Isaya 32:1-20
32 Hi nga wonani! A hosi+ yi ta fuma hi kululama,+Ni tihosana ti ta fuma hi nongameto.
2 A mun’we ni mun’wani wabye i ta ku khwatsi wutumbelo ka moya,Ni ku khwatsi wuchavelo ka cingulo;I ta ku khwatsi i congo tikweni gi nga hava mati,+Ni ndzhuti wa ribye ga hombe tikweni go woma.
3 Makunu a matihlo ya lava va wonako ma nga ta ha vhaliwa,Ni tindleve ta lava va zwako ti ta ingisela.
4 A timbilu ta lava va matloti ti ta ehleketa hi wutivi,Ni lirimi la manghakamela li ta wulawula khwatsi zvi tlhamuka.+
5 A cipumbu ci nga ta ha wuliwa ku ca hana,Ni munhu wo kala nayo a nga ta wuliwa wo dzundzeka.
6 Hakuva a cipumbu ci ta wulawula wupumbu,Ni mbilu ya cona yi ta xuxa cikungo co biha,+Kasi ci vhuvhumisa a wudhuki* ni ku wulawula zvahava hi Jehovha,Ci fela ku tsika loyi* a nga ni ndlala a famba na a nga gangiNi ku mu tsona ca kunwa loyi a zwako tora.
7 A wusungukati ga munhu wo kala nayo gi bihile;+I vhuvhumisa a mahanyela ya tinganaKasi a hohlola a muvhumali hi mawunwa,+Hambu loku a cisiwana ci wulawula lisine.
8 Kanilezvi a munhu wa kuhana i na ni mixuvo ya ku hana,Niku i simama ni kuhana kakwe.
9 “N’wina vavasati mu tshamileko mu ku njha, sukani mu ingisela a gezu ga mina!
N’wina vanhanyana mu nga hava co maha,+ dembani ndleve ka lezvi ndzi wulako!
10 Andzhako ka lembe ni masiku yo kari, n’wina lava mu nga hava co maha mu ta rurumela hi kuchava,Hakuva a nguva ya ku tshovela mauvha yi ta hundza na ku nga hlengeletwangi a mihandzu.+
11 Rurumelani, n’wina vavasati mu tshamileko mu ku njha!
Ina, rurumelani hi kuchava, n’wina mu nga hava co maha!
Tlhatlhani tinguwo,Mu boha a tisakwa zviwunwini zva n’wina.+
12 Ti beni zvifuva, mu rilaA masimu yo saseka ni vhina* wu pswalako nguvhu.
13 Hakuva a tiko ga vanhu va mina gi ta fenengetwa hi mimizwa ni zvigetlwani;Zvi ta fenengeta a tiyindlu tontlhe ta kutsaka,Ina, a dhoropa ga litsako.+
14 Hakuva a likhokhola* li tiyisilweko khwatsi li tsikilwe;A dhoropa ga guwa gi sele na gi hi rumbi.+
Ofeli+ ni likhokhola la murindzeli zvi mahile ciwula ca kala kupindzuka,A litsako la timbongola ta khwati,Ni wuriselo ga mitlhambi,+
15 Kala a moya wu tako hi le hehla wu chululiwa hehla ka hina,+Ni ciwula civa simu ga tisinya ta mihandzu,Ni simu ga tisinya ta mihandzu gi ku khwatsi i khwati.+
16 Makunu a nongameto wu ta aka lomu ciwuleni,Ni kululama ku ta tshama lomu sin’wini ga tisinya ta mihandzu.+
17 A nchachazelo wa kululama ka lisine wu tava kurula,+Ni handzu wa kululama ka lisine wu tava kurula ni kutshamiseka ka pindzukelwa.+
18 A vanhu va mina va ta hanya ka wutshamu go rula,Lomu tindlwini ti tsumbekileko ni ka matshamu yo humula hi kurula.+
19 Kanilezvi a maralala ma ta hahlula a khwati,Ni dhoropa gi ta hahlulwa gi mbhela.
20 Ma tsaka n’wina lava mu byalako a mbewu kontlhe lomu ku nga ni mati,N’wina lava mu tlhatlhako* homu ni mbongola.”+
Mitlhamuselo ya lahasi
^ Kutani: “ci nga kombisi cichavo”. A wudhuki zvi wula a ku fularela ni ku vhukela a wukhozeli ga lisine.
^ Kutani: “muhefemulo wa loyi”.
^ A vhina i sinya leyi yi pswalako mauvha.
^ Kutani: “torre”.
^ Kutani: “rumelako”.
