Isaya 42:1-25
42 Hi nga wonani a nandza ga mina,+ legi ndzi gi seketelako!
A hlawulilweko wa mina,+ loyi ndzi* xalalako hi yena!+
Ndzi mu chelile a moya wa mina;+I ta neha kululama hehla ka matiko.+
2 A nga ta banguleka kutani ku tlakusa gezu gakwe;A nga ta zwata gezu gakwe lomu ruweni.+
3 A nga ta tshova lihlanga li khinyekileko,Ne a nga ta tima kandiya* yi tuvikako musi.+
I ta neha kululama hi kutsumbeka.+
4 A nga ta mbhela ntamu ne hambu ku pfotlosiwa kala a yimisa a kululama laha misaveni;+A zvihlale* zvi rindzela a nayo* wakwe.
5 Lezvi hi lezvi Jehovha, a Nungungulu wa lisine, a wulako,A Muvangi wa matilo, ni Wahombe loyi a ma tshambulutileko,+Loyi a andlalileko misava ni lezvi yi humesako,+Loyi a nyikako kuhefemula ka vanhu va nga ka yona+Ni moya ka lava va fambako hehla ka yona:+
6 “Mina Jehovha, ndzi ku vitanile kululameni;Ndzi ku khomile hi canja ga wena.
Ndzi ta ku vhikela, ndzi ku nyikela kota civhumelwano ka vanhu,+Ni kuwonekela ka matiko,+
7 Kasi u vhulula a matihlo ya zvikhumu,+U humesa a zvibochwa lomu paxweniNi ku va humesa paxweni lava va tshamileko lomu munyameni.+
8 Hi mina Jehovha. Lego hi gona a vito ga mina;A ndzi nyikeli a wukulu ga mina ka mun’wani,*Ne hambu a wudzundzo ga mina ka zvifananiso zvi kehlilweko.+
9 Wonani! A zvilo zvo sangula zvi mahekile;Makunu ndza mu byela a zvilo zviswa.
Ndzi ranga ndzi mu byela na zvi nga se maheka.”+
10 Yimbelelani a lisimu liswa ka Jehovha,+Mu mu dhumisa kusukela magemeta-musi ya misava,+N’wina lava mu relelako bimbini ni zvontlhe zvi gi tatileko,N’wina zvihlale* ni lava va hanyako ka zvona.+
11 A ciwula ni madhoropa ya cona zvi wa tlakuse a magezu ya zvona,+Ni zvidhoropana lezvi Kedhare+ a tshamako ka zvona.
Lava va akileko laha ribyeni va wa kanyuluke hi kutsaka;Va wa banguleke hi le madembeleni ya zvitsunga.
12 Va wa dzundze Jehovha,Va huwelela wudzundzo gakwe lomu zvihlaleni.*+
13 Jehovha i ta huma kota nhenha.+
I ta vhuxa a kutitsitsirita kakwe kota musochwa,+
I ta kanyuluka, ina, i ta zwata a guwa ga yimpi;I ta ti kombisa na a hi wa ntamu nguvhu a ku hundza a valala vakwe.+
14 “Kale na ndzi miyele.
Ndzi no rula, ndzi ti khoma.
A ku fana ni wasati a pswalako,Hi cikhati caleci ca cin’we ndzi ta keta, ndzi hefemuteka, ndzi tlhela ndziva ni mahika.
15 Ndzi ta hahlula a zvitsunga ni zvitsungana,Ndzi womisa a tisinya tontlhe ta zvona.
Ndzi ta hundzula a micongo yi maha zvihlale,*Ndzi pswhisa a mativa ya mati ma teleko hi hlanga.+
16 Ndzi ta rangela zvikhumu ndleleni zvi nga yi tiviko,+Ndzi zvi maha zvi famba hi tindlela zvi kalako zvi nga se kandzihela.+
Ndzi ta hundzula munyama mahlweni kabye wuva kuwonekela,+Ndzi lulameta ni wutshamu gi byekeleko.+
Hi zvalezvo ndzi to va mahela; ndzi nga ta va tsika.”
17 Va ta tlhelisiwa ndzhako va ku koyo tinganaLava va tsumbako a zvifananiso zvi kehlilweko,Lava va byelako a zvifananiso zva simbi,* vaku: “N’wina mu vanungungulu va hina.”+
18 Ingiselani, n’wina zviwiri;Cuwukani mu wona, n’wina zvikhumu.+
19 Himani a nga cikhumu loku ku nga hi nandza ga mina,Ni ciwiri ca hombe co kota a cirun’wa ca mina leci ndzi ci rumako?
Himani a nga cikhumu ca hombe co kota loyi a chachazelweko,Ni ciwiri ca hombe co kota a nandza ga Jehovha ke?+
20 U wona a zvilo zvo tala kanilezvi a wu cheli kota.
Wa vhulula tindleve ta wena kanilezvi a wu ingisi.+
21 Hi kota ya kululama kakwe,Jehovha i xalele hi ku dzundza a nayo,* a wu ngangamelisa.
22 Kanilezvi a vanhu lava va phangilwe va tlhela va yiviwa;+Vontlhe va phasilwe lomu timhakweni, va fihliwa mapaxweni.+
Va phangilwe, va nga kumi wa ku va tlhatlhisa;+Va yivilwe, na ku nga hi na waku: “Va wuyiseni!”
23 Himani cikari ka n’wina a to zvizwa?
Himani a to demba ndleve a ingisela na a alakanyela hi cikhati ci tako?
24 Himani a nga nyikela Jakobe a phangiwaNa Izrayeli ka vaphangi ke?
A hi Jehovha loyi hi nga mu wonhela ke?
Va alile ku famba tindleleni takwe,Ni nayo* wakwe a va wu ingisangi.+
25 Hikwalaho, i no simama ku chulula a khulo hehla kakwe,Ni zanga yakwe ni kuleva ka yimpi.+
Yi hisile zvontlhe zvi nga hi matlhelweni yakwe, kanilezvi a nga chelangi kota.+
Yi mu vhurele, kanilezvi a nga vangi ni mhaka nazvo.+
Mitlhamuselo ya lahasi
^ Kutani: “a muhefemulo wa mina wu”.
^ Hi kukongoma: “trisido”.
^ Kutani: “gondziselelo”.
^ Kutani: “ilhas; zvilundzo zva mati”.
^ Kutani: “A ndzi hlengeli a wukulu ga mina ni mun’wani”.
^ Kutani: “ilhas; zvilundzo zva mati”.
^ Kutani: “ilhas; zvilundzweni zva mati”.
^ Kutani: “matiko ma nga mbhirini ya bimbi”.
^ Kutani: “zvifananiso zvi nyekisilweko”.
^ Kutani: “gondziselelo”.
^ Kutani: “gondziselelo”.
