Isaya 1:1-31
1 A muwoniso wa Isaya,*+ a n’wana wa Amozi, lowu a wu wonileko xungetano hi Judha ni Jerusalema masikwini ya Uziya,+ na Jothamu,+ na Ahaza,+ na Hezekiya,+ a tihosi ta ka Judha:+
2 Zwanani, n’wina matilo, u demba ndleve, wena misava,+Hakuva Jehovha i wulawulile:
“Ndzi wundlile vana, ndzi va kulisa,+Kanilezvi vona va ndzi hluwukele.+
3 A homu ya mu tiva khwatsi a n’winyi wa yona,Ni mbongola ya ci tiva khwatsi a cigowolo ca n’winyi wa yona;Kanilezvi Izrayeli a nga ndzi tivi,*+A vanhu va mina a va na kuzwisisa.”
4 Khombo ka tiko ga kuwonha,+A vanhu va bindziwako hi cigoho,A pswalo wa vakubiha, a vana vo kanganyisa!
Va tsikile Jehovha;+Va kanyisile Loyi a Basileko wa Izrayeli,Va mu fularela.
5 Ma ha ta biwa kwihi lezvi mu engetelako ku hluwuka?+
A hloko yontlhe ya babya,Ni mbilu yontlhe ya fevera.+
6 Kusukela cipameni ca nkondzo kala hlokweni, a ku na wutshamu gi hanyako khwatsi.
Ku na ni zvilondza, ni mafelangati, ni tiphanja— A zvi tiriwangi,* a zvi bhandichiwangi, ne a zvi totiwangi mafura.+
7 A tiko ga n’wina ciwula.
A madhoropa ya n’wina ma swile hi ndzilo.
A valuveli va khadamula a tiko ga n’wina mahlweni ka n’wina.+
Gi fana ni tiko gi hahlulilweko hi valala gi sala gi hi ciwula.+
8 A nhanyana wa Ziyoni i sele a ku khwatsi i chacha lomu civhineni,*A ku khwatsi cibarakana lomu sin’wini ga pepino,A ku khwatsi i dhoropa gi randzelweko.+
9 Loku Jehovha wa mabutho i wa nga hi siyelangi vanhu va tsongwani va ku pona,Na hi fanile ni Sodhoma,Hi tlhela hi fana na Gomora.+
10 Zwanani a mhaka ya Jehovha, n’wina vafumeli va Sodhoma.+
Dembani ndleve ka nayo wa* Nungungulu wa hina, n’wina vanhu va Gomora.+
11 “Yi ndzi vhuna yini a miphahlo ya n’wina yo tala ke?”,+ ku wula Jehovha.
“Ndzi kolwe hi minyikelo ya n’wina ya kuhiswa ya tiyivhu,+ ni mafura ya zvihari zvo nona,+Ne a ndzi tsakisiwi hi nkhata+ wa zvidhunana,+ ni tiyivhu, ni timbuti.+
12 Laha mu tako mahlweni ka mina,+Himani a mu kombeleko lezvo,A ku kandzihetela a mitsendzele* ya mina ke?+
13 Mu nga ha ndzi neheli kambe a minyikelo ya tindzhoho yi nga vhuniko nchumu.
A libani la n’wina la ndzi nyenyeza.+
A tihweti tiswa,+ ni masabhadho,+ ni migotsovanyano+— Ndzi nga ta timisela a kutiriswa ka ntamu wa masalamuso+ lomu mitlhanganweni ya n’wina yo basa.
14 Ndza* venga a tihweti ta n’wina ta tiswa ni mibuzo ya n’wina.
Zva ndzi bindza;Ndzi karele hi ku zvi rwala.
15 Niku laha mu tlakusako a mandla ya n’wina,Ndzo ti vhala matihlo.+
Hambu lezvi mu mahako mikhongelo yo tala,+A ndzi yi ingiseli;+A mandla ya n’wina ma tele hi nkhata.+
16 Hlambani, mu ti basisa;+Susani a mitiro ya n’wina yo biha mahlweni ka mina;Tsikani ku maha zvakubiha.+
17 Gondzani a ku maha zvazvinene, mu hlota kululama.+Kawukani a muxanisi,Mu yimela a tifanelo ta n’wanana a nga hava papayi,*Ni ku lwela a mhaka ya noni.”*+
18 “Tanani hi ta lulamisa timhaka cikari ka hina”, ku wula Jehovha.+
“Hambu loku a zviwonho zva n’wina zvi pswhukile,Zvi ta basa zvi fana ni gapongo;+Hambu loku zvi pswhukisile kuzvirila,Zvi ta ku khwatsi i woya go basa.
