Isaya 45:1-25
45 Jehovha i wula lezvi ka a totilweko wakwe Khurusi,+Loyi ndzi khomileko a canja gakwe ga cinene+Kasi ku hlula matiko mahlweni kakwe,+Ni ku wutla matlhari ya tihosi,Ni ku vhulula mahlweni kakwe a tivati timbiri ti kumanako laha cikari,Kasi a tinyangwa ti nga vhaliwi:
2 “Ndzi ta ranga mahlweni ka wena,+Ndzi lizarela a zvitsunga.
Ndzi ta tshoveletela a tivati ta kobre,Ndzi tsemelela a zvikwinyaro zva simbi.+
3 Ndzi ta ku nyika a titshomba ti nga lomu munyameniNi titshomba ti tumbetilweko lomu ka matshamu yo fihlala,+Kasi u zvi tiva lezvaku hi mina Jehovha,A Nungungulu wa Izrayeli, loyi a ku vitanako hi vito ga wena.+
4 Hi kota ya nandza ga mina Jakobe, na Izrayeli, a hlawulilweko wa mina,Ndza ku vitana hi vito ga wena.
Ndza ku chula a vito go dzundzeka, hambu lezvi u nga ndzi tiviko.
5 Hi mina Jehovha, a ku na mun’wani.
A ku na mun’wani Nungungulu a ku tsika mina.+
Ndzi ta ku tiyisa,* hambu lezvi u nga ndzi tiviko,
6 Kasi a vanhu va zvi tivaKusukela mutsuwuka-gambo kala mupela-gamboLezvaku a ku na mun’wani ahandle ka mina.+
Hi mina Jehovha, a ku na mun’wani.+
7 Ndza vanga a kuwonekela+ ni munyama,+Ndza vanga kurula,+ ndzi neha khombo;+Mina Jehovha ndzi maha zvilo zvontlhe lezvi.
8 N’wina matilo, nisani vhula hi le hehla.+A marefu ma wa chulule a kululama.
A misava yi wa vhululeke yi pswala a kuhanyisa,Niku yi wa milise kululama khatigin’we.+
Hi mina Jehovha ndzi nga zvi vanga.”
9 Khombo ka loyi a holovako ni Mumahi wakwe.Hakuva a munhu loye cirengele ca wumba basiCikari ka zvirengele zvin’wani zvi mbambameleko laha misaveni!
A wumba gi nga byela a Muwumbi, giku: “Zvini u mahako?”+
Kutani leci u ci mahileko ci nga wula ku: “A wu na mandla”?*
10 Khombo ka loyi a byelako papayi, aku: “U papayi wa yini?”
Ni ka wasati, aku: “Cini u pswalako?”*
11 Jehovha, Loyi a Basileko wa Izrayeli,+ a Mumahi wakwe, i ngalo:
“Mu lava ku ndzi wutisa a zvilo zva ha takoNi ku ndzi nyika milayo xungetano hi vana va mina+ ni mitiro ya mandla ya mina ke?
12 Ndzi mahile misava+ ndzi tlhela ndzi vanga a munhu loyi a nga ka yona.+
Ndzi tshambulutile a matilo hi mandla ya mina,+Ndzi tlhela ndzi ma nyika milayo a mabutho wontlhe ya matilo.”+
13 “Ndzi humesile munhu kululameni ka mina;+Ndzi ta lulameta a tindlela takwe tontlhe.
Hi yena a to aka a dhoropa ga mina,+A tlhatlhisa a vanhu va mina va khomilweko+ na a nga hakhelwangi ne na a nga xaviwangi”,+ ku wula Jehovha wa mabutho.
14 Jehovha i ngalo:
“A bhindzu* ga Gibhite ni zvilo zvi xavisiwako hi* Etiopia ni vaXebha, a vanhu vo leha,Zvi tata ka wena, zviva zva wena.
Va ta ku landzela na va bohilwe hi machini.
Va tata va ta ku khizamela.+
Va ta khongela ka wena, vaku: ‘Hakunene Nungungulu i na wena;+A ku na mun’wani; a ku na mun’wani Nungungulu.’”
15 Hakunene wena u Nungungulu a ti fihlako,O wena Nungungulu wa Izrayeli, a Muhanyisi.+
16 Vontlhe va ta wisiwa tingana, va tsongahatiwa;A vamahi va zvifananiso va ta famba na va tsakamile hi tingana.+
17 Kanilezvi Izrayeli i ta hanyisiwa hi Jehovha hi kuhanyisa ka pindzukelwa.+
Mu nga ta dhana kutani ku wisiwa tingana kala kupindzuka.+
18 Hakuva Jehovha,A Muvangi wa matilo,+ a Nungungulu wa lisine,Loyi a wumbileko misava, a Mumahi wa yona, loyi a yi yimisileko yi tiya,+Loyi a nga vangangiko misava mahala,* kanilezvi a yi vangileko kasi yiva wutshamu ga ku a vanhu va hanya ka gona, i ngalo:+
“Hi mina Jehovha, a ku na mun’wani.
19 A ndzi wulawulangi kufihlaleni,+ lomu tikweni ga munyama;A ndzi byelangi a pswalo* wa Jakobe, ndziku:‘Ndzi hloteni mahala.’
Hi mina Jehovha, loyi a wulawulako a timhaka ti lulamileko ni ku kanela timhaka ta tinene.+
20 Hlengeletanani muta.
Tshinelani, n’wina mu ponileko cikari ka matiko.+
A va tivi nchumu, lava va rwalako a zvifananiso zvi kehlilweko,Va khongela ka nungungulu a nga zvi kotiko ku va ponisa.+
21 Hlawutelani a mhaka ya n’wina, humesani a mhaka ya n’wina.
Va wa wutisane.
Himani a phrofetileko a mhaka leyi kalelokoA tlhela a yi kanela zvikhatini zvi hundzileko ke?
A hi mina Jehovha?
A ku na mun’wani Nungungulu ahandle ka mina;Mina ndzi Nungungulu wa kululama ni Muhanyisi,+ a ku na mun’wani ahandle ka mina.+
22 N’wina magemeta-musi wontlhe ya misava, wuyani ka mina mu ta hanyisiwa,+Hakuva ndzi Nungungulu, a ku na mun’wani.+
23 Ndzi hlambanyile hi wutsumbu ga mina;A mhaka yi humileko non’wini wa mina lisine,Yi nga ta tlhelela ndzhako:+
A madzolo wontlhe ma ta ndzi khizamelaNi tirimi tontlhe ti ta hlambanya lezvaku ti ta tsumbeka,+
24 Tiku: ‘Hakunene a kululama ka lisine ni ntamu zvi le ka Jehovha.
Vontlhe lava va mu zangarelako va tata mahlweni kakwe na va te koyo tingana.
25 Hi kota ya Jehovha, zvi ta woneka kubaseni lezvaku a pswalo* wontlhe wa ka Izrayeli wu lulamile,+Wu tlhela wu ti dzundza hi yena.’”
Mitlhamuselo ya lahasi
^ Hi kukongoma: “Ndzi ta ku boha bhandi gi tiya”.
^ Zvi nga maha na zvi wula ku: “Kutani a wumba gi nga wula, giku: ‘A cibya ca wena a ci na zvikhomo’?”
^ Kutani: “U lun’wa hi yini?”
^ Zvi nga maha na zvi wula ku: “vatiri”.
^ Zvi nga maha na zvi wula ku: “ni vaxavisi va”.
^ Zvi nga maha na zvi wula ku: “kasi yiva phanga”.
^ Hi kukongoma: “mbewu”.
^ Hi kukongoma: “mbewu”.
