Isaya 43:1-28
43 Makunu Jehovha,A Muvangi wa wena Jakobe, Loyi a ku wumbileko, wena Izrayeli,+ i ngalo:
“U nga chavi, hakuva ndzi ku tlhatlhisile.+
Ndzi ku vitanile hi vito ga wena.
Wena u wa mina.
2 Laha u tsemakanyako mati, ndzi tava na wena,+Ni laha u tlhatukako micongo, u nga ta mbombomela.+
Laha u fambako lomu ndzilweni, u nga ta tlahuka,Ni malangavi ya ndzilo ma nga ta ku hisa.
3 Hakuva hi mina Jehovha, a Nungungulu wa wena,Loyi a Basileko wa Izrayeli, a Muhanyisi wa wena.
Ndzi nyikele Gibhite kasi ava hakhelo ya ku ku tlhatlhisa,Na Etiopia na Sebha kasi ku ku ponisa.
4 Hakuva wena u wa lisima mahlweni ka mina,+Wa dzundzeka niku ndza ku randza.+
Hikwalaho, ndzi ta nyikela vanhu wutshan’wini ga wena,Ni matiko kasi ndzi ponisa a wutomi* ga wena.
5 U nga chavi, hakuva ndzi na wena.+
Ndzi ta neha a pswalo* wa wena hi le mutsuwuka-gamboNdzi ku hlengeleta hi le mupela-gambo.+
6 Ndzi ta byela n’walungu,* ndziku: ‘Va humese!’+
Ni dzonga,* ndziku: ‘U nga va beteli.
Neha a vafana va mina hi le kule, ni vanhanyana va mina hi le magemeta-musi ya misava,+
7 Vontlhe lava va vitaniwako hi vito ga mina,+Ni lava ndzi va vangeleko a wudzundzo ga mina,Lava ndzi va wumbileko ndzi tlhela ndzi va maha.’+
8 Humesa a vanhu lava va zvikhumu, hambu lezvi va nga ni matihlo,Ni lava va zviwiri, hambu lezvi va nga ni tindleve.+
9 A matiko wontlhe ma wa tlhangane ka wutshamu gin’we,Ni mifumo yi wa hlengeletane zvin’we.+
Himani cikari kabye a nga hlawutelako a mhaka leyi?
Kutani a nga hi zwisako a zvilo zvo sangula ke?*+
Va wa humese a vakustumunyu vabye va fela ku komba lezvaku hi zvona va wulako,Kutani va wa zvizwe, vaku: ‘Lezvo lisine!’”+
10 “N’wina mu vakustumunyu va mina”,+ ku wula Jehovha,“Ina, a nandza ga mina legi ndzi gi hlawulileko,+Kasi mu zvi tiva, mu kholwa ka mina,*Mu zvi zwisisa lezvaku hi mina yaloyi wa mun’we.+
Hi mahlweni ka mina a ku mahiwangi Nungungulu,Ni ndzhako ka mina a ku vangi ni mun’wani.+
11 Mina, hi mina Jehovha,+ niku ahandle ka mina a ku na muhanyisi.”+
12 “Hi mina ndzi zvi huweleleko, ndzi hanyisa ndzi tlhela ndzi zvi tivisaNa ku nga seva ni nungungulu wa matiko cikari ka n’wina.+
Hikwalaho, n’wina mu vakustumunyu va mina”, ku wula Jehovha, “mina ndzi Nungungulu.+
13 Ahandle ka lezvo, hi mina yaloyi wa mun’we contlhe cikhati;+I hava a nga wutlako nchumu canjeni ga mina.+
Loku ndzi maha nchumu, himani a nga zvi vhalelako ke?”+
14 Jehovha, a Mutlhatlhisi wa wena,+ Loyi a Basileko wa Izrayeli,+ i ngalo:
“Hi kota ya n’wina, ndzi ta rumela munhu Bhabhuloni a ya tshova a zvikwinyaro zvontlhe zva tinyangwa.+A vaKaldheya va ta rila hi kukarateka lomu zvitimeleni* zvabye.+
15 Hi mina Jehovha, Loyi a Basileko wa n’wina,+ a Muvangi wa Izrayeli,+ a Hosi ya n’wina.”+
16 Jehovha,Loyi a bhoxako ndlela lomu bimbini,Ni tisoko hambu lomu matini ma vhindlukileko,+
17 Loyi a humesako a kareta ya yimpi ni haxi,+A butho ni masochwa ya tinhenha, i ngalo:
“Va ta etlela, va nga ha vhuki.+
Va ta timiwa, va mbhela a ku fana ni langavi ga kandiya.”*
18 “Mu nga alakanyi a zvilo zva kale,Ne mu nga tshami hi ku alakanyela a cikale.
19 Hi nga wonani! Ndzi ta maha cilo ciswa;+Ni zvalezvi ca maheka.
A mu zvi woni ke?
Ndzi ta bhoxa ndlela lomu ciwuleni,+Ni micongo lomu livaleni.+
20 A zvihari zva khwati zvi ta ndzi dzundza,A makhanga ni timbhuwu,*Hakuva ndzi ta humesa mati lomu ciwuleni,Ni micongo lomu livaleni,+Kasi a vanhu va mina, lava ndzi va hlawulileko,+ vanwa,
21 A vanhu lava ndzi ti maheleko vonaKasi va huwelela a wudzundzo ga mina.+
22 Kanilezvi, wena Jakobe, a wu khongelangi ka mina,+Hakuva wena Izrayeli, u karele hi mina.+
23 A wu ndzi nehelangi tiyivhu ta minyikelo ya wena ya kuhiswa ya mirumba,Kutani ku ndzi dhumisa hi miphahlo ya wena.
A ndzi ku kurumetangi a ku ndzi nehela cinyikiwo,Ne a ndzi ku rerangi hi ku ku londza a hlakati yo nuhela.+
24 A wu ndzi xavelangi lihlanga lo nuhela hi mali ya wena,Ne a wu ndzi xurisangi hi mafura ya miphahlo ya wena.+
Kanilezvi u no ndzi bindza hi zviwonho zva wenaU tlhela u ndzi rera hi zvigoho zva wena.+
25 Mina, hi mina ndzi vhinyako a zvihambunyeto zva wena*+ hi kota ya mina wutsumbu,+Ndzi nga ta ha zvi alakanya a zviwonho zva wena.+
26 Ndzi alakanyise; a hi komamisane kulamulweni;Nyika a wukustumunyu ga wena kasi u komba lezvaku hi zvona u wulako.
27 A papayi wa wena wo sangula i wonhile,Ni zvirun’wa* zva wena zvi ndzi hluwukele.+
28 Hikwalaho, ndzi ta nyenyezisa a tihosana ta wutshamu go basa,Ndzi nyikela Jakobe kulovisweni,Ndzi tlhela ndzi nyikela Izrayeli ka zviruko.+
Mitlhamuselo ya lahasi
^ Kutani: “muhefemulo”.
^ Kutani: “mbewu”.
^ Kutani: “norte”.
^ Kutani: “sul”.
^ Kuzvilava ku wuliwa a zvilo zvo sangula zvi to maheka cikhatini ci tako.
^ Kutani: “mu ndzi tsumba”.
^ Kutani: “mapaketi; tinavhiyo”.
^ Kutani: “trisido”.
^ Kutani: “avestruzes”.
^ Kutani: “a mitiro ya wena ya ku hluwuka”.
^ Kuzvilava ku wuliwa a vagondzisi va Nayo.