Hoseya 5:1-15
-
Kulamula ku to tela Efrayime na Judha (1-15)
5 “Zwanani lezvi, n’wina vapristi,+Chelani kota, n’wina va yindlu ya ka Izrayeli,Ingiselani, n’wina va yindlu ya hosi,Hakuva a kulamula kuta ka n’wina,Hi lezvi mu nga ntlhamu ka MizpaNi likoka* li andlalilweko hehla ka Tabhora.+
2 Lava va zvitlula-milayo va zvi randza nguvhu* ku daya,Niku ndza va tlharihisa* vontlhe.
3 Efrayime ndza mu tiva,Na Izrayeli a nga ndzi fihlalelangi.
Makunu wena Efrayime, u mahile wubhemba;*Izrayeli i ti nyenyezisile.+
4 A mitiro yabye a yi va vhumeleli ku tlhelela ka Nungungulu wabye,Hakuva ku na ni moya wa wubhemba cikari kabye;+Niku a va mu tivi Jehovha.
5 A matshandza ya Izrayeli ma nyika wukustumunyu go mu vhukela;+Izrayeli na Efrayime va ti phinganyetile ciwonhweni cabye,Na Judha i ti phinganyetile zvin’we navo.+
6 Va fambile va hlota Jehovha na va hi ni mitlhambi yabye ya tiyivhu ni ya tihomu,Kanilezvi a va mu kumangi.
I wa sukile cikari kabye.+
7 A va tsumbekangi ka Jehovha,+Hakuva vave vapapayi va vana va man’wani matiko.
Zvezvi a hweti yi ta va khadamula* ni zvilo* zvabye.
8 Banani linanga*+ le Gibheya, ni mpundzu le Rama!+
Banani tinyandha ta yimpi le Bhet-Avhene+ — le ndzhako ka wena Bhenjamini!
9 Wena Efrayime, u tava nchumu wo tshisa hi siku legi u to tsayisiwa hi gona.+
Ndzi tivisile lezvi hakunene zvi to humelela cikari ka tixaka ta ka Izrayeli.
10 A tihosana ta ka Judha ti fana ni lava va rurisako mbhingano.+
Ndzi ta chulula a zanga ya mina hehla ka tona a ku fana ni mati.
11 Efrayime wa xanisiwa, wa gandliwa hi kulamula,Hakuva i wa ti yimisele ku landzela a nala wakwe.+
12 Hikwalaho, ndzi wa ku khwatsi ndzi muhlwa ka EfrayimeNi ku khwatsi ndzi kubola ka yindlu ya ka Judha.
13 Laha Efrayime a nga wona a mababyi yakwe, Judha a wona a cilondza cakwe,Efrayime i noya Asiriya,+ a rumela zvirun’wa ka hosi ya hombe.*
Kanilezvi a yi zvi kotangi ku mu hanyisa,Ne a yi zvi kotangi ku tira cilondza ca n’wina.
14 Hakuva ndzi ta ku khwatsi ndzi cinghalana ka Efrayime,Ni ku khwatsi i nghala ya ntamu* ka yindlu ya ka Judha.
Ndzi ta va handzulela ndzi ti fambela;+Ndzi ta va teka, niku i hava a to va tlhatlhisa.+
15 Ndzi ta tlhela wutshan’wini ga mina kala va xaniseka hi kota ya minandzu yabye,Andzhako ka lezvo, va ta hlota a nghohe ya mina.+
A cikhati leci va to ngha va hi kukaratekeni, va ta ndzi lavetela.”+
Mitlhamuselo ya lahasi
^ Kutani: “juya”.
^ Kutani: “va pelile hi hloko ka”.
^ Kutani: “ndzi ta va laya”.
^ Kutani: “wubhejwa”.
^ Kutani: “masimu”.
^ Zvi nga maha na zvi wula ku: “Ndzeni ka hweti yin’we va ta khadamuliwa”.
^ Kutani: “khombela”.
^ Kutani: “ka hosi Jarebha”.
^ Kutani: “cinghalana ca malevhu”.