19 Loku mu vhumela ku ingisa,Mu taga zvilo zva zvinene zva tiko.+
20 Kanilezvi loku mu ala mu tlhela mu hluwuka,Mu ta lovisiwa hi cipadha,+Hakuva a nomu wa Jehovha wu wulile lezvo.”
21 A dhoropa go tsumbeka+ gi cicisile kuyini gi maha cibhayi!+
Gi wa tele hi nongameto;+A kululama ku wa akile ka gona,+Kanilezvi zvezvi vadayi va nga kona.+
22 A prata ya wena yi hundzukile yiva manyelo,*+Ni byala* ga wena gi jutilwe ni mati.
23 A tihosana ta wena ti na ni tinhamu to nonoha niku vanghana va makhamba.+
A mun’we ni mun’wani wabye i randza ku xavelelwa ni ku hlongolisela zvinyikiwo.+
A va mu maheli kululama loyi a nga hava papayi,*Ni mhaka ya noni* a yi tshuki yi chikela kabye.+
24 Hikwalaho, a Hosi ya lisine, Jehovha wa mabutho,A Nyamintamu wa Izrayeli, i ngalo:
“Ndzi ta ti tlhatlha ka lava va ndzi vhukelako,Ndzi ti photela ka valala va mina.+
25 Ndzi ta ku tlakusela a canja ga mina,Ndzi ta ku hluta a manyelo* ya wena wontlhe,Ndzi tlhela ndzi susa a kungahlazveki ka wena kontlhe.+
26 Ndzi ta wuyisa a valamuli va wena a ku khwatsi hi kusanguleniNi masungukati ya wena a ku khwatsi hi kusanguleni.+
Andzhako ka lezvo, u ta vitaniwa ku Dhoropa ga Kululama, a Dhoropa ga Kutsumbeka.+
27 Ziyoni i ta tlhatlhisiwa hi nongameto,+Ni vanhu vakwe lava va wuyako va ta tlhatlhisiwa hi kululama.
28 A vahluwuki ni vawonhi va ta lovisiwa zvin’we,+Ni lava va tsikako Jehovha va ta lova.+
29 Hakuva va tawa tingana hi tisinya ta ntamu leti mu ti naveleko,+Niku mu ta dhanisiwa hi kota ya tijardhim* leti mu nga ti hlawula.+
30 Hakuva mu ta fana ni sinya ya hombe leyi a matluka ya yona ma wunako,+Mu ku khwatsi mu jardhim yo kala mati.
31 A nhenha yi ta fana ni byanyi go woma,Ni ntiro wa yona wu ta fana ni lihlahle;Hi wumbiri ga zvona zvi taswa zvin’we,I hava a to zvi timela.”
Mitlhamuselo ya lahasi
^ Zvi wulako ku: “Kuhanyisa ka Jehovha”.
^ Kutani: “a nga mu tivi a n’winyi wakwe”.
^ Hi kukongoma: “A zvi kamiwangi”.
^ A civhina i simu ga tisinya leti ti pswalako mauvha.
^ Kutani: “ka gondziselelo ya”.
^ Kutani: “pátios”.
^ Kutani: “A muhefemulo wa mina wa”.
^ Kutani: “wasati wo felwa hi nuna”.
^ Kutani: “a felweko hi vapswali”.
^ A manyelo i chaka legi gi humako loku ku nyekisiwa simbi.
^ Kutani: “byala go mahiwa hi trigo”.
^ Kutani: “a felweko hi vapswali”.
^ Kutani: “wasati wo felwa hi nuna”.
^ A manyelo i chaka legi gi humako loku ku nyekisiwa simbi.
^ Zvi nga maha na ku hi tisinya ni tijardhim ti nga tirisiwa wukhozelini ga zvifananiso.