Isaya 4:1-6
4 A 7 wa vavasati va ta khoma a wanuna mun’we ka siku lego,+ vaku:
“Hi taga pawa ya hina venyi,Hi boha a tinguwo ta hina venyi;Ntsena lezvaku hi tsike hi vitaniwa hi vito ga wenaKasi ku susa a tingana* ta hina.”+
2 Ka siku lego, leci Jehovha a to ci hlukisa ci ta saseka ci tlhela ci ngangamela, niku a mihandzu ya tiko yi tava matshandza ni kusaseka ka lava va ponileko va ka Izrayeli.+
3 Vontlhe lava va to sala le Ziyoni ni lava va to sala le Jerusalema va ta vitaniwa vabasileko, vontlhe va le Jerusalema lava va tsalelweko ku kuma wutomi.+
4 Laha Jehovha a to hlazva a chaka* ga vanhanyana va Ziyoni+ a tlhela a susa a kuhalatiwa ka nkhata lomu Jerusalema hi moya wa kulamula ni moya wu hisako,*+
5 Jehovha i ta tlhela a vanga a refu ni musi laha hlikanhini, ni ndzilo wu ngangamelako laha wusikwini+ hehla ka wutshamu gontlhe ga Citsunga ca Ziyoni ni lomu matshan’wini yakwe ya migotsovanyano; hakuva hehla ka kungangamela kontlhe ku tava ni wutumbelo.
6 Ku tava ni chacha wu to vhikela kuhisa ka ni hlikanhi,+ wu tlhela wuva wuchavelo ni wutshamu go fihlala a zvingulo ni vhula.+
Mitlhamuselo ya lahasi
^ Ku nga tingana ta kuva va nga chadhangi ni kungavi ni vana.
^ Hi kukongoma: “macimba”.
^ Kutani: “ni moya wa kubasisa”.
