Hoseya 7:1-16
7 “A cikhati ndzi zamako ku hanyisa Izrayeli,A cigoho ca Efrayime conawu ci woneka kubaseni,+Ni kubiha ka Samariya.+
Hakuva va tira kukhohlisa;+A makhamba ma nghena tindlwini, ni mitlawa ya vaphangi yi dhumela hi le handle.+
2 Kanilezvi a zviti timbilwini tabye lezvaku ndzi ta alakanya a kubiha kabye kontlhe.+
A mitiro yabye yi va randzele;Yi kwalaha mahlweni ka nghohe ya mina.
3 Va tsakisa a hosi hi kubiha kabye,Ni tihosana hi kukanganyisa kabye.
4 Vontlhe zvibhayi,Va vhura a ku fana ni forno yi dzivelweko hi muwoci wa tipawa,Loyi a nyimako ku hlanganyeta ndzilo andzhako ka loku a vhuvile mapa ma kala ma kukumuka.
5 Hi siku ga hosi ya hina, a tihosana ti no babyaTi zangarile hi kota ya vhinyo.+
Yona yi nawulutile a canja ka vatseketseli.
6 Hakuva va tshinela a timbilu tabye na ti vhurisa ku khwatsi i forno.*
A muwoci wa tipawa i etlela a wusiku gontlhe;Ni mixo a forno yi hisa a ku khwatsi i langavi ga ndzilo.
7 Vontlhe va hisa a ku khwatsi i forno,Niku va khadamula a valamuli* vabye.
Tontlhe a tihosi tabye ti wile;+A nga kona ni mun’we wabye a ndzi vitanako.+
8 Efrayime i ti tlhanganisa ni matiko.+
Efrayime i fana ni bholu ya redhonda yi nga kala ku hundzulusiwa.
9 A vamatiko va mu mbhetile ntamu,+ kanilezvi a nga zvi tivi.
Ni wuvhu gakwe gi mahile go basa, kanilezvi a nga zvi poli.
10 A matshandza ya Izrayeli ma nyika wukustumunyu go mu vhukela,+Kanilezvi a va tlhelelangi ka Jehovha, a Nungungulu wabye,+Ne a va mu lavetelangi hambu lezvi va humelelweko hi zvontlhe lezvi.
11 Efrayime i fana ni cipomba co matha, ci nga hava kupima.+
Va vitana Gibhite,+ vaya Asiriya.+
12 Ni kwihi va toya kona, ndzi ta andlala likoka* la mina hehla kabye.
Ndzi ta va wisa a ku fana ni zvinyanyani zva tilo.
Ndzi ta va laya hi kuya hi zvitlharihiso lezvi zvi nyikilweko a hlengeletano yabye.+
13 Khombo ka vona, hakuva va ndzi tsutsumile!
Va wa loviswe, hakuva va ndzi wonhele!
Ndzi wa longile ku va tlhatlhisa, kanilezvi va wulawulile mawunwa xungetano hi mina.+
14 Va kombele ku ndzi va vhuna na zvi nga sukeli timbilwini tabye,+Hambu lezvi va nga simama ku rila mibhedhini yabye.
Va ti tsemelele na va kombela timbewu ni vhinyo yiswa;Va ndzi fularele.
15 Hambu lezvi ndzi va kawukileko ndzi tlhela ndzi tiyisa mawoko yabye,Va ndzi vhukela, va tlhela va xuxa cikungo ca kubiha.
16 Va tlhelile, kanilezvi a va tlhelelangi ka nchumu wu tlakukileko;*Va wa nga tsumbeki, a ku khwatsi i wura gi dzesekileko lisinga.+
A tihosana tabye ti ta dawa hi cipadha hi kota ya lezvi a tirimi ta tona ti wulawulako magezu ya tingana.
Hi zvalezvi zvi to maha ku vava cihlekiso tikweni ga Gibhite.”+
Mitlhamuselo ya lahasi
^ Zvi nga maha na zvi wula ku: “Hakuva a timbilu tabye ti fana ni forno laha va tshinelako ni mano yabye”.
^ Kutani: “vafumeli”.
^ Kutani: “juya”.
^ Ku nga lezvaku a va tlhelelangi ka wukhozeli gi tlakukileko.
