Isaya 26:1-21
26 Ka siku lego, ku ta yimbelelwa lisimu+ leli lomu tikweni ga ka Judha:+
“Hi na ni dhoropa go tiya.+
A kuhanyisa i ku maha mimuro ya gona ni makhokhola ya gona.+
2 Vhulani tinyangwa+ kasi ku nghena a tiko ga kululama,A tiko gi nga ni mahanyela yo tsumbeka.
3 U ta hlayisa lava va ku tsumbako hi kumbhelela;*U ta va nyika a kurula ko kala ku nga mbheli,+Hakuva va tsumba wena.+
4 Tsumbani Jehovha kala kupindzuka,+Hakuva Jah,* Jehovha i Ribye ga kala kupindzuka.+
5 Hakuva i tsongahatile lava va nga hanya matshan’wini yo tlakuka, dhoropeni gi tlakukileko.
Wa gi koramisa,Wa gi koramisa lahasi misaveni;I gi hoxa lahasi ntshurini.
6 Gi ta kandzihetelwa hi mikondzo,Hi mikondzo ya lava va xanisekako, hi mazambo ya zvisiwana.”
7 A ndlela ya loyi a lulamileko yi lulamile.
Kota lezvi u lulamileko,U ta bambatela a ndlela ya valulamileko.
8 Laha hi landzako a ndlela ya wena ya kulamula, O Jehovha,A kutsumba ka hina ku le ka wena.
Hi* navela a vito ga wena ni cialakanyiso ca wena.*
9 Ni wusiku, ndza ku xuva hi mbilu ya mina yontlhe,*Ina, a moya wa mina wu cuwukela wena;+Hakuva loku u lamula misava,A vaaki va tiko va gondza kululama.+
10 Hambu loku a wakubiha a mahelwa wuxinji,A nga ta gondza kululama.+
Hambu tikweni ga kululama i ta maha zvakubiha,+Niku a nga ta wona a wukulu ga Jehovha.+
11 O Jehovha, a canja ga wena gi tlakukile kanilezvi a va gi woni.+
Va ta wona a kutitsitsirita ka wena hi vanhu va wena, vawa tingana.
Kunene, a ndzilo wu longiselweko a valala va wena wu ta va lovisa.
12 O Jehovha, wena u ta hi nyika kurula,+Hakuva zvontlhe lezvi hi mahakoHi wena u hi mahelako.
13 O Jehovha, Nungungulu wa hina, hi fumelwe hi tihosi tin’wani wutshan’wini ga wena,+Kanilezvi hina hi dhumisa a vito ga wena goce.+
14 Va file; va nga ta hanya.
A va na ntamu kufeni, va nga ta ha vhuka.+
Hakuva wena u va alakanyileKasi u va lovisa, u fuvisa ni cihi a cialakanyiso cabye.
15 O Jehovha, wena u anamisile a tiko;U anamisile a tiko;U ti dhumisile.+
U yi anamisile nguvhu a mimbhingano yontlhe ya tiko.+
16 O Jehovha, a cikhati leci va nga hi kuxanisekeni va wuyile ka wena;Va no chulula a mukhongelo wabye hi kuhleva a cikhati u nga va tsayisa.+
17 A ku fana ni wasati a lavako ku pswala,Loyi a lun’wako, aba tihuwa hi kuzwa kubayisa,Hinawu hi tshamisile zvezvo hi kota ya wena, O Jehovha.
18 Hi xurile nyimba hi lun’wa,Kanilezvi zvo khwatsi hi no pswala a moya.
A hi nehangi a kuhanyisa tikweni,Ne a ku pswaliwi munhu kasi a hanya lomu tikweni.
19 “A vafileko va wena va ta hanya.
A zvirumbi zva mina* zvi ta vhuka.+
Vhukani, mu giya hi kutsaka,N’wina lava mu nga ntshurini!+
Hakuva a ndzhokati ya wena yi fana ni ndzhokati ya ni mixo.*Ni misava yi ta humesa lava va nga hava ntamu kufeni kasi va tlhela va hanya.*
20 Fambani, vanhu va mina, mu ya nghena lomu tikwartwini ta n’wina,Mu vhala tivati.+
Fihlalani hi cikhatanaKala a zanga yi hundza.+
21 Hakuva hi nga wonani! Jehovha wata hi wutshan’wini gakweKasi a ta tsayisa a vaaki va tiko hi kota ya cigoho cabye,A tiko gi ta humesa a nkhata lowu wu halatilweko ka gona,Niku gi nga ta ha fihla lava va delweko ka gona.”
Mitlhamuselo ya lahasi
^ Zvi nga maha na zvi wula ku: “lava a maalakanyo yabye ma nga tsekatsekiswiko.”
^ A ku “Jah” i vito gi komisilweko gaku Jehovha.
^ Kutani: “Hi muhefemulo wa hina hi”.
^ Ku nga lezvaku Nungungulu ni vito gakwe va alakanyiwa, va huwelelwa.
^ Kutani: “hi muhefemulo wa mina”.
^ Hi kukongoma: “A cirumbi ca mina”.
^ Zvi nga maha na zvi wula ku: “ndzhokati ya mabyanyi”.
^ Kutani: “yi ta pswala lava va nga hava ntamu kufeni”.