Isaya 11:1-16
11 Ku ta hluka cidhavana+ laha ka cibho ca Jese,+Niku lomu ka timitsu takwe ku ta mila hluke+ gi pswala mihandzu.
2 A moya wa Jehovha wu tava hehla kakwe,+A moya wa wutlhari+ ni wa kuzwisisa,A moya wa wusungukati ni wa ntamu,+A moya wa kutiva ni wa kuchava Jehovha.
3 I ta tsakisiwa hi kuchava Jehovha.+
A nga ta lamula hi lezvi a matihlo yakwe ma zvi wonako,Ne hambu ku kawuka hi lezvi a zvi zwako hi tindleve takwe.+
4 I ta lamula zvisiwana hi kululama;Ni ku kawuka hi nongameto kasi ku vhuna a vanhu vo rula laha misaveni.
I taba misava hi nhonga ya nomu wakwe,+A daya a vakubiha hi kuhefemula* ka minomu yakwe.+
5 A kululama ku tava libhandi ciwunwini cakwe,Ni kutsumbeka ku tava libhandi tinyongeni takwe.+
6 A hlolwa gi ta tshama* zvin’we ni yivhana,+Ni yingwe yi ta etlela zvin’we ni cimbutana.A cihon’wana, ni nghala* ni cihari ci nonileko zvi ta tshama zvin’we,*+Zvi risiwa hi cifanyana.
7 A pswele ga homu gi taga zvin’we ni ga urso,Niku a vana va zvona va ta etlela zvin’we.
A nghala yi taga byanyi a ku khwatsi i homu.+
8 A cin’wanana ca ha an’wako ci ta hlakanela nkeleni wa vhuwumati,Ni cin’wanana ci lumulilweko ci ta nghenisa a canja ga cona lomu nkeleni wa nyoka ya wuxungu.
9 Ku nga ta gohiwa nchumu+Ne hambu ku wonhiwa nchumu citsungeni contlhe ca mina co basa,+Hakuva a kutiva Jehovha ku tava ku enetile a misava,A ku fana ni lezvi a mati ma fenengetileko a bimbi.+
10 Ka siku lego, a mutsu wa Jese+ wu ta yima kota sinya ya cikombiso ka matiko.+
A matiko ma tata kakwe ma ta lava ku rangelwa,*+Niku a wutshamu gakwe ga ku humulela kona gi ta ngangamela.
11 Ka siku lego, Jehovha i ta nawuluta a canja gakwe kambe, hi khati ga wumbiri, a tlhatlhisa a misalela ya vanhu vakwe lava va seleko le Asiriya,+ ni le Gibhite,+ ni le Patrosi,+ ni le Kuxe,+ ni le Elami,+ ni le Xinari,* ni le Hamate, ni le zvihlaleni* zva bimbi.+
12 I ta ma yimisela a sinya ya cikombiso a matiko, a hlengeletela vaIzrayeli lava va hlongolilweko,+ ni ku tlhanganisa a va ka Judha lava va hangalakileko ka mune wa makhona ya misava.+
13 A ciluse ca Efrayime ci ta nyamalala,+Ni lava va vengako Judha va ta lovisiwa.
Efrayime a nga ta lusela Judha,Hambu Judha a nga ta venga Efrayime.+
14 Va ta purumela makatleni ya vaFilistiya le mupela-gambo;Va ta va phanga zvin’we a vanhu va le mutsuwuka-gambo.
Va ta nawuluta a canja gabye* hehla ka Edhomi+ na Mowabhi,+Va tlhela va fumela a vaAmoni.+
15 Jehovha i ta avanyisa* a yipswha ya* bimbi ga Gibhite+A tlakusa a canja gakwe hehla ka Congo.*+
I taba a minonga ya wona ya 7* hi moya wakwe wo hisa,Niku i ta tlhatukisa vanhu na va bohile masandalia yabye.
16 Ku tava ni ruwa+ gi sukelako Asiriya ga misalela ya vanhu vakwe lava va seleko,+A ku fana ni lezvi ku nga hi ni ruwa ga vaIzrayeli a siku legi va nga huma hi le tikweni ga Gibhite.
Mitlhamuselo ya lahasi
^ Kutani: “moya”.
^ Kutani: “gi ta tshama cikhati co kari”.
^ Kutani: “cinghalana ca malevhu”.
^ Zvi nga maha na zvi wula ku: “A cihon’wana ni nghala zvi taga zvin’we”.
^ Kutani: “A matiko ma ta mu hlota”.
^ Ku nga Bhabhuloni.
^ Kutani: “ilhas; zvilundzweni”.
^ Kutani: “va ta andzisa ntamu wabye”.
^ Zvi nga maha na zvi wula ku: “i ta pswhisa”.
^ Hi kukongoma: “a lirimi la”.
^ Ku nga Congo wa Eufrate.
^ Zvi nga maha na zvi wula ku: “I ta wu pandza wu humesa a 7 wa minonga”.