Isaya 28:1-29
28 Khombo ka cidlodlo* ca matshandza* ca zvidhakwa zva ka Efrayime+Ni ka citsangi ci wunako, ci nga kusaseka kakwe ko ngangamela,Leci ci nga le hehla ka nkova wo nona wa lava va hlulilweko hi vhinyo!
2 Hi nga wonani! Jehovha i ta rumela munhu wo tiya ni wa ntamu.
A ku fana ni bhubhutsa gi bako ni kudzindza ni maralala, a moya wu hahlulako,Ni ku khwatsi cingulo ci vangako ndambi ya hombe,I ta ci hoxa laha misaveni hi ntamu.
3 A zvidlodlo* zva matshandza* zva zvidhakwa zva ka EfrayimeZvi ta kandzihetelwa hi mikondzo.+
4 A citsangi ci wunako ci nga kusaseka kakwe ko ngangamela,Leci ci nga le hehla ka nkova wo nona,Ci ta ku khwatsi i kuwu gi rangelako cimumu.
Loku a munhu a gi wona, i tekela ku gi mita zvalezvi gi chikelako canjeni gakwe.
5 Ka siku lego, Jehovha wa mabutho i tava cidlodlo co ngangamela ni simbu yo saseka ya zvitsangi ka vanhu vakwe va seleko.+
6 I tava moya wa kululama ka loyi a tshamako a lamula, ni cibuka ca ntamu ka lava va hlongolako a valala laha nyangweni.+
7 Lava vonawu va lahleka hi kota ya vhinyo;A byala gabye ga va dhedherekisa.
A mupristi ni muphrofeti va lahleka hi kota ya byala;A byala ga va juja kupima,Va dhedherekiswa hi byala gabye;A miwoniso yabye ya va pengisa,Niku va maha zvihoxo kulamuleni.+
8 Hakuva a timeza tabye ti tele hi mahlata yo nyenyeza— A ku na wutshamu gi basileko.
9 Himani a to gondzisiwa?Kona himani a to tlhamuselwa a mahungu lawa ke?
Xana hi lava va ha hi ku lumuliwako,Lava va ha hi ku tsikisiwako a vele ke?
10 Hakuva i “nayo hehla ka nayo, nayo hehla ka nayo;Cileletelo hehla ka cileletelo, cileletelo hehla ka cileletelo;*+Kutsongwani laha, kutsongwani lahaya.”
11 Hikwalaho, i ta wulawula ka vanhu lava hi nomu wa manghakamela ni lirimi limbe.+
12 I wa va byelile, aku: “Legi wutshamu ga ku humulela kona. Tsikani loyi a kareleko a humula. Legi wutshamu go humulela kona.” Kanilezvi a va ingisangi.+
13 Hikwalaho, ka vona a mhaka ya Jehovha yi tava leyi:
“Nayo hehla ka nayo, nayo hehla ka nayo;Cileletelo hehla ka cileletelo, cileletelo hehla ka cileletelo;*+Kutsongwani laha, kutsongwani lahaya.
Kasi laha va fambakoVa ti gumula vawa hi le ndzhakoVa tshoveka, va phasiwa, va khon’wa.+
14 Hikwalaho, hi nga zwani a mhaka ya Jehovha, vanyamatshandza ndzin’wina,N’wina vafumeli va vanhu lava lomu Jerusalema.
15 Hakuva mu ngalo:
“Hi mahile civhumelwano ni Kufa,+Hi zwanene* ni Cilahla.*
A cikhati ku tota a ndambi ya hombe,Yi nga ta hi kuma,Hakuva hi tekile a kuhemba hi ku maha wuchavelo ga hina,Niku hi ti fihlile lomu mawunweni.+
16 Hikwalaho, Jehovha, a Hosi ya Hombe, i ngalo:
“Ndza veka a ribye gi hlolilweko giva ciseketelo le Ziyoni,+A ribye ga lisima ga laha khoneni+ ga ciseketelo co tiya.+
I hava a kombisako kukholwa ka gona a to chava.+
17 A nongameto ndzi ta wu maha lingoti la ku pima hi lona,+Ni kululama kuva lingoti la prumo.*+
A maralala ma ta kukuleta a wuchavelo ga mawunwa,Ni mati ma ta khulungela lomu ka matshamu yo fihlala.
