Isaya 29:1-24
29 “Khombo ka Ariyeli,* Ariyeli, a dhoropa legi Dhavhidha a nga govile ka gona!+
Lembe ni lembe simama;A mibuzo ya wena ya lembe ni lembe+ yi wa simame.
2 Kanilezvi ndzi ta mu nehela kukarateka Ariyeli,+Ku tava ni cirilo ni hlomulo;+Mahlweni ka mina i ta ku khwatsi i khumbari ga alati ga Nungungulu.+
3 Ndzi ta ku randzela matlhelweni wontlhe,Ndzi ku bhiyela hi tisinya ta mitlonga,Ndzi aka makhokhola ma ku randzela.+
4 U ta koramiswa,U wulawula na u hi lomu hasi;Lezvi u to wula zvi nga ta zwala hi kota ya ntshuri.
A gezu ga wena gi ta huma hi lomu hasi,+A ku fana ni gezu ga n’anga,Niku a magezu ya wena ma ta huma hi lomu ntshurini hi kuhleva.
5 A citshungu ca valala va wena ci ta fana ni lithuri,+Ni citshungu ca vanhu va xapi ci ta fana ni mungu* wu hahako.+
Lezvo zvi ta maheka hi kucopeta ka tihlo, hi citshuketi.+
6 Jehovha wa mabutho i ta ku alakanyaHi kudzindza, ni kutsekatseka ka misava, ni guwa ga hombe,Hi cingulo, ni moya wa hombe, ni malangavi ya ndzilo.”+
7 Makunu a citshungu ca wontlhe matiko lawa ma lwako yimpi na Ariyeli+— Vontlhe lava va lwako naye,Va akako tikhokhola* va mu bhiyela,Ni lava va mu nehelako khombo —Va ta ku khwatsi i noro, a muwoniso wa wusiku.
8 Ina, zvi ta ku khwatsi hi loku a munhu a zwako ndlala a lora na aga,Kanilezvi a vhuka na azwa ndlala;*Ni ku khwatsi hi loku a munhu a zwako tora a lora na anwa,Kanilezvi a vhuka na a karele, na azwa tora.*
Hi zvalezvi zvi to mahekela a citshungu ca matiko wontlheLawa ma lwako ni Citsunga ca Ziyoni.+
9 Hlamalani, mu vhumala ni co maha;+Ti dayeni matihlo, mu maha zvikhumu.+
Va popilwe, kanilezvi a va popiwangi hi vhinyo;Va dhedhereka, kanilezvi a va dhedherekiswi hi byala.
10 Hakuva Jehovha i mu chululele a moya wa wurongo ga tshongotshongo;+I vhalile matihlo ya n’wina vaphrofeti,+A fenengeta a tihloko ta n’wina vawoni va miwoniso.+
11 Ka n’wina, a miwoniso yontlhe yi fana ni timhaka ta bhuku gi lemilweko hi cifungo.+ Laha va nyikako munhu a zvi kotako ku lera, vaku: “Hi nga lera hi gezu ga hombe”, yena i ngalo: “A ndzi zvi koti, hakuva gi lemilwe hi cifungo.”
12 Laha va nyikako munhu a nga zvi tiviko ku lera, vaku: “Hi nga lera”, yena i ngalo: “A ndzi zvi tivi ku lera.”
13 Jehovha i ngalo: “A vanhu lava va tshinela ka mina hi nomu wabye,Va ndzi dzundza hi minomu yabye,+Kanilezvi a timbilu tabye ti kule nguvhu na mina.Ni cichavo cabye hi mina ci seketelwa ka zvileletelo zva vanhu lezvi va gondzisilweko.+
14 Hikwalaho, ndza ha ta maha zvilo zvo hlamalisa ka vanhu lava,+A zvilo zvo hlamalisa hehla ka zvilo zvo hlamalisa;A wutlhari ga titlhari tabye gi ta fuva,Ni kuzwisisa ka vavanuna vabye va tlharihileko ku ta fihliwa.”+
15 Khombo ka lava va mahako zvontlhe va zvi kotako kasi va fihlela Jehovha a makungo* yabye.+
A mitiro yabye yi mahiwa munyameni,Na vaku: “Himani a hi wonako?
Kona zvi tiviwa himani lezvi hi mahako?”+
16 N’wina a mo ku jimisa zvilo!*
A muwumbi a nga fananiswa ni wumba ke?+
Leci ci mahilweko ci nga byela mumahi wa cona, ciku:
“A nga ndzi mahangi” ke?+
Leci ci wumbilweko ci nga byela a muwumbi wa cona, ciku:
“A nga tivi nchumu” ke?+
17 Ndzeni ka cikhatana, Lebhanoni i ta mahiwa simu ga tisinya ta mihandzu,+Ni tisinya ta mihandzu ti ta ku khwatsi i khwati.+
18 Ka siku lego, a zviwiri zvi tazwa a timhaka ta bhuku,Ni matihlo ya zvikhumu ma ta wona ma nga vhalelwi hi liphume ni munyama.+
19 A wakurula i ta giya hi kutsakela Jehovha,Ni cisiwana ca tiko ci ta kulungela hi kutsakela Loyi a Basileko wa Izrayeli.+
20 Hakuva a munhu wa xapi a nga ta hava kona,Ni munhu wa matshandza i ta fuva,Ni vontlhe va tshamako na va longile ku maha zvakubiha va ta lovisiwa,+
21 Lava va nyikako a nandzu van’wani hi magezu yabye ya mawunwa,Lava va zamako ku phasa a muyimeli* laha nyangweni ya dhoropa,+Ni lava va jikisako timhaka kasi va mu alela a kululama a wakululama.+
22 Jehovha, loyi a tlhatlhisileko Abrahama,+ i ngalo ka yindlu ya Jakobe:
“Jakobe a nga ta ha wisiwa tingana,Ne a nghohe yakwe yi nga ta ha kwalala.*+
23 Hakuva laha a to wona a vana vakwe,Lava va nga ntiro wa mandla ya mina, cikari kakwe,+Va ta basisa a vito ga mina;Ina, va ta basisa Loyi a Basileko wa Jakobe,Va chava a Nungungulu wa Izrayeli.+
24 Lava va hambukileko va ta zwisisa,Ni lava va khalako va ta vhumela ku gondzisiwa.”
Mitlhamuselo ya lahasi
^ Kuzvilava zvi wula ku: “Khumbari ga alati ga Nungungulu”. Zvi nga maha na ku wuliwa Jerusalema.
^ A mungu hi lezvi zvi humako a cikhati leci va tsutsutako timbewu.
^ Kutani: “torres”.
^ Kutani: “a vhuka a muhefemulo wakwe na wu hi phanga”.
^ Kutani: “a muhefemulo wakwe na wu womile”.
^ Kutani: “wusungukati”.
^ Kutani: “A bihela ga n’wina!”
^ Hi kukongoma: “loyi a kawukako”.
^ Ku nga lezvaku hi tingana ni kukhunguvanyeka.
