Isaya 10:1-34
10 Khombo ka lava va yimisako a milayo yo biha,+Lava va tshamako hi ku tsala zvileletelo zvo xanisa van’wani,
2 Kasi ku ala a mhaka ya cisiwana,Ni ku va alela kululama a vanhu va nyalidede va nga cikari ka vanhu va mina,+Va teka titshomba ta tinoni*Ni ku phanga a vana vo kala vapapayi!*+
3 Mu ta kuyini sikwini ga kutsayisiwa,+A cikhati leci a kuloviswa ku tota hi le kule ke?+
Mu ta tsutsumela ka mani kasi a ya mu vhuna,+Kona mu ta ti veka kwihi a titshomba* ta n’wina?
4 A ku na cin’wani mu to maha ahandle ka ku khizama cikari ka zvibochwaKutani kuwa cikari ka zvirumbi.
Hi kota ya zvontlhe lezvo, a zanga yakwe a yi bohlangi,Kanilezvi wa ha nawulutile a canja gakwe kasi kuba.+
5 “Ehe! A muAsiriya,+A limhika la ku phofula a zanga ya mina,+Ni nhonga yi nga canjeni gakwe kasi ku phofula a khulo ga mina!
6 Ndzi ta mu ruma a ya vhukela tiko ga vadhuki,*+A ya vhukela vanhu va nga ndzi zangarisa;Ndzi ta mu laya lezvaku a teka a titshomba to tala ni muphango wo talaA tlhela a va kandzihetela a ku khwatsi madhaka lomu maruweni.+
7 Kanilezvi yena a nga ta xuva lezvo,Ni mbilu yakwe yi nga ta luka lezvo;Hakuva a mbilu yakwe yi lava ku hihirita,Ni ku lovisa a matiko yo tala, na ku nga hi ya ma tsongwani.
8 Hakuva i ngalo:‘A tihosana ta mina tontlhe a hi tihosi ke?+
9 Kalno+ a nga fani na Karxemixe ke?+
Hamate+ a nga fani na Arpadhe ke?+
Samariya+ a nga fani na Dhamasku ke?+
10 A canja ga mina gi tekile a mifumo ya vanungungulu va nga vhuniko nchumu,Leyi a zvifananiso zva yona zvo kehliwa zvi nga tele nguvhu a ku hundza zva Jerusalema ni Samariya!+
11 Ndzi nga ta mahawu ka Jerusalema ni zvifananiso zvakweZvalezvi ndzi nga maha ka Samariya ni ka vanungungulu vakwe va nga vhuniko nchumu ke?’+
12 “A cikhati leci Jehovha a to mbheta a ntiro wakwe wontlhe Citsungeni ca Ziyoni ni le Jerusalema, I* ta tsayisa a hosi ya Asiriya hi kota ya kutikukumukisa ka mbilu yakwe, ni matshandza ni kutikulisa ka matihlo yakwe.+
13 Hakuva i ngalo:‘Ndzi ta zvi maha hi ntamu wa canja ga minaNi wutlhari ga mina, hakuva ndzi tlharihile.
Ndzi ta susa a mimbhingano ya matiko+Ndzi wutla a titshomba tabye,+Ndzi fumela a vaaki va kona a ku fana ni nhenha.+
14 A ku fana ni munhu a tekako a cisaka,A canja ga mina gi ta teka a titshomba ta matiko;A ku fana ni munhu a wungeletelako a matandza ma tsikilweko,Ndzi ta wungeletela a misava yontlhe!
I hava a to tlakusa a tipapa takwe kutani ku vhula nomu wakwe, ne hambu ku keta.’”
15 A chapo gi nga ti kulisa hehla ka loyi a tsemako hi gona ke?
Ni saho gi nga ti kulisa hehla ka loyi a sahako hi gona ke?
A nhonga+ yi nga juja loyi a yi tlakusako ke?
Ni mugomba wu nga tlakusa loyi a nga kala ku mahiwa hi sinya ke?
16 Hikwalaho, a Hosi ya lisine, Jehovha wa mabutho,I ta mu wondzisela a vanhu vakwe vo kuluka,+A lumekela ndzilo wu vhura lahasi ka kungangamela kakwe.+
17 A Kuwonekela ka Izrayeli+ ku tava ndzilo,+Ni Loyi a Basileko wakwe i tava langavi;Wu ta vhura wu hisa a nyasavari wakwe* ni makhuho yakwe ya mimizwa hi siku gin’we.
