Isaya 41:1-29
41 “Ndzi ingiseleni na mu miyele,* n’wina zvihlale;*A matiko ma wa tlhele ma kuma ntamu wa wona.
Ma wa tshinele; ma wa wulawule.+
A hi tlhanganeni kulamulweni.
2 Himani a vhuxileko munhu hi le mutsuwuka-gambo,+A mu vitana hi kululama ata mikondzweni Yakwe,*A ta mu nyika a matikoNi ku mu maha a khozisa a tihosi ke?+
Himani a va fuvisako hi cipadha cakwe va maha ntshuri,A va hangalasa mahlweni ka wura gakwe a ku khwatsi tihlanga ti kukuletwako hi moya?
3 Wa va hlongolisela, a hundza na a nga vhalelwi hi nchumuLomu tindleleni leti a nkondzo wakwe wu nga kala wu nga se famba hi tona.
4 I ntiro wa mani lowu, kona himani a mahileko lezvi,A vitanisa a zvizukulwana kusukela kusanguleni?
Mina Jehovha, hi mina wo Sangula;+Ni ka lava vo gumesa ndzi tshamisile zvalezvo.”+
5 A zvihlale* zvi zvi wonile, zvi chava.
A magemeta-musi ya misava ma sangulile ku rurumela.
Va tshinela kusuhani, vata.
6 A mun’we ni mun’wani i vhuna a munghana wakwe,A byela makabye wakwe, aku: “Tiya.”
7 Hikwalaho, a meseri i tiyisa a mubethi wa tisimbi.+Loyi a bethako hi hamelaI tiyisa loyi a bako laha ko bethela kona.
I ngalo: “A simbi leyi yi hiselwe khwatsi.”
Andzhako ka lezvo, i yi belela hi zvipikiri kasi yi ngawi.
8 “Kanilezvi wena Izrayeli u nandza ga mina;+Wena Jakobe, wena loyi ndzi ku hlawulileko,+A pswalo* wa munghana wa mina Abrahama,+
9 Wena ndzi ku tekileko hi le magemeta-musi ya misava,+Wena ndzi nga ku vitana matshan’wini ya le kule,
Ndziku ka wena: ‘Wena u nandza ga mina;+Ndzi hlawulile wena; a ndzi ku alangi.+
10 U nga chavi, hakuva ndzi na wena.+
U nga karateki, hakuva ndzi Nungungulu wa wena.+
Ndzi ta ku tiyisa, ina, ndzi ta ku vhuna,+Hakunene ndzi ta ku khoma hi canja ga mina ga cinene ga kululama.’
11 Vontlhe lava va ku vhi-ndlukelako hi zanga va tawa tingana, va tsongahatiwa.+
Lava va lwako na wena va ta koramiswa, va lova.+
12 U ta lavetela lava va lwako na wena kanilezvi u nga ta va kuma;Lava va lwako yimpi na wena va ta ku khwatsi i nchumu wu nga hiko kona, a nchumu wu nga vhuniko nchumu.+
13 Hakuva mina Jehovha, a Nungungulu wa wena, ndzi ku khoma hi canja ga wena ga cinene;Hi mina Loyi a ku byelako, aku: ‘U nga chavi, ndzi ta ku vhuna.’+
14 U nga chavi, wena ciwungwani* Jakobe,+N’wina va ka Izrayeli, ndzi ta mu vhuna”, ku wula Jehovha, a Mutlhatlhisi wa n’wina,+ Loyi a Basileko wa Izrayeli.
15 “Wa zvi wona! Ndza ku maha citlhata ca ku hula timbewu,+A cibya ciswa ca ku hula hi cona ci nga ni matino mambiri.
U ta kandzihetela a zvitsunga, u zvi fayetela,U maha zvitsungana zvi ku khwatsi i mungu.*
16 U ta zvi hehera,Zvi kukuletwa hi moya zviya kule;Zvi ta hangalaswa hi moya wa hombe.
U ta tsakela Jehovha,+U ti kulisa hi Loyi a Basileko wa Izrayeli.”+
17 “A muvhumali ni cisiwana va lava mati, kanilezvi a va ma kumi.
