Isaya 35:1-10
35 A ciwula ni tiko go woma zvi ta kulungela;+Ni livala li ta tsaka li pfepfa a ku khwatsi i safarawu.+
2 Hakunene li ta pfepfa;+Li ta giya ni ku kulungela hi kutsaka.
Li ta nyikiwa a wudzundzo ga Lebhanoni,+A kungangamela ka Karmeli+ ni ka Xaroni.+Va ta wona a wudzundzo ga Jehovha, a kungangamela ka Nungungulu wa hina.
3 Tiyisani a mandla ma rerekileko,Mu tiyisa a madzolo lawa ma gudlagudlako.+
4 Byelani lava va karatekako timbilwini tabye, muku:
“Tiyani. Mu nga chavi.
Hi nga wonani! A Nungungulu wa n’wina wata a ta mu photela;Nungungulu wata ni nchachazelo.+
I tata a ta mu ponisa.”+
5 Ka cikhati leco, a matihlo ya zvikhumu ma ta vhululeka,+Ni tindleve ta zviwiri ti ta vhululeka.+
6 Ka cikhati leco, a zvilima zvi ta tlula a ku khwatsi i hlangu,+Ni tirimi ta timbeveve ti ta kanyuluka hi kutsaka.+
Hakuva a mati ma ta buwuka lomu ciwuleni,Ni zvicongwana zvi ta khulunga lomu livaleni.
7 A misava ya cikhwakhwa yi tava tiva gi teleko hi hlanga,Ni misava ya tora yi ta humesa zvibuka zva mati.+
Lomu timhakweni leti ku nga humula makhanga+Ku ta mila a byanyi go nyuka, ni hlanga, ni majeka.*
8 Laho ku tava ni ruwa,+Ina, a ndlela yi vitaniwako ku i Ndlela ya Kubasa.
A munhu wo kala ku hlazveka a nga ta famba hi yona.+
Yi tava ntsena ya lava va fambako ndleleni;A ku na cipumbu ci to hambukela ka yona.
9 Ku nga tava ni nghala laho,Ne ku nga ta tsemakanya zvivandza zvo leva.
Zvi nga tava kona ndleleni leyo;+Ntsena a vatlhatlhisilweko hi vona va to famba hi yona.+
10 Lava va tlhatlhisilweko hi Jehovha va ta wuya,+ va chikela Ziyoni na va giya hi kutsaka.+
A litsako li nga mbheliko li tava cidlodlo* tihlokweni tabye.+
Va nga ta khomeka hi kutsaka ni kunengela,A hlomulo ni miketo zvi ta n’walala.+