18 A civhumelwano ca n’wina ni Kufa ci ta fuvisiwa,Ni kuzwanana ka n’wina ni Cilahla* ku nga ta simama.+
A cikhati leci a ndambi ya hombe yi tota,Yi ta mu kukuleta.
19 Khati ni khati yi tota,Yi ta mu kukuleta;+Hakuva yi ta hundza mixo ni mixo,Ni hlikanhi ni wusiku.
A kuchava hi kona ntsena ku to va maha va zwisisa lezvi va zvi zwileko.”*
20 Hakuva a mubhedhi wu komile nguvhu kasi ku ti nawuluta,Ni kumba wu hlongile nguvhu kasi ku ti phutsela.
21 Hakuva Jehovha i ta suka a yima a ku fana ni le Citsungeni ca Perazimu;I ta vhindluka a ku fana ni le nkoveni wu nga kusuhani ni Gibheyoni,+Kasi a fela ku maha a ntiro wakwe — a ntiro wakwe wo hlamalisa,Kasi a maha ntiro wakwe — a ntiro wakwe wo kala ku toloveleka.+
22 Makunu mu nga tseketseli+Kasi a tingoti ta n’wina ti nga engeteli ku pswinyiwa,Hakuva ndzi zvi zwile ka Jehovha wa mabutho, a Hosi ya Hombe,Lezvaku a tiko* gontlhe gi ta loviswa.+
23 Vhulani tindleve, mu ingisa a gezu ga mina;Dembani ndleve, muzwa lezvi ndzi wulako.
24 Xana loku a murimi a lava ku byala mbewu, o tshama hi ku rima basi a nga byali ke?
Xana o simama a pandzelela misava a yi lizarela a nga nyimi ke?+
25 Loku a vhuxele misava,A nga gumesi a xwanya a haluwa* ya ntima, a byala ni haluwa ke?A nga byali a trigo, ni mahuva, ni sevhadha lomu matshan’wini ya kona,Ni trigo yo pswhuka+ lomu timbhirini ta simu ke?
26 Hakuva Yena wa mu gondzisa* hi ndlela ya kululama;A Nungungulu wakwe wa mu gondzisa.+
27 Hakuva a haluwa ya ntima a yi huliwi hi citlhata ca ku hula timbewu,+Ni rodha ga kareta a gi fambisiwi hehla ka haluwa.
Kanilezvi a haluwa ya ntima yi phophiwa hi mugomba,Ni haluwa yi phophiwa hi nhonga.
28 Xana a munhu wa fayetela timbewu kasi a maha tipawa ke?
Ahihi, a nga kona a hulako a nga gumesi.+Niku laha a fambisako a rodha ga kareta yakwe hi mahaxi yakwe hehla ka timbewu,A nga ti fayeteli.+
29 Lezvi zvonawu zvita hi ka Jehovha wa mabutho,Loyi a wusungukati* gakwe gi hlamalisakoNi loyi a mitiro yakwe yi nga ya hombe.*+
Mitlhamuselo ya lahasi
^ Kutani: “korowa”. Zvi nga maha na ku wuliwa Samariya, a dhoropa legi ga tsindza.
^ Kutani: “ca ku gwira; ca ku ti kulisa”.
^ Kutani: “tikorowa”.
^ Kutani: “zva ku gwira; zva ku ti kulisa”.
^ Kutani: “Lingoti la ku pima hi lona hehla ka lingoti la ku pima hi lona, lingoti la ku pima hi lona hehla ka lingoti la ku pima hi lona”.
^ Kutani: “Lingoti la ku pima hi lona hehla ka lingoti la ku pima hi lona, lingoti la ku pima hi lona hehla ka lingoti la ku pima hi lona”.
^ Zvi nga maha na zvi wula ku: “Hi mahile muwoniso”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “kuva nível”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Zvi nga maha na zvi wula ku: “Laha va to zvi zwisisa va ta nyeka hi kuchava”.
^ Kutani: “misava”.
^ A haluwa lixaka lo kari la tempero.
^ Kutani: “wa mu laya; wa mu tsayisa”.
^ Kutani: “kungo”.
^ Kutani: “Loyi a wutlhari gakwe gi nga ga hombe”.
