zvakwe, kanilezvi a nga ta zvi kuma;+I ta zvi lavetela, kanilezvi a nga ta zvi kuma.
I ta gumesa aku: ‘Ndzi ta tlhela ka nuna wa mina wo sangula,+Hakuva zvi wa hi chukwana ka mina ka cikhati leco a ku hundza zvezvi.’+
8 A nga zvi polangi a ku hi mina ndzi nga kari ndzi mu nyika a timbewu,+ ni vhinyo yiswa, ni mafura,Niku hi mina ndzi nga kari ndzi mu nyika a prata yo tala,Ni ouro, lezvi va nga kari va zvi tirisa wukhozelini ga Bhaali.+
9 ‘Hikwalaho, ndzi ta wuya ndzi ta teka timbewu ta mina hi cikhati ca kutshovela,Ni vhinyo ya mina ya yiswa hi nguva ya kona.+Ndzi ta wutla tinguwo ta mina ta woya ni ta wukene* leti ti nga kari ti fihla a wumbyiri gakwe.
10 Makunu ndzi ta funungula a zviro zvakwe zvo fihlala kuwoneni ka zvigango zvakwe,Niku a ku na munhu a to mu tlhatlhisa canjeni ga mina.+
11 Ndzi ta fuvisa a kutsaka kakwe kontlhe,Ni mibuzo yakwe,+ ni tihweti takwe ta tiswa, ni masabhadho yakwe, ni tontlhe tinguva takwe ta mibuzo.
12 Ndzi ta wonhetela a mivhina* yakwe ni mikuwu yakwe leyi a nga wula ha yona, aku:
“Lowu hi wona a muholo wa mina ndzi nyikilweko hi zvigango zva mina”;Ndzi ta yi maha khwati,Niku yi ta giwa hi zvihari zva khwati.
13 I ta ti hlamulela ka mina hi kota ya masiku lawa a nga maha miphahlo ka zvifananiso zva Bhaali,+Laha a nga kari a ti sasekisa hi tiphera takwe ni zvilo zva lisima, a landzela a zvigango zvakweA rivala mina’,+ ku wula Jehovha.
14 ‘Hikwalaho, ndzi ta mu maha a vhumela ku suka,Ndzi mu yisa ciwuleni,Niku ndzi ta wulawula mbilwini yakwe.
15 Kusukela ka cikhati leco, ndzi ta mu tlhelisela a civhina* cakwe.+Ndzi maha a Nkova wa Akora+ wuva nyangwa ya kutsumba;I ta ndzi hlamula na a hi seyo a ku fana ni masikwini ya wuswa gakwe,Ni ku fana ni siku legi a nga huma hi gona tikweni ga Gibhite.+
16 Ka siku lego’, ku wula Jehovha,‘U ta ndzi vitana ku: “Nuna wa mina”; u nga ta ha ndzi vitana ku: “Hosi ya mina”’.*
17 ‘Ndzi ta susa mavito ya zvifananiso zva Bhaali non’wini wakwe+Niku zvi nga ta ha alakanyiwa kambe hi mavito ya zvona.+
18 Ka siku lego, ndzi ta va mahela a civhumelwano ni zvihari zva khwati,+Ni zvinyanyani zva tilo, ni zvikokakoka* zva laha misaveni;+Ndzi ta tlhatlhisa a tiko ka wura, ni ka cipadha, ni ka yimpi,+Ndzi va maha va etlela* kuruleni.+
19 Ndzi ta ku teka u maha noivha ya mina kala kupindzuka;Ndzi ta ku teka u maha noivha ya mina hi kululama ni nongameto,Hi lirandzo li nga mbheliko ni wuxinji.+
20 Ndzi ta ku teka u maha noivha ya mina hi kutsumbeka;Niku hakunene u ta tiva Jehovha.’+
21 ‘Ka siku lego, ndzi ta hlamula’, ku wula Jehovha,‘Ndzi ta hlamula matilo,Wona ma hlamula misava;+
22 Ni misava yi ta hlamula timbewu, ni vhinyo yiswa, ni mafura;Zvona zvi hlamula Jezreeli.*+
23 Ndzi ta ti byalela yena laha misaveni a ku khwatsi i mbewu,+Ndzi mu mahela wuxinji loyi a nga kala ku mahelwa wuxinji;*Ndzi ta byela lava va nga hiko vanhu va mina,* ndziku: “Mu vanhu va mina”,+
Vona vaku: “U Nungungulu wa mina.”’”+
Mitlhamuselo ya lahasi
^ Kutani: “go woma; go kala mati”.
^ Kutani: “linho”.
^ Kutani: “linho”.
^ A mivhina tisinya leti ti pswalako mauvha.
^ A civhina i simu ga tisinya leti ti pswalako mauvha.
^ Kutani: “Bhaali wa mina”.
^ Kutani: “hanya”.
^ Kutani: “zviharana zvo famba hi khwiri”.
^ Zvi wulako ku: “Nungungulu i ta byala mbewu”.
