Isaya 30:1-33
30 “Khombo ka vana va kani”,+ ku wula Jehovha,“Lava va ti mahelako makungo ma nga hiko ya mina,+Lava va mahako a zvivhumelwano,* kanilezvi na va nga rangelwi hi moya wa mina,Kasi va engetela ciwonho hehla ka ciwonho.
2 Va relela vaya Gibhite+ na va nga ndzi wutisangi,*+Kasi va ya fihlala khokholeni ga FaroNi ku chavela ndzhutini wa Gibhite!
3 Kanilezvi a khokhola ga Faro gi ta mu wisa tingana,Ni ku chavela ndzhutini wa Gibhite zvi ta mu dhanisa.+
4 Hakuva a tihosana takwe ti le Zowane,+Ni zvirun’wa zvakwe zvi chikele le Hanesi.
5 Vontlhe va ta wisiwa tinganaHi vanhu va nga va vhuniko hi nchumu,Va nga hiko na civhuno ne hambu bhindzu,Ntsena tingana ni ciruko.”+
6 A ciphrofeto xungetano hi zvihari zva le dzongeni:*
Va tsemakanya a tiko ga zvikarato ni tixanisa,Ga nghala, a nghala yi bhongako,Ga phiri ni ga nyoka yo haha ya wuxungu ga hombe*Va teka titshomba tabye va rwexa timbongola,Va rwexa zvilo zvabye mihlanheni ya makameli.
Kanilezvi a zvilo lezvo zvi nga ta vhuna vanhu.
7 Hakuva a civhuno ca Gibhite a ci vhuni nchumu.+
Hikwalaho ndzi mu vitanile ku: “Rahabhi,+ loyi a tshamako a nga mahi nchumu.”
8 “Makunu famba u ya zvi tsala ka cipulangwana mahlweni kabye,U zvi tsala lomu bhukwini,+Kasi zvi tira ka masiku ma tako,Zviva wukustumunyu ga kala kupindzuka.+
9 Hakuva a vanhu lava vanhu va nga ingisiko,+ i vana va wukanganyisi,+A vana va alako a kuzwa a nayo* wa Jehovha.+
10 Va byela vawoni, vaku: ‘Mu nga woni’,
Va byela ni vawoni va miwoniso, vaku: ‘Mu nga hi byeli miwoniso ya lisine.+
Hi byeleni a zvilo zvo tsakisa; phrofetani mawunwa.+
11 Hambukani ndleleni; tsikani ndlela.
Tsikani ku veka Loyi a Basileko wa Izrayeli mahlweni ka hina.’”+
12 Hikwalaho, Loyi a Basileko wa Izrayeli i ngalo:
“Kota lezvi mu alako a mhaka leyi,+Mu tsumba a wukanganyisi ni mawunwa,Mu khegela ka zvona,+
13 Ka n’wina a cigoho leci ci ta ku khwatsi i muro wu pandzekileko,Ni muro wo leha wu byekeleko wu lavako kuwa.
Wu tawa hi citshuketi, hi kucopeta ka tihlo.
14 Wu ta khungumulwa wu ku khwatsi i fuko ya hombe ya muwumbi,Wu fayetelwa ku nga sali ne cirengele cin’weCa ku woka hi cona ndzilo laha khumbariniKutani ca kukha hi cona mati lomu hloweni.”*
15 Hakuva Jehovha, a Hosi ya Hombe, Loyi a Basileko wa Izrayeli, i ngalo:
“Loku mu wuya ka mina, mu tshama muku hwi, mu ta ponisiwa;Mu ta kuma ntamu hi kuva mu rula, mu ndzi tsumba.”+
Kanilezvi a mu zvi lavangi.+
16 Hambulezvo, mu te: “Ahihi, hi ta tsutsuma hi mahaxi!”
Hikwalaho, a kutsutsuma mu ta tsutsuma.
“Hi ta khilela a mahaxi ya kutsutsuma nguvhu!”+
Hikwalaho, lava va mu hlongoliselako vonawu va ta tsutsuma nguvhu.+
17 A 1000 va ta rurumela hi ku chavisiwa hi munhu mun’we;+Ni loku mu chavisiwa hi ntlhanu wa vanhu mu ta tsutsumaKala lava va seleko cikari ka n’wina va ku khwatsi i sinya yi zimilweko hehla ka citsunga,Va ku khwatsi i sinya ya cikombiso le hehla ka citsungana.+
18 Kanilezvi Jehovha i rindzela hi lihlazva-mbilu kasi a mu kombisa tipswalo,+Niku i ta suka a yima a mu mahela wuxinji.+
Hakuva Jehovha i Nungungulu wa kululama.+
Va tsaka vontlhe lava va rindzelako kakwe.+
19 A cikhati leci a vanhu va to tshama Ziyoni, lomu Jerusalema,+ u nga ta rila.+ Laha u to kanyuluka u kombela ku vhuniwa, i ta ku mahela tipswalo. I ta ku hlamula zvalezvi a tozwa kurila ka wena.+
20 Hambu lezvi Jehovha a to mu nyika a pawa ya hlomulo ni mati ya kuxaniseka,+ a Mugondzisi wa wena wa Hombe a nga ta ha fihlala; u ta wona a Mugondzisi wa wena wa Hombe+ hi matihlo ya wena.