A lirimi labye li womile hi tora.+
Mina Jehovha ndzi ta va hlamula;+
Mina Nungungulu wa Izrayeli ndzi nga ta va tsika.+
18 Ndzi ta khulungisa micongo lomu ka zvitsungana zva ligwangwa+Ni zvibuka zva mati lomu mikoveni.+
Ndzi ta hundzula ciwula civa tiva gi teleko hi hlanga,Ni tiko go kala mati giva zvibuka zva mati.+
19 Lomu ciwuleni ndzi ta byala sedhare,Ni akasia, ni mirta, ni pinyeiro.+
Lomu ka livala ndzi ta byala a junipero,Zvin’we ni freixo ni kipresi,+
20 Kasi a vanhu vontlhe va zvi wona va tlhela va zvi tiva,Va demba ndleve va zwisisaLezvaku a canja ga Jehovha hi gona gi mahileko a zvilo lezvi,Ni lezvaku Loyi a Basileko wa Izrayeli hi yena a zvi vangileko.”+
21 “Kecarani a mhaka ya n’wina”, ku wula Jehovha.
“Nyikani wukustumunyu ga mhaka ya n’wina”, ku wula a Hosi ya Jakobe.
22 “Nyikani wukustumunyu mu tlhela mu hi byela lezvi zvi to maheka.
Hi byeleni a timhaka ta kaleloko,*Kasi hi ehleketa hi tona hi tiva a magumo ya tona.
Kutani hi hlawuteleni lezvi zvi tako.+
23 Hi byeleni lezvi zvi to maheka cikhatini ci tako,Kasi hi zvi tiva lezvaku n’wina mu vanungungulu.+
Ina, mahani nchumu, kani wa wunene kutani wo biha,Kasi hi zvi wona hi hlamala.+
24 Hi nga wonani! N’wina mu nchumu wu nga hiko kona,Niku lezvi mu mahako a zvi vhuni nchumu.+
Ni wihi loyi a mu hlawulako cinyenyeko.+
25 Ndzi vhuxile munhu hi le n’walungu,* niku i tata,+A munhu a tako hi le mutsuwuka-gambo,+ loyi a to vitana a vito ga mina.
I ta kandzihetela vafumeli a ku khwatsi i wumba,+A ku fana ni muwumbi a kandzihetelako a wumba go tsakama.
26 Himani a hi byelileko a mhaka leyi kusukela kusanguleni kasi hi yi tiva?Kutani loyi a zvi wulileko zvikhatini zva kale kasi hiku: ‘Hi zvona a wulako’?+
Hakunene i hava a zvi wulileko!
I hava a nga zvi huwelela!
I hava a zwileko nchumu ka n’wina!”+
27 Hi mina wo sangula ku byela Ziyoni, ndziku: “Hi nga wona! Hi lezvi!”+
Niku ndzi ta rumela a cirun’wa ca mahungu ya manene le Jerusalema.+
28 Kanilezvi ndzi no simama ku cuwukela, hambulezvo a ndzi wonangi munhu;Ku wa nga hi na munhu cikari kabye wa ku nyika wusungukati.
Ndzi no simama ku va kombela ku va hlamula.
29 Ehe! Vontlhe a hi va nchumu.*
A mitiro yabye a hi ya nchumu.
A zvifananiso zvabye zva simbi* i moya niku i nchumu wu nga hiko kona.+
Mitlhamuselo ya lahasi
^ Kutani: “ilhas; zvilundzo zva mati”.
^ Kutani: “Miyelani mahlweni ka mina”.
^ Ku nga lezvaku a ta mu tirela.
^ Kutani: “ilhas; zvilundzo zva mati”.
^ Hi kukongoma: “mbewu”.
^ Ku nga lezvaku a nga zvi kotiko ku ti vhikela ni kuva wa nyalidede.
^ A mungu hi lezvi zvi humako a cikhati leci va tsutsutako timbewu.
^ Hi kukongoma: “to sangula”.
^ Kutani: “norte”.
^ Kutani: “i nchumu wu nga hiko kona”.
^ Kutani: “zvifananiso zvabye zvi nyekisilweko”.
