Isaya 18:1-7
-
Ciphrofeto ca ku vhukela Etiopia (1-7)
18 Khombo ka tiko ga guwa ga zviharana zva tipapaLegi gi nga tikweni ga micongo ya Etiopia!+
2 Gi rumela a zvirun’wa hi bimbi,Zvi tlhatuka mati hi zvitatara,* giku:
“Fambani n’wina zvirun’wa zvo hatlisa,Ka tiko ga vanhu vo leha va hlonge yo pswim,Ka vanhu va chaviwako matikweni wontlhe,+Ka tiko ga ntamu, gi hlulako,*Legi a misava ya kona yi kukuletwako hi micongo.”
3 N’wina n’wentlhe vaaki va tiko na n’wina vahanyi va misava,Leci mu to ci wona ci ta ku khwatsi i sinya ya cikombiso yi yimisilweko le zvitsungeni;Niku mu tazwa a guwa go khwatsi kubiwa ka linanga.*
4 Hakuva Jehovha i ndzi byelile, aku:
“Ndzi ta rula ndzi cuwuka a* wutshamu ga mina gi yimisilweko,A ku fana ni kuhisa ka gambo ni hlikanhi,Ni marefu ya ndzhokati hi cikhati ca kuhisa ca kutshovela.
5 Hakuva na ci nga se chikela a cikhati ca kutshovela,Laha a tsangi gi tlhatlhekileko, ni laha a mauvha ma buvhako,A zvidhavana zvi ta tsemelelwa hi masikela*Ni tingotana ta kona ti ta tsemiwa ti susiwa.
6 Vontlhe va ta nyikelwa ka zvinyanyani zvi hanyako hi nyama zva lomu zvitsungeni,Ni ka zvihari zva misava.
A zvinyanyani zvi hanyako hi nyama zvi ta vaga laha cimun’wini.Ni zvihari zvontlhe zva misava zvi ta vaga hi nguva ya kutshovela.
7 Ka cikhati leco, ku ta nehiwa cinyikiwo ka Jehovha wa mabuthoHi ka tiko ga vanhu vo leha va hlonge yo pswim,Hi ka vanhu va chaviwako matikweni wontlhe,Hi ka tiko ga ntamu, gi hlulako,*Legi a misava ya kona yi kukuletwako hi micongo,Ka wutshamu legi gi vitaniwako hi vito ga Jehovha wa mabutho, a Citsunga ca Ziyoni.”+
Mitlhamuselo ya lahasi
^ Kutani: “tingalava ta tihlanga”.
^ Kutani: “ga ntamu wa hombe, gi kandzihetelako”.
^ Kutani: “khombela”.
^ Zvi nga maha na zvi wula ku: “ndzi cuwuka na ndzi hi lomu ka”.
^ Kutani: “foices”.
^ Kutani: “ga ntamu wa hombe, gi kandzihetelako”.