Isaya 38:1-22
38 Ka masiku lawo, Hezekiya i no babya zva mahati.+ Muphrofeti Isaya,+ a n’wana wa Amozi, i noya kakwe, a yaku: “Jehovha i ngalo: ‘Va nyike zvileletelo a va ngango wa wena, hakuva u tafa; u nga ta hanya.’”+
2 Zvalezvo Hezekiya i no hundzuluka a cuwuka laha khurisini, a sangula ku khongela ka Jehovha, aku:
3 “O Jehovha, ndza ku khongotela, alakanya+ lezvaku ndzi famba mahlweni ka wena hi kutsumbeka ni mbilu yi mbheleleko,+ niku ndzi maha zvazvinene mahlweni ka wena.” Hezekiya i no sangula ku rila nguvhu.
4 Hi kulandzela, a mhaka ya Jehovha yi nota ka Isaya, yi taku:
5 “Tlhela u ya byela Hezekiya,+ uku: ‘Jehovha, a Nungungulu wa Dhavhidha, a kokwani wa wena, i ngalo: “Ndzi wu zwile a mukhongelo wa wena,+ ndzi wona ni mihloti ya wena.+ Ndzi ta ku engetela 15 wa malembe ka wutomi* ga wena,+
6 ndzi tlhela ndzi tlhatlhisa wena ni dhoropa legi canjeni ga hosi ya Asiriya; ndzi ta vhikela a dhoropa legi.+
7 A cikombiso ca Jehovha ca ku ku komba lezvaku Jehovha i ta maha lezvi a nga wula hi leci:+
8 Ndzi ta tlhelisa a ndzhuti wa gambo wu nga cikadheni* ca Ahaza wu relela a 10 wa zvikadha.”’”+ Hikwalaho, a ndzhuti lowu wu nga hundzile laha cikadheni wu no hlehla a 10 wa zvikadha.
9 Leli lisimu la Hezekiya, a hosi ya ka Judha, leli a nga li tsala a cikhati a nga babya a gumesa a hanya ka wubabyi gakwe.
10 Ndzi te ngalo: “Cikari ka wutomi ga minaNdzi ta relela tinyangweni ta Cilahla.*
Ndzi wutlelwe a malembe ya mina lawa ma nga ha sele.”
11 Ndzi te ngalo: “Ndzi nga ta ha mu wona Jah,* Jah tikweni ga vahanyako.+
Ndzi nga ta ha va cuwuka kambe a vanhuA cikhati leci ndzi tova zvin’we ni lava va tshamako lomu zvontlhe zvi mbhelako.
12 A muti wa mina wu susilwe wu yisiwa kule na mina+A ku fana ni tenda ga murisi.
Ndzi songile a wutomi ga mina a ku khwatsi muluki a songako nguwo;I ndzi tsemisa ku khwatsi i nguwo yi tsemiwako laha yi nga lukelwa kona.
Kusukela ni hlikanhi kala ni wusiku wena wa ndzi mbheta.+
13 Ndza ti khongotela kala ni mixo.
A ku khwatsi i nghala, i tshoveletela a marambu ya mina wontlhe;Kusukela ni hlikanhi kala ni wusiku wena wa ndzi mbheta.+
14 Ndza keta a ku khwatsi i mbewulwani ni matsiyelani;+Ndza rila a ku khwatsi cipomba.+
A matihlo ya mina ma karele hi ku cuwuka hehla.+
‘O Jehovha, ndzi lomu hlomulweni wa hombe;Ndzi vhune!’*+
15 Ndzi ta wula yini?
I wulawulile na mina a tlhela a maha.
Ndzi ta famba hi kutikoramisa wontlhe a malembe ya minaHi kota ya hlomulo wa mina wa hombe.*
16 ‘O Jehovha, a vanhu vontlhe va hanya hi zvilo lezvi,*Ni moya wa mina wu hanya hi zvona.
U ta ndzi tlhelisela wutomi, u ndzi tsika ndzi hanya.+
17 Wutshan’wini ga kurula, ndzi no karateka nguvhu;Kanilezvi hi kota ya lezvi u ndzi randzako,*U ndzi hlayisile ndzi nga weli nkeleni wa kuloviswa.+
U hoxile zvontlhe a zviwonho zva mina le ndzhako ka wena.*+
18 Hakuva a Cilahla* a ci nge ku dzundzi,+Ni kufa a ku nge ku dhumisi.+
Lava va relelako nkeleni a va nge rindzeli a kutsumbeka ka wena.+
19 A vahanyako, ina, a vahanyako va nga ku dhumisa,A ku khwatsi hi lezvi ndzi mahako nyamutlha.
A papayi a nga gondzisa a vana vakwe hi kutsumbeka ka wena.+
20 O Jehovha, ndzi hanyise,Hi ta chaya a tisimu ta mina hi zvichaya-chaya zva tingoti+Lomu ndlwini ya Jehovha wontlhe a masiku ya kuhanya ka hina.’”+
21 Isaya i te ngalo: “Nehani a bholu* ya makuwu yo woma mu ta chela laha ka cidlayi kasi a hanya.”+
22 Hezekiya i wa wutisile, aku: “Hi cihi a cikombiso ca ku ndzi ta kandziha ndziya ndlwini ya Jehovha ke?”+
Mitlhamuselo ya lahasi
^ Hi kukongoma: “masiku”.
^ Kuzvilava a zvikadha lezvi zvi wa komba cikhati, a ku khwatsi i wachi ga gambo.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ A ku “Jah” i vito gi komisilweko gaku Jehovha.
^ Hi kukongoma: “Ngha uva citiyisekiso ca mina”.
^ Kutani: “ya kubayiseka ka muhefemulo wa mina”.
^ Ku nga timhaka ta Nungungulu ni mitiro yakwe.
^ Kutani: “u randzako a muhefemulo wa mina”.
^ Kutani: “U susile zvontlhe a zviwonho zva mina mahlweni ka wena”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “cikhekhetselo”.
