Isaya 40:1-31
40 “Chavelelani, chavelelani a vanhu va mina”, ku wula Nungungulu wa n’wina.+
2 “Wulawulani mbilwini ya* Jerusalema,Mu huwelela lezvaku a ntiro wakwe wa cikurumeta wu mbhelile,Lezvaku a nandzu wakwe wu hakhelwe.+
I amukele a hakhelo yo mbhelela* hi canjeni ga Jehovha hi kota ya zviwonho zvakwe zvontlhe.”+
3 Ku zwala gezu ga loyi a huwelelako lomu ciwuleni, aku:
“Basisani* a ndlela ya Jehovha!+
Lulametani a ruwa+ ga Nungungulu wa hina lomu ciwuleni.+
4 A mindzhelelo yontlhe yi wa setelwe,Ni zvitsunga zvontlhe ni zvitsungana zvi wa lizarelwe.
A misava ya zvikhele yi wa bambatelwe,Ni misava yo kala kululama yi wave livala.+
5 A kungangamela ka Jehovha ku ta wonekeliswa,+Niku a nyama yontlhe yi* ta ku wona,+Hakuva a nomu wa Jehovha wu wulile lezvo.”
6 Hi ngazwa! Ku na ni munhu a nge: “Huwelela!”
A mun’wani a wutisa, aku: “Ndzi huwelela yini?”
“A nyama yontlhe yi* fana ni byanyi go nyuka.
Lontlhe a lirandzo labye li nga mbheliko li fana ni citsangi ca khwati.+
7 A byanyi go nyuka ga woma,Ni citsangi ca wuna,+Hi kota ya moya wa Jehovha wu pupuxako hehla ka cona.+
Hakunene a vanhu i byanyi go nyuka.
8 A byanyi go nyuka ga woma,Ni citsangi ca wuna,Kanilezvi a mhaka ya Nungungulu wa hina yi simama kala kupindzuka.”+
9 Kandziha uya citsungeni co tlakuka,Wena wasati u nehako a mahungu ya manene Ziyoni.+
Kanyuluka hi ntamu,Wena wasati u nehako a mahungu ya manene Jerusalema.
Kanyuluka, u nga chavi.
Huwelela ka madhoropa ya Judha, uku: “Hi loyi a Nungungulu wa n’wina.”+
10 Hi nga wonani! Jehovha, a Hosi ya Hombe, i tata na a hi ni ntamu,I ta fuma hi woko gakwe.+
Hi nga wonani! A nchachazelo wakwe wu na yena,Ni muholo lowu a hakhelako wu mahlweni kakwe.+
11 I ta risa a ntlhambi wakwe a ku fana ni murisi.+
I ta hlengeleta a tiyivhana hi woko gakwe,A ti wukarela laha cifuveni cakwe.
I ta ti hletela khwatsi a tiyivhu leti ti an’wisako.+
12 Himani a nga pima mati lomu canjeni gakwe,+Ni ku susa a tipimo ta matilo hi palmo* gakwe ke?
Himani a hlengeleteleko a ntshuri wa misava lomu ka lipimo,+Kutani a pezileko a zvitsungaNi zvitsungana lomu cikalweni ke?
13 Himani a pimileko* a moya wa Jehovha?Kona himani a nga mu gondzisako kota sungukati gakwe?+
14 I wutisile mani kasi ava ni kuzwisisa?Himani a mu gondzisako a ndlela yo lulama,Kutani a mu gondzisako a wutivi,Kutani ku mu komba ndlela ya kuzwisisa ka lisine ke?+
15 Hi nga wonani! A matiko me khwatsi i thosa ga mati lomu bhaketini,Ma tlhela ma ku khwatsi i ntshuri lomu cikalweni.+
Hi nga wonani! Yena wa tlakusa a zvihlale* a ku fana ni ntshuri.
