Isaya 24:1-23
24 Hi nga wonani! Jehovha wa swiyela tiko,* a gi maha ciwula.+
Wa gi jimisa hi hloko,+ a hangalasa vaaki va gona.+
2 Ku ta maheka zvalezvi zva zvin’we ka vontlhe:
Ka vanhu ni mupristi;Ka nandza ni n’winyi wa gona;Ka nandza ga cisati ni n’winyi wa gona wa cisati;Ka muxavi ni muxavisi;Ka mupembisi ni mupembi;Ka loyi a dhevhiwako ni loyi a dhevhako.+
3 A tiko gi ta swiyelwa gi sala gi hi phanga;Gi ta phangiwa ku nga sali nchumu,+Hakuva Jehovha i wulile a mhaka leyo.
4 A tiko ga rila;*+ ga khanyana.
A misava ya wuna; ya n’walala.
A vanhu va nduma va tiko va wuna.
5 A tiko gi nyenyezisilwe hi vaaki va gona,+Hakuva va hambunyetile a milayo,+Va cica zvileletelo,+Va tshova civhumelwano ca pindzukelwa.*+
6 Hikwalaho, a ciruko ca hlasela tiko,+Ni vaaki va gona va nyikiwa nandzu.
Hi kota ya lezvo, a vaaki va tiko va hungulekile,Va tsongwani nguvhu va seleko.+
7 A vhinyo yiswa ya rila,* a vhina* wa wuna,+Niku vontlhe va tsakileko timbilwini tabye va keta.+
8 A litsako la mitandanda li mbhelile;A guwa ga lava va giyako gi gumesile,Ni wunanga go tsakisa ga citende gi mbhelile.+
9 Vanwa vhinyo na ku nga hi na tisimu,Ni byala ga bava ka lava va nwako.
10 A dhoropa gi tsikilweko gi hahlulilwe;+A tiyindlu tontlhe ti vhalilwe kasi ku nga ngheni munhu.
11 Va rila lomu maruweni na va lava vhinyo.
A kutsaka kontlhe ku mbhelile,Ni litsako la tiko li fuvile.+
12 A dhoropa gi mahile rumbi;A nyangwa yi khungumulilwe yi maha nhulu.+
13 Hakuva ku ta maheka lezvi laha misaveni, cikari ka matiko:
Zvi ta ku khwatsi i olivha loku wu phophilwe,+Zvi fana ni kukutsula kugumeseni ka tshovelo wa mauvha.+
14 Va ta tlakusa a magezu yabye;Va ta kanyuluka hi kutsaka.
Kusukela bimbini* va ta huwelela a wukulu ga Jehovha.+
15 Hikwalaho, va ta dhumisa Jehovha le tikweni ga kuwonekela;*+Zvihlaleni* zva bimbi va ta dhumisa a vito ga Jehovha, a Nungungulu wa Izrayeli.+
16 Kusukela magemeta-musi ya misava hazwa tisimu:
“A wudzundzo* a give ka Loyi a Lulamileko!”+
Kanilezvi mina ndzi ngalo: “Ndza khanyana, ndza khanyana!
Khombo ga mina! A vakanganyisi va kanganyisile;Hi kukanganyisa a vakanganyisi va kanganyisile.”+
17 A kuchava, ni mikele, ni mitlhamu zvi lavelele wena muaki wa tiko.+
18 Ni wihi a to tsutsuma hi kota ya guwa go chavisa i ta wela lomu nkeleni,Ni wihi a to huma hi lomu nkeleni i ta phasiwa hi ntlhamu.+
Hakuva a tinyangwa ta mati le tilweni ti ta vhululeka,Ni zviseketelo zva tiko zvi ta tsekatseka.
19 A tiko gi pandzekile;A tiko gi avanyekile;A tiko ga bhubha hi ntamu.+
20 A tiko ga dhedherekela a ku khwatsi munhu a popilweko,Giya seno ni seno a ku khwatsi i chacha wu biwako hi moya.
Ga bindziwa hi cigoho ca gona,+Gi tawa gi nga ha vhuki kambe.
21 Ka siku lego, Jehovha i ta alakanya a butho ga le hehla,Ni tihosi ta misava ti nga laha misaveni.
22 Va ta hlengeletiwa zvin’weA ku fana ni zvibochwa zvi hlengeletwako lomu nkeleniNiku va ta vhalelwa lomu paxweni;Andzhako ka masiku yo tala va ta alakanyiwa.
23 A hweti yo tala yi ta dhana,Ni gambo gi woningako gi tawa tingana,+Hakuva Jehovha wa mabutho i mahile Hosi+ le Citsungeni ca Ziyoni+ ni le Jerusalema,A ngangamela mahlweni ka madhota ya vanhu vakwe.*+
Mitlhamuselo ya lahasi
^ Kutani: “misava”.
^ Zvi nga maha na zvi wula ku: “woma”.
^ Kutani: “ca kaleloko”.
^ Zvi nga maha na zvi wula ku: “woma”.
^ A vhina i sinya leyi yi pswalako mauvha.
^ Kutani: “mupela-gambo”.
^ Kutani: “le mutsuwuka-gambo”.
^ Kutani: “Ilhas; Zvilundzweni”.
^ Kutani: “A kusaseka”.
^ Hi kukongoma: “mahlweni ka madhota yakwe”.
