Isaya 2:1-22
2 Lezvi hi lezvi Isaya, a n’wana wa Amozi, a zvi wonileko xungetano hi Judha ni Jerusalema:+
2 Masikwini yo gumesa,A citsunga ca yindlu ya JehovhaCi ta yimisiwa ci tiya le hehla ka madembele ya zvitsunga,+Niku ci ta tlakusiwa hehla ka zvitsungana;A matiko wontlhe ma ta khitikana maya kona.+
3 A matiko yo tala ma taya ma yaku:
“Tanani, a hi kandziheni hiya citsungeni ca Jehovha,A ndlwini ya Nungungulu wa Jakobe.+
I ta hi gondzisa a tindlela takwe;Hina hi ta famba tisokweni takwe.”+
Hakuva a nayo* wu ta huma hi le Ziyoni,Ni mhaka ya Jehovha yi ta huma hi le Jerusalema.+
4 I ta lamula cikari ka matiko,A tsema* timhaka ta mifumo yo tala.
Va ta betha zvipadha zvabye zvi maha zvikomuNi matlhari yabye ma maha masikela.*+
A ku na tiko gi to tlakusa a cipadha ca gona gi vhukela gin’wani tiko,Ne va nga ta ha gondza kambe a kulwa.+
5 Tana, wena yindlu ya Jakobe,Hi ta famba kuwonekeleni ka Jehovha.+
6 Hakuva u tsikile a vanhu va wena, a yindlu ya Jakobe,+Hi lezvi va teleko hi zvilo zva le Mutsuwuka-gambo;Va maha masalamuso+ a ku khwatsi vaFilistiya,Niku cikari kabye ku tele vana va valuveli.
7 A tiko gabye gi tele hi prata ni ouro,A titshomba tabye a ti mbheli.
A tiko gabye gi tele hi mahaxi,Ni tikareta tabye a ti mbheli.+
8 A tiko gabye gi tele hi vanungungulu va nga vhuniko nchumu.+
Va khizamela a ntiro wa mandla yabye wutsumbu,Lowu va wu mahileko hi titiho tabye.
9 Hikwalaho, a vanhu va ti chipisa, va koramiswa,Niku a zvi koteki ku u va tsetselela.
10 Nghena lomu ribyeni, u fihlala lomu ntshuriniHi kota ya kutshisa ka kuvakona ka JehovhaNi kungangamela ka wukulu gakwe.+
11 A matihlo ya loyi wa matshandza ma ta koramisiwa,Ni vanhu va ti kulisako va ta tsongahatiwa.
Hi Jehovha yece a to tlakusiwa ka siku lego.
12 Hakuva i siku ga Jehovha wa mabutho.+
Gi tela vontlhe lava va ti kulisako ni ku ti kukumukisa,Hehla ka vontlhe, lava va tlakukileko ni lava va nyalidede,+
13 Gita hehla ka misedhare yontlhe yo leha ni yo tlakuka ya Lebhanoni,Ni hehla ka mitule yontlhe ya Bhaxani,
14 Gita hehla ka zvitsunga zvontlhe zvo lehaNi hehla ka zvitsungana zvontlhe zvi tlakukileko,
15 Gita hehla ka tikhokhola* tontlhe to tlakuka ni ka mimuro yontlhe yi tiyisilweko,
16 Gita hehla ka zvitimela* zvontlhe zva Tarxixi+Ni hehla ka tingalava tontlhe to saseka.
17 A munhu wa matshandza i ta koramisiwa,Ni vanhu va ti kulisako va ta tsongahatiwa.
Hi Jehovha yece a to tlakusiwa ka siku lego.
18 A vanungungulu va nga vhuniko nchumu va ta fuviswa va ku bhi.+
19 A vanhu va ta nghena lomu mikovotlweni ya maribye,Ni lomu mikeleni ya lomu hasi+Hi kota ya kutshisa ka kuvakona ka Jehovha,Ni kungangamela ka wukulu gakwe,+A cikhati leci a sukako a rurumelisa misava hi kuchava.
20 Ka siku lego, a vanhu va ta teka a vanungungulu vabye va nga vhuniko nchumu va prata ni va ouro,Lava va nga ti mahela kasi va va khizamela,Va va hoxa ka makondlo ni ka makhoha,*+
21 Kasi va nghena lomu mikeleni ya maribye,Ni lomu mikovotlweni ya maribye,Hi kota ya kutshisa ka kuvakona ka JehovhaNi kungangamela ka wukulu gakwe,A cikhati leci a to suka a rurumelisa misava hi kuchava.
22 Kasi mu kateka, tsikani ku tsumba munhu,Loyi a nga kuhefemula ntsena tinhovhini takwe.*
A munhu i vhuna yini ke?
Mitlhamuselo ya lahasi
^ Kutani: “gondziselelo”.
^ Kutani: “lulameta; lulamisa”.
^ Kutani: “foices”.
^ Kutani: “torres”.
^ Kutani: “mapaketi; tinavhiyo”.
^ Kutani: “vamagagani”.
^ Kutani: “Loyi a kuhefemula kakwe ku nga lomu tinhovhini takwe”.