18 I ta fuvisa hi kumbhelela* a kungangamela ka khwati gakwe ni simu gakwe ga tisinya ta mihandzu;Zvi ta ku khwatsi hi loku a mubabyi a mbhela.+
19 A tisinya leti ti to sala lomu khwatini gakweTi tava ti tsongwani nguvhu laha ka kuza ti hlayiwa hi cifanyana.
20 Ka siku lego, lava va to sala lomu IzrayeliNi lava va to pona va yindlu ya JakobeVa nga ta ha ti seketela ka loyi a nga kari a vaba,+Kanilezvi va ta ti seketela hi Jehovha,Loyi a Basileko wa Izrayeli, na va tsumbeka.
21 Misalela basi yi to tlhela,A misalela ya Jakobe, ka Nungungulu wa Ntamu.+
22 Hakuva, hambu lezvi a vanhu va wena Izrayeli,Va nge khwatsi tindzhoho ta misava ya bimbi,Misalela yabye basi yi to tlhela.+
Ku bohilwe lezvaku kuva ni kuloviswa;+Ni nongameto* wu ta va mita.+
23 Ina, a kulovisa loku ku bohilweko hi Hosi ya Hombe, Jehovha wa mabutho,Ku ta mahiwa tikweni gontlhe.+
24 Hikwalaho, a Hosi ya Hombe, Jehovha wa mabutho, i ngalo: “Mu nga chavi, n’wina vanhu va mina mu tshamako le Ziyoni, hi kota ya muAsiriya loyi a nga tshamela ku muba hi limhika+ ni ku mu tlakusela nhonga a ku khwatsi hi lezvi Gibhite a nga maha.+
25 Hakuva ndzeni ka cikhatanyana, a khulo gi ta mbhela, ni zanga ya mina yi ta va vhindlukela va lova.+
26 Jehovha wa mabutho i ta muba hi musephu,+ a ku khwatsi hi cikhati leci a nga hlula vaMidhiyani, le ribyeni ga Orebhi.+ A nhonga yakwe yi tava hehla ka bimbi, a yi tlakusa a ku khwatsi hi lezvi a mahileko ka Gibhite.+
27 Ka siku lego, a ndzhwalo wakwe wu ta susiwa makatleni ya wena,+Ni kanga wakwe wu ta susiwa nhan’wini ya wena;+A kanga wu ta tshoviwa+ hi kota ya mafura.”
28 I chikele le Ayate;+I tsemakanyile hi Migrone,A veka zvijumba zvakwe le Mikmaxe.+
29 Va tlhatukile a congo,Va etlela le Gebha;+Rama wa rurumela, niku Gibheya+ wa Sawule i tsutsumile.+
30 Rila uba tinyandha, wena nhanyana wa Galima!
Demba ndleve, wena Layixa!
A wusiwana ga wena Anatote!+
31 Madmena i tsutsumile.
A vaaki va Gebhima va lavetele a wuchavelo.
32 Ka siku galegi i ta nyima le Nobhe.+
I ci kangametela a cibhakela a citsunga ca nhanyana wa Ziyoni,A citsunga ca Jerusalema.
33 Hi nga wonani! A Hosi ya lisine, Jehovha wa mabutho,I tsema a madhavi ma vanga guwa go tshisa;+A tisinya to leha nguvhu ta kingelwa,Ni leti to tlakuka ta koramiswa.
34 I hahlulela a khwati go khwela hi chapo,*Ni Lebhanoni i ta wisiwa hi nhenha.
Mitlhamuselo ya lahasi
^ Kutani: “vavasati vo felwa hi vanuna”.
^ Kutani: “va felweko hi vapswali”.
^ Kutani: “kungangamela”.
^ A vadhuki hi lava va fularelako ni ku vhukela a wukhozeli ga lisine.
^ Hi kukongoma: “Ndzi”.
^ Ku nga muAsiriya loyi a wuliwako ka vs. 5 ni 24.
^ Kutani: “kusukela muhefemulweni kala nyameni”.
^ Kutani: “kutsayisa”.
^ Kutani: “hi ciketse”.
