Isaya 16:1-14
-
Ciphrofeto ca ku vhukela Mowabhi ci simama (1-14)
16 Rumelani yivhu ka hosi ya tiko,Kusukela Sela yi famba hi ciwulaKala citsungeni ca nhanyana wa Ziyoni.
2 A ku khwatsi zvinyanyani zvi hlongolilweko cisakeni ca zvona,+A vanhanyana va Mowabhi va ta tshamisa zvezvo lomu mitlhatukweni ya Arnoni.+
3 “Nyikani wusungukati, mahani lezvi zvi bohilweko.
Maha ndzhuti wa wena wu ku khwatsi wusiku laha hlikanhini.
Fihla lava va hangalakileko, u nga tokometi lava va tsutsumako.
4 A vanhu va mina va hangalakileko va wa tshame ka wena Mowabhi.
Ngha uva wutumbelo gabye hi kota ya mulovisi.+
A muxanisi i ta gumelwa,A kulovisa ku ta gumesa,Ni lava va kandzihetelako van’wani va ta lova laha misaveni.
5 Andzhako ka lezvo, a citshamu ca wuhosi ci ta yimisiwa ci tiya hi lirandzo li nga mbheliko.
Loyi a to tshama ka cona lomu tendeni ga Dhavhidha i ta tsumbeka;+I ta lamula hi nongameto, a hatlisa a maha kululama.”+
6 Hi zwile xungetano hi matshandza ya Mowabhi — wa ti kukumukisa nguvhu+ —Ni kutikulisa kakwe, ni matshandza yakwe, ni zanga yakwe;+Kanilezvi a zviwulawula zvakwe zvi nga ta maheka.
7 Hikwalaho, Mowabhi i ta rilela Mowabhi;Vontlhe va ta rila.+
Lava va bilweko va ta rila hi kota ya tibholu* ta mauvha yo woma ya Kir-Haresete.+
8 Hakuva a masimu ya Hexbhoni+ ma womile,A vhina* wa Sibma.+A tihosi ta matiko ti kandzihetele a madhavi ya wona ma teleko hi mauvha yo pswhuka,*Lawa ma nga chikele ni le Jazera,+Ma nga navile lomu ciwuleni.
A zvidhavana zva wona zvi wa navile zvi chikela ni le bimbini.
9 Hikwalaho, ndzi ta rilela a vhina wa Sibma a ku khwatsi hi lezvi ndzi rilelako Jazera.
Ndzi ta ku tsakamisa hi mihloti ya mina wena Hexbhoni na Eleyale,+Hakuva a guwa ga litsako hi kota ya mihandzu ya wena ya cimumu ni tshovelo wa wena gi mbhelile.*
10 A kutsaka ni mikulungwani zvi fuvile lomu masin’wini ya tisinya ta mihandzu,Niku a ku na tisimu ta litsako ni mikulungwani lomu zvivhineni.*+
A vakami a va ha kameli vhinyo lomu zvigowolweni,Hakuva ndzi miyetile a mikulungwani.+
11 Hikwalaho, a mbilu ya mina ya rurumela hi kota ya Mowabhi+A ku khwatsi tingoti ta citende,Ni marumbu ya mina hi kota ya Kir-Haresete.+
12 Hambu loku Mowabhi a ti tsitsirita a khozela lomu matshan’wini yo tlakuka a tlhela a ya khongela lomu ka matshamu yakwe yo basa, zvi nga ta mu vhuna nchumu.+
13 Leyi i mhaka yi nga sina yi wulilwe hi Jehovha xungetano hi Mowabhi.
14 Makunu Jehovha i ngalo: “Ndzeni ka malembe manharu, a ku fana ni malembe ya mutiri a tholilweko,* a wudzundzo ga Mowabhi gi ta tsongahatiwa hi gujeguje ya tixaka tontlhe; lava va to sala va tava va tsongwani nguvhu, niku va nga ta siza nchumu.”+
Mitlhamuselo ya lahasi
^ Kutani: “zvikhekhetselo”.
^ Kutani: “madhavi yo pswhuka nguvhu”.
^ A vhina i sinya leyi yi pswalako mauvha.
^ Zvi nga maha na zvi wula ku: “Hakuva a guwa ga yimpi gi chikele hehla ka mihandzu ya wena ya cimunu ni ka tshovelo wa wena”.
^ A zvivhina masimu ya tisinya leti ti pswalako mauvha.
^ Kutani: “ma ta hlayelwa khwatsi a ku fana ni lezvi a citiri ci mahako”; ku nga malembe manharu yo tala.