16 Hambu a khwati ga Lebhanoni a gi humesi a tihunyi to enela,*Ni zvihari zva gona a zvi eneli a ku maha hi zvona a munyikelo wa kuhiswa.
17 A matiko wontlhe me khwatsi i nchumu wu nga hiko kona mahlweni kakwe;+A nga ma woni kota nchumu; me khwatsi i nchumu wu nga hiko kona.+
18 Mu ta mu fananisa na mani Nungungulu?+
Cini ca ku mu nga mu fananisa naco?+
19 A meseri i maha cifananiso,*A mubethi wa tisimbi i ci nameketela a ouro,+A maha ni machini ya prata.
20 I hlawula a sinya ya munyikelo wakwe,+A sinya yi to kala ku bola.
Wa lavetela a meseri a nga ni wutlhariKasi a maha cifananiso ci kehlilweko ci to kala kuwa.+
21 Kasi a mu zvi tivi?
A mu zvi zwangi?
Kasi a mu byeliwangi kusukela kusanguleni ke?
A mu se zvi zwisisa cima ku yimisiwa a zviseketelo zva misava ke?+
22 Ku na ni Loyi a tshamako hehla ka cirendzelekwani ca misava,+Ni vaaki va kona ve khwatsi mabhandzala.
I andlala a matilo a ku fana ni nguwo,A ma gwimba a ku khwatsi i tenda go tshama kona.+
23 Wa bohlisa tihosana ti ngavi nchumu,A maha a valamuli* va misava va ngavi nchumu.
24 Na va ha hi ku byaliwa,Na va ha hi ku xwanyiwa,Ni tshinya gabye na gi nga se zima mitsu misaveniVa biwa hi moya va woma,A moya wu va kukuleta a ku fana ni tihlanga,+
25 “Mu ta ndzi fananisa na mani, loyi mu nga ndzi ringanisako naye ke?”, ku wula Loyi a Basileko.
26 “Tlakusani a matihlo ya n’wina tilweni mu cuwuka.
Himani a nga vanga zvilo lezvi?+
Hi Loyi a zvi humesako hi butho ga zvona, hi ntsengo;Loyi a vitanako zvontlhe hi mavito.+
Hi kota ya ntamu wakwe wa hombe ni wukulu gakwe go hlamalisa,+Ci hava ci vhumalekako ka zvona.
27 Wena Jakobe na wena Izrayeli hikuyini mu wulako ku:‘A ndlela ya mina yi fihlele mahlweni ka Jehovha,Niku Nungungulu a nga ndzi maheli kululama’ ke?+
28 Kasi a mu zvi tivi? A mu zvi zwangi?
Jehovha, a Muvangi wa magemeta-musi ya misava, i Nungungulu wa pindzukelwa.+
A nga tshuki a karala ne ku mbhela ntamu.+
A kuzwisisa kakwe a ku na ku tiviwa.*+
29 Wa va nyika ntamu lava va kareleko,Ni ntamu wa hombe lava va nga hava ntamu.+
30 A majaha ma ta karala ma mbhela ntamu,Ni vaswa va ta ti phinganyeta, vawa,
31 Kanilezvi lava va rindzelako Jehovha va ta tlhela va kuma ntamu.
Va ta purumela hehla a ku fana ni magama.+
Va ta tsutsuma va nga rereki,Va famba va nga karali.”+
Mitlhamuselo ya lahasi
^ Kutani: “Chavelelani”.
^ Kutani: “yi wuyetilweko kumbiri”.
^ Kutani: “Longiselani”.
^ Kutani: “vanhu vontlhe va”.
^ Kutani: “vanhu vontlhe va”.
^ Zvi nga maha na zvi wula ku: “zwisisileko”.
^ Kutani: “ilhas; zvilundzo zva mati”.
^ Kutani: “a gi zvi koti ku simama gi vhurisa ndzilo”.
^ Kutani: “cifananiso ci nyekisilweko”.
^ Kutani: “tihosana”.
^ Kutani: “a ku nge pimiwi”.