21 Loku mu hambuka muya cineneni kutani cibhabheni,+ a tindleve ta n’wina ti tazwa a gezu hi le ndzhako ka n’wina, giku: “A ndlela hi leyi.+ Fambani hi yona.”
22 Mu ta nyenyezisa a prata leyi yi nameketelweko ka zvifananiso zva n’wina zvi kehlilweko ni ouro leyi yi nga ka zvifananiso zva n’wina zva simbi.*+ U ta zvi hoxisa ku khwatsi i gume gi nga ni nkhata wa masiku ya wasati, uku: “Sukani laha!”*+
23 I ta yi nisela vhula a mbewu leyi u nga yi byala laha misaveni;+ ni zvakuga* lezvi a misava yi to humesa zvi ta tala zvi tlhela zvi nona.+ Ka siku lego, a mitlhambi ya wena yi ta gela lomu wuriselweni ga hombe.+
24 A tihomu ni timbongola leti ti rimako misava ti taga byanyi ga ginene, legi gi heherilweko hi foxola go hehera hi gona ni asinyo.
25 Hi siku ga kudawa ka hombe laha a tikhokhola* ti towa, ku tava ni zvicongwana ni minonga ya mati ka zvontlhe zvitsunga zvo leha ni zvitsungana zvontlhe zvi tlakukileko.+
26 A kuwonekela ka hweti yo tala ku ta fana ni kuwonekela ka gambo; ni kuwonekela ka gambo ku tava ni ntamu hi ka 7 wa makhati,+ a ku fana ni kuwonekela ka 7 wa masiku, hi siku legi Jehovha a to bohelela a marambu ma tshovekileko ya vanhu vakwe+ a tlhela a holisa a cilondza ca hombe leci a nga va bayisa hi ku vaba.+
27 Hi nga wonani! A vito ga Jehovha gata hi le kule;Ga vhura hi zanga yakwe ni marefu ya munyama.
A minomu yakwe yi tele hi zanga,Ni lirimi lakwe li fana ni ndzilo wu lovisako.+
28 A moya* wakwe wu fana ni congo wu kukumukako kala wu chikela lomu nkolweni,Kasi ku hehera a mifumo hi lihlelo la kulovisa;*A matiko ma ta bohiwa a matomu lomu tihlayeni ta wona+ kasi ma hambukiswa.
29 Kanilezvi mu ta yimbelela a lisimu lo fana ni leli li yimbelelwako ni wusikuA cikhati leci mu ti longiselako* a mubuzo,+Ni mbilu ya n’wina yi ta tsaka a ku fanaNi loyi a fambako ni* citoliyaNa aya citsungeni ca Jehovha, ka Ribye ga Izrayeli.+
30 Jehovha i ta zwata a gezu gakwe ga hombe,+A kombisa a woko gakwe+ laha gi relelako hi zanga yi vhurako,+Ni langavi ga ndzilo wu hisako,+Ni vhula ya hombe,+ ni cingulo ci bako ni zvingwalangwandla, ni maralala.+
31 Hakuva Asiriya i ta khon’wa hi kuchava+ hi kuzwa a gezu ga Jehovha;I ta muba hi nhonga.+
32 Wontlhe a makhati lawa Jehovha a toba AsiriyaHi nhonga yakwe ya tsayiseleloKu ta biwa tingomana ni zvitende+Na a kari alwa navo a vaba hi woko gakwe.+
33 Hakuva a Tofete*+ gakwe gi sina gi longiselwe;Gi longiselelwe a hosi kambe.+
I etisile a wutshamu go veketela tihunyi, a gi anamisa,Gi tele hi ndzilo ni tihunyi.
A kuhefemula ka Jehovha, ko fana ni congo wa solufa,*Ku ta gi lumekela.
Mitlhamuselo ya lahasi
^ Hi kukongoma: “va chululako a munyikelo wa zvakunwa”, zvi wonekisako ku khwatsi zvi wula ku maha civhumelwano.
^ Kutani: “na va nga wutisangi a nomu wa mina”.
^ Kutani: “sul”.
^ Kutani: “nyoka ya ku vhura yi fambako hi kutsutsuma”.
^ Kutani: “gondziselelo”.
^ Zvi nga maha na zvi wula ku: “lomu thangini”.
^ Kutani: “zvifananiso zva n’wina zvi nyekisilweko”.
^ Zvi nga maha na zvi wula ku: “u zvi wula ku zvilo zvo nyenyeza”.
^ Hi kukongoma: “pawa”.
^ Kutani: “torres”.
^ Hi kukongoma: “lihlelo li nga vhuniko nchumu”.
^ Kutani: “kuhefemula”.
^ Kutani: “basiselako”.
^ Kutani: “na kuba”.
^ Laha a “Tofete” ku wuliwa a wutshamu go fananisa go vhura, gi yimelako a kulovisa.
^ Kutani: “enxofre”.
