Isaya 34:1-17
34 Tshinelani mu ingisela, n’wina matiko;Dembani ndleve, n’wina mifumo.
A misava ni zvontlhe zvi nga ka yona zvi wa ingisele,A tiko ni yontlhe mihandzu ya gona.
2 Hakuva a zanga ya Jehovha yi hehla ka matiko wontlhe,+Ni khulo gakwe gi vhindlukele a butho gabye gontlhe.+
I ta va nyikela kulovisweni;I ta va nyikela kudaweni.+
3 A vanhu vabye va delweko va ta hoxiwa,Ni kunuha ka zvirumbi zvabye ku ta tlakukela hehla;+A zvitsunga zvi ta nyeka hi kota ya* nkhata wabye.+
4 A butho gontlhe ga matilo gi ta bola,Ni matilo ma ta songiwa ku khwatsi i bhuku go songiwa.
A butho gabye gontlhe gi ta wuna giwa,A ku khwatsi i tluka go wuna gi wako hi lomu vhineni*Ni kuwu go puva gi wako hi lomu nkuweni.
5 “Hakuva a cipadha ca mina ci ta tsakama le matilweni.+
Ci ta relela hehla ka Edhomi ci mu lamula,+Hehla ka vanhu lava va konelweko ku lovisiwa.
6 Jehovha i na ni cipadha; ci ta hlamba hi nkhata.
Ci ta fenengetwa hi mafura,+Hi nkhata wa tiyivhana ta vamatsune ni wa timhongo,Ni mafura ya tiswa ta tiyivhu ta vamatsune.
Hakuva Jehovha i na ni muphahlo le Bhozra,Ni kuhihirita ka hombe le tikweni ga Edhomi.+
7 A tihomu ta khwati ti ta relela navo,Ni zvihon’wana zvi ta relela zvin’we ni tinhenha.
A tiko gabye gi ta cabwatana hi nkhata,Ni ntshuri wabye wu ta tsakama hi mafura.”
8 Hakuva Jehovha i na ni siku ga kuphota,+A lembe ga ku photela a mhaka ya Ziyoni.+
9 A zvicongwana zvakwe* zvi ta cica zvi maha likatarawu,*Ni ntshuri wakwe wu ta cica wu maha solufa.*A tiko gakwe gi ta fana ni likatarawu li swako.
10 Gi nga ta timeka wusiku ni mumu;A musi wa kona wu ta tuvika kala kupindzuka.
Gi ta tshama gi hi ciwula ka cizukulwana ni cizukulwana;A ku na munhu a to tshuka a tsemakanya hi lomo kala kupindzuka ni kupindzuka.+
11 A gumba* ni nungu* zvi ta tshama lomo;A khuhunhu ni zvikunguwa zvi ta hanya lomo.
I ta gwimba a lingoti la ku pima hi lona la kulovisa* hehla kakwe,Ni lingoti la prumo la* kuhahlula.
12 I hava cikari ka vahombe vakwe a to maha hosi,Ni tihosana takwe tontlhe ti ta fuva.
13 Lomu tikhokholeni* takwe ti tiyisilweko khwatsi ku ta mila mimizwa;A zvigetlwani ni tisinya ta mimizwa zvi ta mila lomu makhokholeni yakwe.
A makhanga ma ta tshama kakwe,+A tlhela ava muti wa timbhuwu.*
14 A zvihari zva lomu ciwuleni zvi ta tlhangana ni zvihari zva ku wukula,Ni timbuti ta khwati* ti ta vitana a vanghana va tona.
Ina, a vamahulwane va ta hanya lomo, va humula kona.
15 A phela gi ta aka cisaka ca gona gi tsikela matandza lomo.Gi ta ma tlhotlhora, gi hlengeleta a vanana va gona ndzhutini wa gona.
Ina, a zvinyanyani zvi hanyako hi nyama zvi ta hlengeletana lomo, a kuku ni mbhaha wa kona.
16 Hlotani lomu bhukwini ga Jehovha mu lera hi gezu ga hombe:
Ku hava ni cin’we ci to vhumaleka;Ku hava ni cin’we ci to vhumala a munghana wa cona,Hakuva i nomu wa Jehovha wu layileko lezvo,Ni moya wakwe hi wona wu zvi hlengeletileko zvin’we.
17 Hi yena a zvi beleko tihlolo,Niku a canja gakwe gi zvi pimele ko tshama kona.*
Zvi ta tshama lomo kala kupindzuka;Zvi ta hanya kona zvizukulwaneni zvontlhe.
Mitlhamuselo ya lahasi
^ Kutani: “zvi ta khulunga”.
^ A vhina i sinya leyi yi pswalako mauvha.
^ Zvi wonekisa ku khwatsi ku wuliwa Bhozra, a tsindza ga Edhomi.
^ Kutani: “belewu”.
^ Kutani: “enxofre”.
^ Kutani: “pelicano”.
^ Kutani: “porco-espinho”.
^ Kutani: “la phanga”.
^ Hi kukongoma: “Ni maribye ya”.
^ Kutani: “torres”.
^ Kutani: “avestruzes”.
^ Zvi nga maha na zvi wula ku: “timbuti to fana ni madhimoni”.
^ Hi kukongoma: “gi zvi avele ko tshama kona hi lingoti lo pima hi lona”.
